روسیې او جرمني په سوریه کې د سولې په اړه یوه موافقه وکړه
کریملن وویل، دواړو مشرانو څرګنده کړه چې په اوږدمهال کې د سوریې د بحران د هواري لپاره دې له ملګرو ملتونو سره په نېژدې همغږي سیاسي پروسې ته پراختیا ورکړل شي.
مېرکل او پوتین دغه راز د سوریې د نوې اساسي قانون د تدوین لپاره د یوې کمېټې پر جوړولو هم بحث وکړ.
دواړه مشران د سوریې په اړه وروسته له هغې خبرې کوي چې له دې هېواده د امریکایي ځواکونو د وتلو پلان یو ابهام رامنځ ته کړی دی.
د امریکا ولسمشر ډونالډ ټرمپ د ډسمبر په ۱۹مه اعلان وکړ چې داعش په سوریه کې ځپل شوی او ټول امریکایي سرتېري بېرته خپل هېواد ته ستوني، خو د هغه د ملي امنیت سلاکار جان بولټون د جنوري په ۶مه وویل چې له سوریې د امریکایي ځواکونو د وتلو پریکړه پهدې پورې تړلې چې ترکیه د دې ډاډ ورکړي چې په سوریه کې به پر هغو کُرد ملېشو چې امریکا یي ملاتړ وکړ، بریدونه نه کوي.