Новости за 25.11.2019

Претседателот на Уставниот суд на Република Северна Македонија, Сали Мурати, денеска имаше средба со амбасадорот на Сојузна Република Германија, Томас Герберих. На средбата, претседателот на Судот, Сали Мурати како што се наведува во соопштението од Уставниот суд, го запознал амбасадорот со проблемите со кои се соочуваат и кои влијаат не само на кредибилитетот на Судот, туку и на неговите секојдневни активности и за потребата од интервенција во Деловникот на Судот во делот на постапката за заштита... Читать дальше...

Северна Македонија е на 54 место меѓу 167 држави што се во Индексот на просперитет за 2019 година, објавен од лондонскиот институт Легатум. Според Институтот Легатум од 167 земји опфатени со индексот, 148 земји – со 88 проценти од светската популација – бележат напредок во просперитет од 2009 година година. Македонија има добри резултати во областа на услови за инвестирање (52 место) како и услови за живеење (50 место). Најслаба е во областа – образование (86 место). Од 2009 година државата бележи... Читать дальше...

Јавниот долг е стабилизиран и е намален за 1,1 процентен поен во однос на долгот од 2016 година кога изнесувал 48,8 отсто и кога галопирачки растел, рече министерката за финансии Нина Ангеловска во денешната расправа за Предлог-буџетот 2020 во матичната собраниска Комисија за финансирање и буџет. Таа посочи дека следната година ќе се сервисираат стари долгови во износ од скоро 440 милиони евра, како и дека на домашниот пазар ќе се сервисираат долгови по основ на претходно издадени државни хартии од вредност. Читать дальше...

Крадци го ограбиле познатиот музеј во источно германскиот град Дрезден земајќи три комплета накит од 18 век во кој имало дијаманти, рубини и смарагди, соопшти локалната полиција. На безбедносни камери се гледаат двајца мажи како упаѓаат преку прозорец во музејот кој се наоѓа во кралската палата во раните утрински часови на 25 ноември. Во музејот има околу 4000 скапоцени предмети. Полицијата соопшти дека тие биле известени пред пет часот утрото за упадот и кратко време по тоа стигнале во музејот. Засега нема осомничени за кражбата.

Македонската академија на науките и уметностите денеска избра ново раководство со мандат од четири години, почнувајќи од 1 јануари 2020 година. За нов претседател на МАНУ е избран академик Љупчо Коцарев, професор на ФИНКИ, а за потпретседатели академиците Живко Попов и Газанфер Бајрам. Научен секретар на Академијата ќе биде Изет Зекири. На денешното Изборно собрание за членови на Претседателството на МАНУ се избрани академиците: Катица Ќулавкова, Абдулменав Беџети, Владимир Серафимовски, Леонид Грчев... Читать дальше...

Командантот на иранската револуционерна гарда Хосеин Салами им се закани на Соединетите Американски Држави и нивните сојузници во обраќањето на големиот провладин собир кој се одржа денеска, една недела по протестот против зголемувањето на цените на горивата. На собирот во Техеран Салами ги обвини САД, Британија, Израел и Саудиска Арабија за поддршка на немирите во нивната земја, наведувајќи дека ако ја поминеле црвената линија Иран ќе ги уништел. Насобраните вееја знамиња и постери со портретот... Читать дальше...

Починат затвореник е пронајден во неделата наутро во кумановскиот затвор, соопшти Управата за извршување на санкции. Причините за смртта, како што наведуваат од таму, ќе бидат познати по добивањето на обдукцискиот извештај. Како што наведуваат од управата починатиот осуденик Л.Б. бил пронајден при утринската проверка во неговиот кревет во позиција како да спие. Лекарите од итната помош, кои дошле на повик од затворот, констатирале дека нема траги на насилство. Од Управата наведуваат и дека по... Читать дальше...

