Кумшекер жана өсүмдүк майы кошумча нарк салыгынан убактылуу бошотулду
Маалыматта айтылгандай, “Министрлер кабинетинин чечимине ылайык, 1-апрелден 31-декабрга чейин Кыргызстанга импорттолуучу кумшекердин жана рафинаддалган өсүмдүк майынын кошумча наркына нөлдүк салык ставкасы белгиленди”.
24-февралда Орусия Украинага басып киргенден кийин дээрлик эки жылдан бери 85 сомдун тегерегинде туруктуу кармалып келген доллардын куну кескин жогорулап, сомго карата курсу 20 сомго кымбаттаган. Ошонун кесепетинен базарда негизги азык-түлүктүн баасы да жогорулады. (RK)