ډونالد ټرمپ د کانګرس د دواړو جرګو رهبران سپينې مانۍ ته وربللي
دا پهداسې حال کې ده چې د بودجې پر سر درېدلي حالت د امريکا د حکومت د ځينو برخو د چارو د ځنډ سبب شوى دى.
چارواکو پرون وويل، د کورني امنيت وزارت به نن د کانګرس اتو رهبرانو ته د سرحدي امنيت په اړه معلومات وړاندې کړي.
لا څرګنده نهده چې د کانګرس او حکومت رهبران به د بودجې پر سر د درېدلي حالت په اړه هم مذاکره وکړي که نه؟
په پام کې ده چې د امريکا کانګرس چې په استازو جرګه کې به ډموکراتان اکثريت وي، سبا خپله لومړۍ جلسه وکړي.
ولسمشر ټرمپ ويلي چې له مکسيکو سره پر پوله د دېوال جوړولو ته دې ٥ میليارده ډالره ورکړل شي، خو ډموکراتانو د دې پېشنهاد سخت مخالفت کړى دى.
د دغه سرحدي دېوال د جوړېدو پر سر جنجال د دې سبب شو چې د امريکا د فدرال حکومت ځينې برخې رخصت شي.