Новости за 23.03.2022

Мурдагы президент Алмазбек Атамбаевди бүгүн 23-мартта Биринчи май райондук сотуна Кой-Таш окуясы боюнча отурумга жеткиришип, бирок кайра колонияга алып кетишти. Себеби Атамбаев аны сотко кайтаруу менен жеткирип барган машинанын ичинен чыгуудан баш тартты. Адвокат Замир Жоошевдин айтымында, буга мурдагы президенттин ден соолугуна байланыштуу жагдай жана аны абактан күн суукта жеңил кийимчен алып чыгышканы себеп болду: “Атамбаевди №47 колониядан күч колдонуп, конвой кызматкерлерине өткөрүп беришиптир. Читать дальше...

Бишкек-Ош унаа жолунун Төө-Ашуу жана Ала-Бел ашууларында, "Сосновка" жана "Чычкан" постторунда оор жүк ташуучу автоунаалардын өтүүсүнө чектөөлөр киргизилди. Чектөө аба ырайы калыбына келгенге чейин болот. Бул тууралуу Жол коопсуздугун камсыздоо башкармалыгынын басма сөз кызматы билдирди. Маалыматка караганда, учурда Төө-Ашуу, Ала-Бел жана Өтмөк ашууларынын айланасындагы жолдордо кар күрткүсү байкалууда. Ашууларда жолду тазалоого керектүү техника тартылып, машинелердин коопсуз өтүүсү үчүн материал  төгүлүүдө. Читать дальше...

Мамдумадагы "Единая Россия" партиясынын депутаттарына фракция лидери Владимир Васильевдин уруксатысыз Орусиянын аймагынан сырткары чыгууга тыюу салынды. Бул тууралуу орусиялык басылмалар Васильев кол койгон буйрукка таянуу менен жазып чыкты.  Депутаттар мындан ары чет жакка чыга турган болсо, фракция лидерине арыз жазып, бара турган өлкөсүн, максатын жана кайтып келе турган мөөнөтүн көрсөтүшү керек. Документте бул чектөө кызматтык сапарларга жайылтылбай турганы көрсөтүлөт. Wall Street Journal басылмасы жазгандай... Читать дальше...

Саламаттык сактоо министри Алымкадыр Бейшеналиев №6 Бишкек шаардык ооруканасынын экинчи корпусунда жайгашкан Алмазбек Исманкуловдун менчик медициналык борбору көчүп жатканын “Азаттыкка” билдирди. Маалыматты Алмаз Исманкуловдун өзүнөн тактоого мүмкүн болгон жок. 18-мартта Алмазбек Исманкулов Бишкекте маалымат жыйын өткөрүп, медициналык борбору бейтаптарды кабыл алып, кадимки тартипте иштеп жатканын билдирген. Ал имаратты ижарага алуу боюнча Бишкек мэриясы менен түзүлгөн келишим күчүндө экенин... Читать дальше...

Израилдин түштүн жагындагы Беэр-Шева шаарында калк жыш баскан көчөдөгү бычак менен кол салуудан төрт адам мерт болду. Кол салган араб тектүү Израил жаранын жолдо бараткан башка киши атып өлтүрдү. Айрым маалыматтарга караганда, кылмышка барган киши мурда мектепте мугалим болуп иштечү. Кийин “Ислам мамлекети” террордук тобу менен байланышканы үчүн абакка кесилип чыккан. Соңку кол салууда анын шериктери болгон эмес деп болжолдонууда. Мусулмандардын ыйык айы – Рамазандын жакындашы менен Израилде жана Палестина аймактарында чыңалуу күчөй түшөт. Читать дальше...

22-мартты Бириккен Улуттар Уюму эл аралык суу корунун күнү деп белгилеп келет. Окумуштуулар Борбор Азия чөлкөмүндө суу ресурстары азайып, мөңгүлөр эрип, алдыдагы жылдарда кургакчылык болушу мүмкүн деп божомолдошууда. Кыргызстан сууга бай өлкө катары аймактагы бул тенденцияда кандай ролду ойнойт? Сууну максаттуу пайдалануу боюнча кандай иш-аракеттер жүрүүдө? Чындап эле өлкөдө мөңгүлөр, эрип, суу көйгөйү алдыңкы планга чыгабы? Талкууга Айыл чарба министрлигине караштуу Суу ресурстары кызматынын жетекчиси Алмаз Сокеев... Читать дальше...

