Новости за 17.11.2019

Премиерот Зоран Заев денеска изјави дека Меѓународната експертска комисија што треба да се дооформи согласно со Договорот од Преспа ќе го реши трајно брендирањето на производите по потекло од регионот Македонија. „Секој има право да истакнува свои слогани, да се бренидира како солунски самит или здружение на индустријалци или слично. И Договорот од Преспа и меѓународните стандарди јасно укажуваат како се решаваат ваквите прашања. Ние тоа прашање го имаме вградено во Договорот од Преспа, каде веќе... Читать дальше...

Еден мигрант почина откако утринава бил повреден во тепачка во мигрантската населба Ушивак во Хаџиќи во Босна и Херцеговина. Тој починал во Универзитетскиот клинички центар во Сараево, пренесуваат медиумите. Информацијата за тепачка меѓу мигрантите ја потврди и сараевската полиција.

Илјадници Грузијци излегоа на улиците пред Парламентот во Тбилиси на протест откако пратениците ја отфрлија новата изборна реформа. Демонстрантите носат грузиски и знамиња на ЕУ и НАТО. Опозицијата на 14 ноември се обиде да изврши притисок врз владејачкото мнозинство да прифати целосно пропорционален изборен модел. Сега половина од пратениците се бираат на пропорционални листи. Предвидено е промената да се случи од 2024 година, но опозициските партии бараат тоа да се забрза, зашто сегашниот систем... Читать дальше...

Русија почна да ги преместува трите запленети украински воени бродови пред можното враќање назад на Украина. Трите брода денеска биле забележани како се влечат од источниот брег на Крим придружувани од руски воени бродови. Високиот советник на украинскиот претседател Володиримир Зеленски, Андриј Јермак, вчера рече дека враќањето на бродовите е во „финална фаза“. Трите брода – два мали оклопни брода и еден брод за влечење, беа запленети од Русија кај брегот на Крим во ноември 2018 година. Москва... Читать дальше...

Од невладината организација „Лекари без граници“ на нивниот официјален „Твитер“ профил доцна синоќа објавија дека пред неколку дена, деветмесечно бебе починало од дехидрација во прифатниот центар за бегалци и мигранти Мориа на грчкиот остров Лезбос, јави дописничката на МИА од Атина. Лекари без граници, за смртта добиле потврда од локалната болница од островот, а потврда денес има и од Центарот за прием и идентификација во Мориа за грчката новинска агенција АНА-МПА. Според нивните информации... Читать дальше...

Готабаја Раџапакса денеска прогласи победа на претседателските избори во Шри Ланка. „Добивме меѓу 53 и 54 отсто од гласовите“, изјави портпаролката на неговата партија за агенцијата Франс прес. Првите официјални резултати потврдуваат дека 70-годишниот Раџапакса е на пат до освојување мнозинство. Неговата победа би значела враќање на кланот Раџапакса на власт. Околу 16 милиони гласачи бираа меѓу 35 кандидати за претседател, од кои само една жена. Раџапакса е поранешен воен претставник. Етничкото... Читать дальше...

САД и Јужна Кореја ќе ги одложат претстојните воени вежби за да помогнат во зацврстувањето на мировните напори со Северна Кореја, соопшти американскиот секретар за одбрана, Марк Еспер. При денешното запирање во Тајланд, тој рече дека на овој потег не гледа како „концесија“ за Пјонгјанг, кој остро се противи на американско – јужнокорејските воени вежби, кои ги смета за подготовка за инвазија. „Ова го гледам како покажување добра волја... за овозможување на мирот“, рече Еспер, зборувајќи со неговиот јужнокорејски колега во Бангкок. Читать дальше...

Најмалку седум луѓе загинале, а 25 се повредени во експлозија на гасовод во југоисточен Бангладеш, информира полицијата. Од експлозијата во округот Читагонг била урната зграда, а еден ѕид од зградата се урнал врз минувачи. Истрагата за експлозијата е во тек.

Врховниот ирански лидер, ајатолахот Али Хаменеи денеска ја поддржа одлуката за зголемување на цените на горивата, која предизвика протести во неколку градови ширум Иран. Тој за државната телевизија рече дека не е стручен и дека постојат различни мислења, но дека ја поддржува одлуката на шефот на државата, претседателот на парламентот и шефот на судската власт. Иранската влада во петокот објави поскапување на горивата од најмалку 50 отсто. Горивото досега чинеше 10 илјади ријали, односно помалку од 8 евроценти.

Српскиот министер за здравство, Златибор Лончар, денеска во изјава за Танјуг нагласи дека претседателот на државата Александар Вучиќ имал хронични, помали проблеми со срцето, но дека неговата здравствена состојба се влошила во петокот, кога решил да се обрати на лекари од ВМА. „Веднаш по приемот, беше проценето дека претседателот на Србија е животно загрозен“, изјави министерот Лончар. Според министерот, претседателот Вучиќ добро реагирал на терапијата што му била пропишана и му било препорачано... Читать дальше...

Над 5000 полицајци, дронови и хеликоптер денеска ќе се грижат за безбедност во Атина, во обид да се спречат инциденти за време на одбележување на годишнината од студентскиот бунт и падот на хунтата, јави дописничката на МИА од Атина. Како и секоја година ќе се одржи протестен марш од Политехничкиот факултет, местото од каде што почна бунтот во 1973, до Амбасадата на САД во Атина. Под посебно полициско обезбедување ќе бидат владините објекти, министерствата, амбасадите и слично, а според медиумите во Грција... Читать дальше...

Медиумската комисија за човекови права денеска соопшти дека уште четворица луѓе загинале во демонстрациите во Боливија. Од почетокот на кризата и протестите на крајот на октомври забележани се најмалку 23 смртни случаи. Според податоците на Организацијата на американски држави, на протестите од петокот биле повредени најмалку 122 луѓе. Боливиската војска и полиција во петокот отворија оган врз поддржувачите на доскорешниот претседател Ево Моралес во градот Сакаба. Моралес на Твитер напиша дека... Читать дальше...

На хрватското крајбрежје, црвен метеоролошки аларм е на сила поради силно југо, а пред сè погодени се западниот брег на Истра, Кварнер и Кварнерниќ, како и северна, централна и јужна Далмација. Загрепскиот и Карловачкиот регион исто така се под предупредување – жолто, заради поројните врнежи од дожд. Фериботи и бродови линии што го поврзуваат Сплит со островите, сè уште се во прекин и денеска, јавија хрватски медиуми. Во прекин се и некои линии што ги поврзуваат Риека, Задар и Дубровник со островите.

Зголемување на пример на средствата за социјална заштита за цели 140 милиони евра како што е предвидено во наредниот буџет, значи дека владата се подготвува, жртвувајќи ја иднината на економијата и дури и на развојот на земјата, од популистички побуди да ги поткупува гласачите, вели професор Трајко Славески, член на Извршниот комитет на ВМРО-ДПМНЕ во неделното интервју на Радио Слободна Европа.

Освен што е историски најголем, предлог буџетот за 2020 година е популистички и е обид за поткуп на гласачите пред изборите, вели проф. Трајко Славески,поранешен министер за финансии и член на ИК на ВМРО-ДПМНЕ. Според него, неостварливи се проектираните приходи во буџетот, а истиот не е развоен.