Косово делумно ја укина таксата за увоз од Србија и БиХ
„Ова е знак на готовност за економски и трговски договор со Србија. Ја повикуваме Србија да даде гаранции дека ќе ја прекине кампањата за повлекување на признавањата на Косово“, изјави Курти.
Тој порача дека, ако Белград позитивно реагира на потезот и барањата од Приштина, на 1 април таксата целосно ќе се укине за период од 90 дена.
Поранешниот косовски премиер, Рамуш Харадинај оцени дека со оваа одлука Курти им се предал на Србите.
„Ова е почеток на враќањето на Србија и Русија на Косово“, напиша Харадинај на Фејсбук .
Харадинај, чија влада ја воведе таксата од 100 насто кон крајот на 2018 година, му порача на Курти и дека денеска е одговорен за „повторно освојување на Косово од страна на Србија“.