Новости за 06.12.2019

Северна Кореја се закани дека ќе продолжи да го навредува американскиот претседател Доналд Трамп и ќе го нарекува „сенилен“ ако тој продолжи да користи провокативен речник и за лидерот Ким Џонг Ун да вели оти е „човек ракета“. Првата заменичка на шефот на севернокорејската дипломатија Чое Сон Хуи ова го рече откако Трамп говорел за можна воена акција против Северна Кореја. Пјонгјанг претходно навести дека би можело да го укине мораториумот за нуклеарни проби ако Вашингтон не направи некои отстапки до крајот на годинава.

Израелскиот премиер Бенјамин Нетанјаху изјави дека неговата земја има целосно право да ја анектира долината Јордан. Тој додаде дека за анектирањето на стратешкиот дел од окупираниот Западен брег разговарал во Лисабон со американскиот државен секретар Мајк Помпео. Израелскиот премиер деновиве се соочува со обвинување за корупција и со политичка нестабилност во земјата, бидејќи и по две рунди избори се уште не е формирана нова влада.

Соединетите држави соопштија дека ја разгледуваат можноста да испратат дополнителни војници на Блискиот исток поради загриженоста од иранските акции во регионот. Потсекретарот за одбрана Џон Род изјави во Конгресот дека Вашингтон гледа на однесувањето на Иран со загриженост. Тој ги отфрли наводите во весникот „Вол стрит џурнал“ дека Пентагон разгледувал да испрети околу 14.000 војници во регионот. Тензиите меѓу Техеран и Вашингтон растат откако претседателот Доналд Трамп во мај минатата година се повлече од нуклеарниот договор со Иран.

Бизнисменот Орце Камчев и неговата сопруга Ана Камчева денеска треба да се појават во Кривичниот суд во Скопје како сведоци на Обвинителството за случајот „Рекет“, во кој се обвинети поранешната специјална јавна обвинителка Катица Јанева и Бојан Јовановски-Боки 13. На првото рочиште за „Рекет“, што се одржа на 3-ти овој месец, третообвинетиот Зоран Милевски-Кичеец беше осуден на три години затвор откако призна вина за случајот и предметот за него беше одвоен од оној против Бојан Јовановски-Боки 13 и Катица Јанева.

Американскиот претседател Доналд Трамп веројатно ќе се соочи со најмалку три обвинувања за импичмент во Претставничкиот дом кој е под контрола на демократите. Трамп пак по објавата на демократите дека продолжуваат со постапката за импичмент на Твитер изрази уверување дека ќе го победи во битката за негово отповикување.

Претседателот на Косово Хашим Тачи реагираше на изјавите од Србија по пресудата на поранешниот министер од Српската листа Иван Теодосијевиќ истакнувајќи дека геноцидната политика на Србија не може да се одбрани, туку дека треба да се осуди. Теодосијевиќ е осуден на две години затвор поради неговата изјава која се однесувала на албанците и масакрот во Рачак. Претседателот на Србија Александар Вучиќ го нарече за застрашувачко тоа што Теодосијевиќ е осуден на две години затвор затоа што за злосторството во Рачак рекол дека било измислено.

Американскиот претседател Доналд Трамп изрази уверување дека ќе победи во борбата со пратениците кои покренаа процедура за официјално обвинување против него, а со цел тој да биде отповикан. „Добра вест е дека републиканците никогаш не биле толку обединети“, наведе Трамп на Твитер додавајќи: „Ќе победиме“. Процедурата за сменување на Трамп тече во Претсатвничкиот дом чие мнозинство го чинат демократите. Тие за ова би можеле да гласаат кон крајот на овој месец, за потоа постапката да продолжи во Сенатот... Читать дальше...