Предупредување од УХМР за попладневно невреме

Невреме се очекува поладнево во Скопје, со пороен дожд, електрични празнења и силен ветер, информира Управата за хидрометеоролошки работи (УХМР). 

„Поради насобраната голема енергија во атмосферата и благо зголемената влажност над нашето подрачје, денеска во попладневните часови во северните делови ќе има услови за локално невреме со интензивен пороен дожд и електрични празнења, силен ветер над 70 километри на час и појава на град“, велат од УХМР. 

Според информациите, во делови од Скопската Котлина ќе има услови за невреме со силен ветер, дожд, електрични празнења и појава на град.

Градоначалникот на Општина Центар Горан Герасимовски попладново упати апел до граѓаните да бидат претпазливи и да внимаваат во периоди на поројни дождови. 

„Избегнувајте движење надвор додека трае невремето, затворете ги прозорците и доколку во вашиот објект протекува, соодветно обезбедете го“, вели Герасимовски.

Од Општина Центар истакнуваат дека членовите на Штабот за заштита и спасување се во комуникација и координација, а општинските служби ја следат состојбата и спремни се да одговорат со сите расположливи ресурси на терен.

„Упатувам апел до граѓаните да бидат претпазливи и да внимаваат во периоди на поројни дождови. Избегнувајте движење надвор додека трае невремето, затворете ги прозорците и доколку во вашиот објект протекува, соодветно обезбедете го“, вели градоначалникот Горан Герасимовски во пишана изјава.

Деновиве целиот регион беше погоден од силно невреме. Во делови од Србија, Хрватска, БиХ и Словенија силен дожд, ветер и град предизвикаа сериоани штети, а имаше жртви и повредени.