ایوانکا ټرمپ د افغانستان د نجونو له روبوټیک ټیم سره وکتل
ایوانکا ټرمپ په خپله فیسبوک پاڼه د دې لیدنې ویډیو خپره کړې او ویلي یې دي چې له دې نجونو ملاتړ کوي، څو یوه سوله ییز او ارامه افغانستان ته د رسېدو په برخه کې د دوی هیلې پوره شي.
"زه د راتلونکو انجنیرانو، مشرانو او روبوټ جوړوونکو له یوه ګروپ سره یم چې د افغانستان دي. دوی تېر کال امریکا ته په راتلو سختې وګاللۍ هیله ده چې سږ کال اسانه راغلې وي خو په رښتیا چې په ټوله نړۍ کې یې ګڼو خلکو ته الهام ورکړ، په افغانستان کې هم همداراز او ماته شخصاً ډېر الهام بښونکي و."
د افغان روبوټيک ټیم یوې غړې رویا محبوب ایوانکا ټرمپ ته وویل چې د افغانستان د ساینس او ټیکنالوژۍ د ښوونځي په جوړولو کې ورسره مرسته وکړي.
افغان روبوټیک ټیم د اسیا د ګیم چنجر یا د لوبې بدلوونکې ایوارډ د اخېستلو لپاره امریکا ته تللی.