Пијанманов со „Времиња“ во Галеријата на МКЦ - Скопје
Триесетина слики настанати во последниве четири години ја чинат „Времиња“, новата самостојна изложба на Никола Пијанманов, што од 13 до 28 април, ќе се одржи во Галеријата на Младински културен центар – Скопје. Со неа струмичкиот уметник прави пресек или неизбежен допир помеѓу годишните циклусни времиња видени низ перспективата на пејзажот и историските човечки појави, кои се повторуваат како сон во кој личноста е историски оттуѓена од целината, од природата.