Европскиот совет го одобри договорот постигнат со Европскиот парламент за буџетот на Европската унија за 2020 година. Ако договорот повторно биде потврден во парламентот на 27 ноември тој ќе биде и усвоен. Буџетот за идната година предвидува продолжување на поддршката на раст и конкурентност на европската економија како и продолжување на приоритети на ЕУ како безбедносна и менаџирањето на миграцијата, се наведува во соопштението на Европскиот совет. 21 отсто од буџетот, пак, ќе бидат насочени за... Читать дальше...

Честите промени на законите не донесоа реална промена на терен во однос на градската инфраструктура која се уште не е прилагодена на луѓето со хендикеп. Од невладините организации наведуваат дека освен пристапноста државата треба да ја унапреди и јавната свест бидејќи лицата со хендикеп се уште се соочуваат и со нееднаквост.

Горниот дом на рускиот парламент го одобри законот со кој на властите им се дава можност да ги регулираат новинарите кои работат за странски медиуми како странски агенти. Законот кој помина денеска предвидува поединци да бидат третирани како странски агенти ако соработуваат со странски медиумски организации и примаат пари или друга материјална поддршка од нив. За да стапи во сила тој треба да биде потпишан од рускиот претседател Владимир Путин. Законот со кој невладините организации во Русија кои... Читать дальше...

„Можеби во тоа објаснување на реалната ситуација треба да бидам поблаг“, рече денеска претседателот Стево Пендаровски за неговата изјава дека за иселувањето од државата. Според него таа тема треба да се стави надвор од партиските препукувања, а партиите да договорат заедничка стратегија.

Демонстранти во Кигристан бараат одговорност од главните актери во корупцискиот скандал, кој го открија од киргистанскиот сервис на РСЕ, ОЦЦРП и киргистанскиот сајт „Клоoп“. Тие во истражување посочуваат на можна широка корупција во царинската служба и големи одливи на готовина од земјата. Околу 2000 демонстранти се собраа во центарот на Бишкек со транспаренти „Бараме владеење на законот“, и „Местото за крадците е во затвор“. Тие носеа и слики од поранешниот заменик началник на Царинската служба... Читать дальше...

Силна поддршка за европската перспектива на Северна Македонија, изрази грчкиот министер за надворешни работи Никос Дендиас во изјава за МИА во пресрет на неговата утрешна прва посета на Скопје. Тој открива дека Грција работи на преземање конкретни иницијативи, со цел ЕУ да даде зелено светло за Скопје. Шефот на грчката дипломатија ја изразува и силната поддршка на Грција за европската перспектива, не само на Северна Македонија, така и на целиот Западен Балкан. За утрешната посета на Скопје... Читать дальше...

Бугарскиот европратеник Андреј Ковачев вели дека ќе бараат гаранции од ВМРО-ДПМНЕ, доколку победи на следните парламентарни избори, дека партија ќе го следи курсот на добрососедството со Бугарија и дека ќе го почитува Договорот за добрососедство. Тој во интервју за бугарско радио вели дека на средбата што заедно со бугарскиот премиер Бојко Борисов ја имале со лидерот на ВМРО-ДПМНЕ, Христијан Мицкоски на маргините на Конгресот на ЕПП во Загреб, сакале да дознаат дали ВМРО-ДПМНЕ ќе го поддржи Договорот за добрососедство со Бугарија... Читать дальше...

Навивачката група Шверцери на фудбалскиот клуб Шкупи, негира дека кршеле, дивееле и дека упатувале навредливи зборови на прославата на 30 години постоење на навивачката група, што во петокот се одржа во МНТ. Од навивачката група велат дека информациите дека „дивееле“ се невистинити и шпекулации. Велат дека тие во објектот влегле организирано и го следеле документарниот филм за оваа навивачка група и доделувањето признаници на еминентни личности од фудбалската живот. „Ние сме навивачи и навивањето е нашиот живот... Читать дальше...

За виновен по две точки се изјасни возачот на камионот во кој беа пројадени телата на 39 Виетнамци. Тој денеска се изјасни дека е виновен за заговор за помагање на незаконска имиграција и за стекнување пари на криминален начин. Минатиот месец во близина на Лондон беа пронајдени телата во приколката од каминот, а 25- годишниот возач Морис Робинсон беше уапсен и обвинет по неколку обвиненија, вклучително и убиство на 39 луѓе. Се уште не е одреден датум за судење, а возачот повторно треба да се појави на суд на 13 декември. Читать дальше...