Кыргызстанда кумшекерди жана өсүмдүк майын өлкөгө алып кирүү кошумча нарк салыгынан убактылуу бошотулду. Бул тууралуу Министрлер кабинетинин кезектеги жыйынында айтылганын 23-мартта өкмөттүн басма сөз кызматы билдирди.   Маалыматта айтылгандай, “Министрлер кабинетинин чечимине ылайык, 1-апрелден 31-декабрга чейин Кыргызстанга импорттолуучу кумшекердин жана рафинаддалган өсүмдүк майынын кошумча наркына нөлдүк салык ставкасы белгиленди”. 24-февралда Орусия Украинага басып киргенден кийин дээрлик... Читать дальше...

Бириккен Улуттар Уюмунун божомолуна ылайык, Украинадагы согуш дүйнө жүзүндө азык-түлүктүн жетишсиздигине алып келиши мүмкүн. Ал эми айрым өлкөлөрдө ачарчылык да болушу ыктымал. Мунун негизги себеби – Украина жана Орусиянын дүйнөдөгү күн карама майы менен буудай базарындагы үлүшү, ошондой эле башка дан эгиндерин (жүгөрү, арпа ж.б.) өндүрүү боюнча да үлүшү кыйла чоң экендиги. БУУнун эсебинде, бул эки өлкөдө өндүрүлүүчү май менен буудай башка мамлекеттерге жеткирилбей калса, дүйнөдө 40 миллиондой адам өтө жакыр абалга түшүп калышы мүмкүн. Читать дальше...

24-мартта түнкүсүн Кыргызстандын көпчүлүк аймактарында маал-маалы менен жаан, кар, тоо этектеринде жана тоолуу райондордо кар жаайт. Күндүз Талас, Ош, Жалал-Абад, Нарын облустарынын көпчүлүк аймактарында, Чүй, Баткен, Ысык-Көл облустарынын кээ бир райондорунда маал-маалы менен жаан, кар, тоо этектеринде жана тоолуу райондордо кар жаайт. Батыш тараптан келген шамалдын ылдамдыгы секундасына 4-9 метрге жетет. Абанын температурасы: Чүй облусунда түнкүсүн 0...-5, күндүз 2…7; Талас жергесинде түнкүсүн 0...-5... Читать дальше...

Кыргызстандагы маалымат каражаттарынын үстүнөн түшкөн арыздарды караган комиссиянын курамы жаңыланды. Ага журналисттерден алты, жарандык коом жана медиа уюмдардын өкүлдөрүнөн жети киши кирди. Жаңы курам 23-мартта Бишкекте өткөн медиа форумда жабык добуш берүү менен отуздай талапкердин арасынан тандалды. Комиссияга журналисттерден Семетей Аманбеков, Али Токтакунов, Асел Сооронбаева, Өмүрбек Сатаев, Кайыргүл Урумканова жана Дилбар Алимова кирди. Жарандык коом жана медиа уюмдардын өкүлдөрүнөн Тамара Валиева... Читать дальше...

"Инсан-Лейлек" фонду жана мигранттардын кошууну Орусияга карата салынган санкциялардын эмгек мигранттарына тийгизген таасири туурасында сурамжылоо уюштурган. Ага ылайык, Орусияда иштеп жаткан мигранттардын 95% (сурамжылоого катышкандардын - ред.) санкциялар аларга таасир эткенин айтты. Катышуучулардын 64% каржылык кыйынчылыктарга дуушар болгонун айтышса, 40 пайызы үйүнө, мекенине кайтышы мүмкүн экенин билдиришкен. Ал эми суралгандардын 77% Украинадагы согуш жакын арада бүтүп, санкциялар кайра алынарына ишенет. Читать дальше...

Кыргызстан быйыл Кумтөр алтын кенинен 500 миллион доллар киреше табууну көздөп жатат. Бул тууралуу Министрлер кабинетинин төрагасы Акылбек Жапаров 22-мартта Чүйдө лифт чыгаруучу алгачкы кыргызстандык ишкананын ачылышында сүйлөп жатып айтты. Жапаров Кумтөр кыргыз экономикасынын кыймылдаткычы болуп жатканын, анын алтыны элге таандык экенин белгилеп, ишкерлерди колдоо үчүн жеңилдетилген шартта насыя берүүгө мүмкүнчүлүк бардыгын билдирди: "Биз Кумтөрдү алганда анын эсебинде болгону 48 миң доллар бар болчу. Читать дальше...

