Новости за 28.02.2020

Како и пред сите изборни циклуси, така и пред овие избори, финансирањето на политичката кампања е едно од прашањата кои ќе бидат во фокус на јавноста. Упатените потсетуваат дека во минатото постоеја сомневања за незаконитости околу финансирањето, но досега никој не понесе одговорност за тоа.

Годинашното издание на меѓународниот Струмички карневал заврши синоќа со одржување на концертот под маски, а останатите содржини што требаше да се одржуваат до 4 март се откажани, потврди за МИА претседателот на Организациониот одбор, Александар Цицимов. Иако се уште нема официјална одлука на Владата за откажување на настани и собири заради појавата на корона вирусот во државата, организаторите донесоа одлука да не се одржи маскенбалот, интернационалната карневалска вечер и детскиот карневал, како... Читать дальше...

Гркинка на 36-годишна возраст, која неодамна патувала во Италија е четвртиот потврден случај на корона вирусот во Грција, јави МИА од Атина. Според Министерството за здравство на Грција, жената е во добра здравствена состојба и е во изолација во атинска болница.

Американскиот специјален претставник за дијалогот Белград- Приштина, Ричард Гренел објави дека САД не ги поддржуваат полумерките на косовскиот премиер Албин Курти за делумно укинување на царините за стоки од централна Србија. „Нашата позиција е сосема јасна: таксите мора да бидат целосно укинати. Курти прави сериозна грешка и ова му е јасно ставено на знаење на косовскиот претседател Хашим Тачи во Белата куќа“, напиша Гренел на Твитер во врска со постепеното и условно укинување на царините на стоки од централна Србија и БиХ.

Турција одлучи веќе да не ги спречува сириските бегалци кои се обидуваат да стигнат до Европа по копно и море, изјави турски официјален претставник. Изјавата беше дадена во период на масовно движење на бегалци од сириската провинција Идлиб, каде што има милион раселени лица. „Турската полиција, крајбрежната стража и граничарите добија наредба да се држат настрана“, рече тој за западни медиуми.

Косовскиот премиер Албин Курти синоќа објави дека неговата влада одлучи делумно да ја укине таксата од 100 насто на увозот од Србија и Босна и Херцеговина, со цел да се деблокира дијалогот со Белград, јави МИА од Приштина. Одлуката се однесува на увозот на суровини од двете држави и стапува во сила на 15 март, информира Курти, порачувајќи дека очекува соодветна реакција и од Србија. „Ова е знак на готовност за економски и трговски договор со Србија. Ја повикуваме Србија да даде гаранции дека ќе... Читать дальше...

Времето денеска ќе биде претежно облачно со повремени врнежи од дожд, а на планините и на некои повисоки места од снег. Пообилни врнежи ќе има во западните делови, каде што на планините снежната покривка ќе се зголеми. Ќе дува засилен, повремено силен ветер кој локално ќе достигнува над 70 км/час и на планините ќе услови појава на снежни наноси. Утринската температура се движи од минус два до два, а дневната ќе биде од еден до 14 степени. Во Скопје ќе биде облачно со повремени врнежи од дожд. Читать дальше...