Ние сме сведоци дека голем дел од вредностите се еродирани, така да ова е само последица на целокупните активности во оваа држава, ни изјави актерот Сенко Велинов.

Државната каса за 2020 година предвидено е да тежи 3, 6 милијарди евра. Фокусот е на зголемените плати во здравството и образованието и на пензиите. Помалку пари има за наука, за високото образование, за изградба и реконструкција на ученички и студентски домови.

Владата не беше организатор на настанот во МНТ на кој имало недолично однесување, соопштуваат од владината прес-служба. Во соопштението се бара организаторот да преземе одговорност и да ја надомести штетата. Од Владата информираат дека настанот во МНТ на кој се случило несоодветно однесување на навивачка група не е во организација на ниту една државна институција и не смее никако да се поврзува со владиниот настан за одбележување на Денот на албанската азбука, кој поминал во најдобар можен ред. ... Читать дальше...

Британија не сака да го стопира формирањето на нова Европска Комисија, изјави портпаролот на британскиот премиер Борис Џонсон. Тој го повтори ставот дека Лондон нема да номинира нов комесар додека траат изборите во земјата. Тој вели дека нивната позиција повеќепати ја кажале, а испратиле и писмо до ЕУ, дека Велика Британија нема намера или посакува да ја запре процедурата за формирање на ЕК. ЕУ неколкупати бараше Велика Британија да предложи свој кандидат за комесар во новиот состав на Европската... Читать дальше...

Мора да има одговорност од организаторите и надомест на штета, рече премиерот Зоран Заев коментирајќи ги наводите за оштетување на инвентарот на Македонскиот народен театар, што се случило во петокот по прославата на Денот на албанската азбука. „Секој вандалски чин е за осудување и тука нема дилеми. Секако треба да си понесат одговорност одговорните луѓе за таа работа, да се надоместат штетите, да се поправи целиот тој инвентар, рече Заев, одговарајќи на новинарски прашања по потпишувањето на Меморандум... Читать дальше...

Интервјото на премиерот Заев за РСЕ и неговата убеденост дека СДСМ ќе победи на изборите, како и изјавата на претседателот Пендаровски дека да не бил претседател и тој ќе заминел од државата во фокусот на вашите коментари на социјалните мрежи.

Во Собранието денеска започна комисиска расправа по Предлог – буџетот за следната година. Од ВМРО-ДПМНЕ велат дека со новиот буџет се прави класичен поткуп за претстојните избори. Никола Мицевски, координатор на ВМРО-ДПМНЕ во Собранието рече дека станува збор за најголемиот, најрасипничкиот, најкоруптивниот и најнеразвојниот буџет во историјата на независна Македонија. „Удираат по џебот на граѓаните, собираат пари за луксузирање, а капиталните инвестиции им се помали и од најлошите години. Заев... Читать дальше...

Владејачката партија во Грузија, Грузиски сон одбива да ги промени изборните закони со кои ќе се дозволи пропорционален изборен систем од 2020 година и покрај насилните протести на опозицијата. Прашањето е затворено и нема да има промени во изборниот систем, вели генералниот секретар на партијата, градоначалникот на Тбилиси, Милан Кака Каладѕе , по денешниот состанокот на партијата. Откако Парламентот на 14 ноември го отфрли предлогот за изборен модел уследија насилни протести. Претходно во... Читать дальше...

Одложено е судењето за случајот ТНТ, за уривањето на комплексот Космос на инвеститорот Фијат Цановски. Рочиштето се одложи за 28 ноември, поради нарушена здравствена состојба на една од обвинетите во случајот, Александра Аврамовска-Димитриевска. На денешното рочиште требаше да бидат сослушани сведоци. За делото, обвинети се поранешниот министер Миле Јанакиески, тогашниот градоначалник на Општина Гази Баба Тони Трајковски и други луѓе, додека во отсуство му се суди на поранешниот премиер Никола Груевски.