29 жаштагы Эсен Ниязов Америкада он жылдай IT тармагында иштеп, Кыргызстанга кайтып келген. Ал Бишкекте жана жакында эле Москвада мекендештери үчүн IT кампусун ачты. IT мектебинде окуу акысы 12 миң сомдон башталат. IT мектеби - программалоо тилдерин жана англисче үйрөтөт. Ниязов бул тармак миллиондогон кирешелерди алып келип, бир топ кишини жумуш менен камсыз кыларын айтууда.

Өлкө президентинин өзүнчө кеңсесинин курулушу быйыл бүткөрүлөрүн 22-мартта Министрлер кабинетинин төрагасы Акылбек Жапаров билдирди. Бул тууралуу ал Чүйдө лифт чыгаруучу алгачкы кыргызстандык ишкананын ачылышында сүйлөп жатып айтты: «Биз азыр курулушун баштап, бир жыл ичинде бүткөрөбүз деп үмүт кылып жаткан президенттин кеңсеси да, шаардын өйдө жагына көчүп жаткан өкмөттүк комплекс да өзүбүздө жасалган лифттер менен жабдылышы керек деп сунуш кылып жатабыз». Өндүрүш кубаттуулугу бир жылда 500... Читать дальше...

16-марттан тартып Москванын эң чоң аэропорту - “Шереметьеводо” кызматкерлердин 40% кыскартылганы кабарланды. Көп өтпөй жумушчулардын 20% гана иши убактылуу токтотулганы айтылды. Дүйшөмбүдө орусиялык басылмалар “Шереметьево” аэропортунун башкы директору Михаил Василенко кызматкерлерди 40% чейин убактылуу кыскартуу жөнүндө буйрук чыгарганын маалымдашты. Бирок ал мөөнөт канчага созулары айтылган эмес. Кийинчерээк “Шереметьевонун” администрациясы убактылуу ишин токтоткондор 40% эмес, 20% экенин билдирди. Читать дальше...

Министрлер кабинетинин төрагасы Акылбек Жапаров ата мекендик кайра иштетүүчү ишканалардын өкүлдөрү менен жолугушту. Анда азык-түлүк коопсуздугун камсыздоо, айыл чарба тармагына мамлекеттик колдоо көрсөтүү жана антикризистик чараларды иштеп чыгуу жаатындагы маселелер талкууланганын өкмөттүн басма сөз кызматы кабарлады. Маалыматка караганда, Жапаров өлкөнүн азык-түлүк коопсуздугун 9 кластер боюнча, анын ичинде эт продукциясы (бодо мал жана кой-эчки, канаттуулар, балык), сүт продукциясы, ун, кант, өсүмдүк майы... Читать дальше...

Казакстанда Жылуулук электр борборундагы (ЖЭБ) окуяга байланыштуу ишкананын директору жана башкы инженери кармалганын 22-мартта “Азаттыктын” казак кызматы Түндүк-Казакстан облусунун прокуратурасынын маалыматына таянып жазды.  20-мартта Петропавловск шаарындагы ЖЭБдин үч морунун бири урап түшкөн. Прокуратура кызматтык милдетке жоопкерчиликсиз мамиле жасоо деген айыптын негизине кылмыш ишин козгогон. Соңку маалыматка караганда, кырсык болгон жерден урандылар астынан 38 жаштагы машинист жумушчунун сөөгү табылды. Читать дальше...

Украинадагы согушта орус армиясынын катарында каза болуп, мекенине жеткирилген кеминде төрт тажик жаранынын экөөнүн сөөгү жерге берилгенин “Азаттыктын” тажик кызматы 22-мартта жазды. Алар Хатлон жана Согд облустарында туулган 50 жаштагы Саидакбар Саидов жана 38 жаштагы Рамазон Муртазоев экени маалымдалды. Маркумдардын жакындары алар тууралуу журналисттерге  маалымат берүүдөн баш тартышты. Тажикстандын көптөгөн жарандары Орусияда эмгек миграциясында жүрүшөт, алардын айрымдары орус жарандыгына өткөн. Читать дальше...

