افغان ولسمشر د اوربند په اړه ټولو والیانو سره تر پنجشنبې غږېږي
په همدې لړ کې ولسمشر محمد اشرف غني د سې شنبې په ورځ د کابل، پروان، کاپیسا، پنجشیر او بامیانو د ولایتونو له والیانو سره وکتل.
د جمهوري ریاست د ویاند مرستیال شاه حسین مرتضوي ازادي راډیو ته وویل، پر اوربند سربېره د والیانو سره د ولسمشر پهدې لیدنو کې په سیمهییزو ادارو کې د مدیریت پر مسئلو هم خبرې کېږي.
ښاغلي مرتضوي زیاته کړه:
"د دې لیدنو مهمه موضوع د اوربند د ورځو مدیریت دی او دا چې څنګه کولی شو د اوربند له فرصتونو څخه د حکومت د نفوذ د ساحې د پراختیا او هېوادوالو ته د غوره خدماتو د وړاندې کولو لپاره مؤثر کار وکړو."
د ښاغلي مرتضوي په وینا د سې شنبې په ورځ د پنځو ولایتونو له والیانو سره په لیدنو کې د زیربنايي او پراختیايي پروژو پر چټکولو هم خبرې وشوې.