Премиерот на Ирак ќе поднесе оставка
Ирачкиот премиер Аден Абдел Махди денеска изјави дека ќе си поднесе оставка по речиси два месеца од антивладините протести во кои загинаа над 400 луѓе. Тој во изјавата денеска посочи дека наскоро писмото со оставка ќе го достави до Парламентот, по што пратениците ќе можат да изберат нова Влада. Тој оваа функција ја презеде пред една година. Претходно Врховниот шиитски свештеник во Ирак, ајатолахот Али Систани ја осуди употребата на сила против антивладините демонстранти и ги повика демонстрантите да го отфрлат насилството и вандализмот.