Новости за 03.04.2018

Создадовме уметници кои имаат извонреден квалитет и сега е доведено во прашање нивното егзистирање. За жал, тие веќе размислуваат да си одат надвор, вели Рисима Рисимкин, во пресрет на на свеченото отворање на Танц фест 2018 што треба да се случи на 4 април, во 20 часот, во Македонскиот народен театар во Скопје.

Претседателите на трите балтички држави Литванија, Естонија и Латвија, бараат од американскиот претседател Доналд Трамп да ги зајакне американските сили во источниот дел на НАТО за да ја одврати Русија од нејзините намери во тој регион. Барањето беше упатено до Трамп на состанок во Белата куќа на кој присуствуваа литванската претседателка Далија Грибаускаите, естонскиот претседател Керсти Калјулаид и претседателот на Латвија, Рајмонд Вејонис. Овие претседатели се меѓу најсилните критичари на Русија во Европската унија... Читать дальше...

Европската организација за безбедност и воздушна пловидба „Еуроконтрол“ соопшти дека речиси половина авионски летови во Европа може да бидат одложени поради дефект на еден од системите кои го контролираат авионскиот сообраќај. „Речиси 15.000 летови би можело да имаат одредени одложувања. Се очекува проблемот да се реши вечерва. Никогаш не сме имале ваков проблем“, изјави портпаролот на Еуроконтрол. Неколку европски аеродроми ги информираа патниците дека може да дојде до доцнење на голем број летови.

Словенија ја поддржува Македонија за евроатлантските интеграции. Земјата напредува на планот на реформите и очекувам да добие позитивна препорака за почеток на пристапните преговори со ЕУ, рече словенечкиот премиер Миро Церар на заедничката прес-конференција во Владата со неговиот домаќин премиерот Зоран Заев. Посебно ме радува што гледам дека Македонија напредува во своите реформи и што Парлламентот веќе во април ќе го разгледува пакетот важни закони кои ќе доведат до значајни реформи во областа на правосудството и на другите подрачја... Читать дальше...

Рускиот опозициски лидер и критичар на рускиот претседател Владимир Путин и Кремљ, Алексеј Навални, планира да формира нова политичка партија, вели адвокатот на неговата Фондација за антикорупција, Иван Жданов. Жданов на Твитер денес објави официјално писмо од Министерството за правда од 29 март, во кое се потврдува дека документите за регистрирање нова партија биле поднесени. Жданов на Твитер напиша и дека конститутивниот конгрес на новата партија ќе се одржи на 19-ти мај, додавајќи дека новата партија до конгресот ќе има привремено име.

Иселеникот од Дебар во САД, Илир Села, пред десет години ја регистрираше фирмата „Слице- Македонија“. Во Дебар се вработени околу 150 млади, а уште толку се има во кол центарот во Охрид. Тие нудат услуги за храна.

Ќе се гради нов објект на Државниот архив на Македонија, одлучила Владата на последната седница. Како што соопшти владината прес-служба, одлуката била донесена откако Владата ја разгледала и усвоила информацијата за надминување на проблемот со канцелариски простор и депото на Државниот архив, и по широките консултации и анализи на теренот. Владата го задолжила Државниот архив, до конечната реализација на ова решение, да спроведе постапка за санација за спречување на протекување на вода во постоечкиот... Читать дальше...

Високата претставничка за надворешна и безбедносна политика на ЕУ Федерика Могерини и еврокомесарот за проширување Јоханес Хан се очекува да ја посетат Македонија на 18 април, еден ден по објавувањето на Извештајот за напредокот на земјите од страна на Европската комисија, изјави денеска премиерот Зоран Заев. „Нашите очекувања се дека тоа ќе се случи после Извештајот што го очекуваме на 17 април. Веројатно тоа би било 18 април посетата овде, затоа што тогаш тука ќе се одржи Дигиталниот самит. Верувам... Читать дальше...