Жакынкы айларда Орусиядан 70-100 миң IT-адис чыгып кетиши ыктымал деген божомолун 22-мартта Baza басылмасы Орусиянын Электрондук коммуникациялар ассоциациясынын башчысы Сергей Плуготаренкого таянып жазып чыкты. Макалада айтылгандай, буга чейин чыгып кеткендердин саны 50-70 миңдин тегерегинде болду. Плуготаренконун пикиринде, авиа билеттер кымбаттабай, акча боюнча транзакция жүргүзүү мүмкүнчүлүгү жоюлбаганда, Орусиядан кетип жаткан IT-адистер мындан да көп болмок. 24-февралда Орусия Украинада... Читать дальше...

АКШ президенти Жо Байден ушул аптада Брюсселде Кошмо Штаттардын европалык өнөктөштөрү менен жолугушууда Орусияга карата жаңы санкциялар жөнүндө жарыялайт. Бул тууралуу Ак үйдүн улуттук коопсуздук боюнча кеңешчиси Жейк Салливан 22-мартта журналисттерге билдирди. Анын айтымында, 24-мартта Орусияга каршы санкциялардын кошумча пакети гана эмес, аларды кыйгап өтүүгө жол бербөө чаралары тууралуу да маалымат берилет. Байден Европа сапарында НАТО, G7 жана Европа кеңеши боюнча өнөктөштөр менен жолугушууларды өткөрүп... Читать дальше...

Украинанын Мариупол шаарында бүгүнкү күндө дагы 100 миңдей адам камалоодо турганын өлкө президенти Владимир Зеленский 22-мартта кезектеги видео кайрылуусунда айтты. "Адам чыдагыс шартта. Толук блокадада. Тамак-ашсыз, суусуз, дары-дармексиз. Тынбаган аткылоо, тынбаган бомбалоо астында", - деди украин башчысы. Анын айтымында, шаардагы элди алып чыгуу үчүн туруктуу гуманитардык коридор түзүү аракеттери орус тараптын айынан улам үзгүлтүккө учуроодо. Ал эми Орусия бул үчүн украин тарапты айыптап жатат. Читать дальше...

Франциянын президенти Эммануэл Макрон Орусиянын башчысы Владимир Путинге 22-мартта телефон чалып, кайрадан Украина маселесин талкуулады. Ушуну менен Орусия Украинага басып киргенден бери эки президент сегизинчи жолу сүйлөшүштү. Франция тарап атышууну токтотуу тууралуу орус президенти менен да, Украинанын башчысы Владимир Зеленский менен да узак сүйлөшүүлөр уланып жатканын, азырынча эч кандай макулдашуу жоктугун, бирок согушту токтотуу үчүн аракеттер улана берерин, андан башка жол жок экенин билдирди. Читать дальше...

Бүгүн 23-мартта Бишкекте Кыргызстандагы жалпыга маалымдоо каражаттарынын абалы жана өнүгүү маселелери талкууланган медиа форум өтөт. “Кыргызстандагы медиа: келечекке кадамдар” аттуу форумду Жалпыга маалымдоо каражаттарынын (ЖМК) үстүнөн түшкөн даттанууларды караган комиссия жана Медиа өнүктүрүү борбору уюштурууда. Талкууга өлкөдөгү алдыңкы ЖМК, өкмөт жана эл аралык уюмдар өкүлдөрү катышат. Форумдун күн тартибинде социалдык түйүндөрдүн журналистикага тийгизип жаткан таасири, медиа сектордун өз алдынча жөнгө салынуусу... Читать дальше...

Бүгүн 23-мартта Украинадагы согушта каза болгон теги кыргызстандык жигиттин сөөгү мекенине алынып келери айтылууда. Орусиянын Куралдуу күчтөрүндө келишимдик негизде кызмат өтөп жаткан катардагы жоокер, Ысык-Көлдүн Кара-Ой айылында туулуп өскөн орус жараны Эгемберди Дорбоев каза болгонун Орусиянын Кыргызстандагы элчилиги 22-мартта расмий ырастаган. 22-февралда окко учкан жигит 19 жашта болгону, сөөгү Кант авиабазасына жөнөтүлөрү маалым болгон. Кыргызстандын миллиондон ашуун жараны Орусияда эмгектенет. Читать дальше...