Педесетина граѓани и членови на партијата Единствена Македонија попладнево организираа граѓански собир пред Амбасадата на Русија во Скопје за да му искажат поддршка на рускиот дипломат кој беше протеран од Македонија со одлука на македонското МНР, а во врска со случајот со труењето на агентот Скрипал. На собирот обраќање имаше претседателот на Единствена Македонија, Јанко Бачев, кој рече дека „Македонија не сака во НАТО“, туку дека сака да влезе во Евроазиската унија на Русија. „Овој најавен... Читать дальше...

Претседателите на Турција и Русија, Реџеп Тајип Ердоган и Владимир Путин денеска преку видео конференција го означија стартот на изградбата на првата турска нуклеарна централа „Акују“. Во обраќањето до присутните, Путин изјави дека би сакал првиот од вкупно четирите енергетски блока да биде пуштен во употреба во 2023 година. „Акују“, за чија изградба Турција и Русија потпишаа договор во 2010 година, се наоѓа во близина на пристаништето Мерсин на брегот на Средоземното Море. Централата, која ќе ја гради руската државна компанија „Росатом“... Читать дальше...

ЕУ ја потврдува јасната подршка на европската перспектива на Западен Балкан, а европскиот пат ќе зависи од поставените критериуми и од одделните заслуги, се наведува во предлог текстот на завршната декларација на Самитот ЕУ-Западен Балкан во Софија, објави МИА, повикувајќи се на српската државна телевизија РТС, која објавила делови од предлог-текстот на завршната декларација на Самитот ЕУ-Западен Балкан. Во текстот се наведува подготвеноста на ЕУ за „засилување на ангажманот на сите нивоа со цел политичка... Читать дальше...

Московските градски власти не дозволија да се одржи протестот против сексуално вознемирување, што беше закажан за денес на централниот плоштад, пред ѕидините на Кремљ. Активистката Алеона Попова изјави дека градските власти вчера им рекле на организаторите дека протестот не може да се организира, бидејќи веќе имало закажано друг јавен настан на плоштадот Манеж во исто време. Активистите размислуваа да го одржат протестс и без дозвола од властите. Протестот против сексуалното вознемирување првично беше планиран за 29 март... Читать дальше...

Формирање комисија за утврдување одговорност за членовите на стручната комисија ангажирана за селекција и избор за најдобри авторски дела како дел од конкурсот за реализација на проектот „Млади поети“, како и поведување дисциплинска одговорност и суспензија на раководителот на Секторот млади, се мерките што ќе ги преземе Агенцијата за млади и спорт за расветлување на случајот со двете песни со недолична содржина кои беа објавени во збирката, а кои предизвикаа големо внимание во јавноста. За ова... Читать дальше...

Шефот на руската дипломатија Сергеј Лавров во писмо неговиот српски колега Ивица Дачиќ порачува дека земјата е подготвена и во иднина на српските партнери да им дава поддршка во одбрана на легитимните национални интереси по прашањето за Косово, пред се во меѓународните структури. Лавров наведува и дека по инцидентите во северно Косово упатил писмо до сите членки на ООН и го информира Дачиќ дека „во потполност ги дели оценките“ кои тој ги изнел. Писмото на Дачиќ му го врачил рускиот амбасадор во Белград, Александар Чепурин. Читать дальше...

Во воздушен напад на авганистанските сили врз собир на талибанците во покраината Кундуз загинале најмалку 15 лица, а повредени биле 10, меѓу кои има и цивили. Според властите, нападот се случил за време на посетата на припадник на талибанскиот совет во градот Куета. Авганистанската војска негира дека во нападот загинале цивили. Мисијата на ОН во Авганистан соопшти дека испратила тим во регионот за да ги испита наводите за загинати цивили.

Демократската фракција на ВМРО-ДПМНЕ најави окрупнување со нови здруженија и групации. Велат дека немаат намера да формираат нова партија и дека со демократски средства ќе ја реформираат матичната партија. Од ВМРО-ДПМНЕ одговорија дека партијата е демократска и дека работат на измени на статутот.

Лидерот на грчката опозициска партија Нова демократија, Кирјакос Мицотакис изјави денеска дека нив не ги засега само прашањето за името, туку и Уставот, иредентизмот и идентитетот на Македонија. Тој во интервју за грчкото радио Реал фм порача и дека кога се отворил прозорецот на можност, грчкиот премиер Алексис Ципрас започнал со тајна дипломатија, не ја известил опозицијата, туку се обидел да ја подели, а го поделил и општеството.

Националниот координатор за НАТО, Стево Пендаровски изјави денеска дека прашањето за Македонија не е дали постојат алтернативи за членството во НАТО, туку дали тие алтернативи се доволно квалитетни. Тој за време на научната тркалезна маса на Факултетот за безбедност порача дека првата алтернатива е Македонија да прогласи воено-политичка неутралност, а втората алтернатива е влез во евроазиски асоцијации. Според него, базирано на анализи тоа нема да има никаква додадена вредност за Македонија. Пендаровски... Читать дальше...

ОН ја повикаа меѓународната заедница да обезбеди речиси 3 милијарди долари за луѓето на кои итно им е потребна хуманитарна помош во Јемен. Генералниот секретар на ОН, Антонио Гутереш изјави дека во Јемен се случува најлошата хуманитарна криза во светот и дека ситуацијата во земјата е катастрофална. Јемен се соочува со конфликт меѓу владата поддржана од воената коалиција предводена од Саудиска Арабија и шиитските бунтовници Хути кои се поддржани од Иран. Повеќе од 10 илјади жители на Јемен загинаа од почетокот на конфликтот во 2015 година... Читать дальше...

Собранието на Македонија денеска продолжи со работа, при што пратениците од опозицијата не се присутни. На дневен ред е Предлог-законот за изменување и дополнување на семенскиот и саден материјал, во прво читање, а за денеска закажани се уште три седници на кои ќе се расправа за точки од различни сфери. Лидерот на ВМРО-ДПМНЕ, Христијан Мицкоски најави дека пратениците од неговата партија ќе се вратат во Собранието и ќе поднесат интерпелација за Владата.

Шест мажи се осудени на казна затвор во Молдавија поради обвинение за заговор за атентат врз политичарот и тајкун Владимир Плахотниук, кој е лидер на владејачката Демократска партија. Судот во Кишињев го осуди лидерот на групата Валеријан Заболтони на 20 години затвор, а останатите добиле казни од 3 до 11 години. Обвинетите беа уапсени во април, минатата година и се изјаснија за невини. Според властите, наредбата за убиство на Плахотониук ја дал бизнисменот Григоре Карамалак кој е во бегство.

Повторната посета на шефот на грчката дипломатија Никос Коѕијас и изјавите за зголемен оптимизам, според познавачите, се знак за придвижување на процесот за името.

Финансовата полиција до Основно јавно обвинителство Скопје поднела кривична пријава против поранешниот министер за здравство Никола Тодоров поради сомнение за „несовесно работење во службата“. Пријавата се однесува на договори склучени од страна на Министерството за здравство во 2010 година за изведување градежни и градежно – занаетчиски работи за болници во Куманово, Кочани и Крива Паланка со изведувачот Конструктор Инженеринг Ад Сплит. Кривична пријава, според соопштението, е поднесена и против... Читать дальше...

Рускиот претседател Владимир Путин изјави дека изборите кои се одржаа во минатиот месец биле најверојатно најтранспарентни и најчисти во историјата на земјата. Путин ја даде изјавата за време на средбата со шефицата на централната изборна комисија Ела Памфилова која му го врачи сертификатот за победата на изборите за која неговите противници и меѓународни набљудувачи соопштија дека била извојувана во услови кога гласачите немале вистински избор. Путин доби 76,7 проценти од гласовите, повеќе отколку на претходните три изборни циклуси.

Грчкиот министер за надворешни работи Никос Коѕијас ќе го посети Скопје после празниците, потврдуваат од МНР за Радио Слободна Европа. „Начелно има согласност дека министерот за надворешни работи Никос Коѕијас ќе допатува во Скопје по Велигден, но точен датум кога ќе се случи посетата се уште не е усогласен меѓу кабинетите на двајцата министри“, велат од МНР. Шефот на македонската дипломатија Никола Димитров оствари средба со Коѕијас и со медијаторот на ОН, Метју Нимиц во петокот во Виена. Коѕијас претходно на 22 и 23 март го посети Скопје.