Новости за 10.01.2019

د افغانستان د کرنې او مالدارۍ وزارت وايي چې د واورو وروستیو ورښتونو هیله‌مند کړی چې راتلونکی کال به ګټور او حاصل‌خېزه کال وي. د دغه وزارت ویاند اکبر رستمي ازادي راډیو ته وویل چې د ښو حاصلاتو ترڅنګ به د وچکالي ګواښ هم له منځه ولاړ شي. دا په‌داسې حال کې ده چې په روان لمریزکال کې افغانان په ځینو سیمو کې د وچکالۍ او د اوبو د کمښت له ستونزو سره مخ وو. د راپورونو له مخې په یو شمېر ولایتونو کې د اوبو د کمښت او د ورښتونو د نه کېدو له امله ځینو بزګرانو له کښته لاس اخېستی و. په ورته وخت کې د افغانستان... Читать дальше...

کابل ښاروالۍ وايي چې د تېر مالي کال په پرتله‌یې په عوایدو کې ۱۸ فیصده زیاتوالی راغلی. د کابل ښاروالۍ رئیس سید عمر دانش رسنیو ته ویلي چې تېر کال دغې ادارې په ۱۳۹۶ مالي کال کې درې میلیارده او ۴۰۰ میلیونه افغانۍ عاید درلود، خو سږ کال دغه اندازه تر څلور میلیارده افغانیو زیاته شوې ده. د ده په خبره، د دې ادارې د عایداتو عُمده برخه د ښاري خدمتونو له محصول «صفايي» څخه لاسته راځي. دانش وویل، ښاروالۍ خپل عایدات د ښار په زېربنايي برخو، د لارو په جوړېدو او بیارغونه، پاکۍ او ښاري خدمتونو کې د پلان له مخې مصرفوي.

له جرمني ایستل شوی یو افغان پناه غوښتونکی افغان چارواکو بېرته جرمني ته واستاوه. د جرمني «dpa» خبري اژانس د راپور له مخې د مهاجرت د چارو یوه چارواکي د خپل نوم نه‌ښودلو په شرط نن وویل چې دغه افغان پناه غوښتونکی چې رواني ناروغ وو، د دواړو هېوادونو ترمنځ د هغې موافقې له مخې چې د زیانمنونکو افرادو لېږل بېرته افغانستان ته منع کوي، د سې شنبې په ورځ بېرته جرمني ته واستول شو. دغه چارواکي ویلي چې دی له دې خبر نه‌وو چې دغه کس چې نوم‌یې نه‌دی یاد شوی، ولې جرمني له خپلې خاورې ایستلی و. هغه د ۳۶ افغان پناه... Читать дальше...

پاکستان ته د عمر داوودزي سفر او له هغه هېواده د ښو خبرو راپورونو د افغانستان د ملي شورا د دواړو مجلسونو د نړیوالو ...

د روسیې ولسمشر ولادیمیر پوتین او د جرمني صدراعظمې انګېلا مېرکل په ټیلیفوني خبرو کې په سوریه کې د سولې لپاره د هڅو د هم‌غږي کولو په اړه موافقه وکړه. کریملن وویل، دواړو مشرانو څرګنده کړه چې په اوږدمهال کې د سوریې د بحران د هواري لپاره دې له ملګرو ملتونو سره په نېژدې هم‌غږي سیاسي پروسې ته پراختیا ورکړل شي. مېرکل او پوتین دغه راز د سوریې د نوې اساسي قانون د تدوین لپاره د یوې کمېټې پر جوړولو هم بحث وکړ. دواړه مشران د سوریې په اړه وروسته له هغې خبرې کوي چې له دې هېواده د امریکایي ځواکونو د وتلو پلان یو ابهام رامنځ ته کړی دی. Читать дальше...

د عوامي نیشنل ګوند مشر ویلي، افراسیاب خټک او بشرا ګوهر یې له ګونده ایستلي نه دي بلکې، یوازې یې غړیتوب ځنډولی دی. اسفندیار ولي خان د جنورۍ اتمې پر ماخوستن له مشال راډیو سره په خبرو کې وویل، دا لازمي ده چې غړي ولاړ شي نو ګوند ته تاوان رسي. نوموړي د پښتون تحفظ غورځنګ غوښتنې جایزې وبللې خو ویې ویل چې له طریقو او غوښتنو سره یې مخالف دی. پښتون ژغورنې غورځنګ وايي، غوښتنې یې اییني دي او د سوله ییز احتجاج حق هم ورته قانون ورکړی دی. غورځنګ وايي، د پښتنو د حقونو تر لاسه کولو پورې به مبارزې ته دوام ورکوي. اسفندیار... Читать дальше...

د امریکا د متحدو ایالتونو ولسمشر وایي، د کانګرس له ډموکراتو غړیو سره له غونډې وروسته له هغې ووت چې ده ته یې وویل، له مکسیکو سره د امریکا په پوله به د دیوال د جوړېدو لپاره بودجه ورته ورنه‎کړي. ډونالډ ټرمپ له سناتورچک شومر او د استازیو د جرګې له مشرې نانسي پلوسي سره تر غونډې وروسته تېره شپه په ټویټر ولیکل، ده دا غونډه همدا اوس پریښوده او هغه بیخي د وخت ضایع کول و. ټرمپ وایي، ما له دوی پوښتنه وکړه چې که زه هرڅه سمدستي بېرته پرانېزم، په ۳۰ ورځو کې به څه پېښ شي؟ ایا تاسو به د امنیت د ټینګښت پلان چې... Читать дальше...

د شمالي کوریا مشر د چین ولسمشر ته ویلي چې دی د امریکا له ولسمشر سره دوهمې کتنې ته ژمن دی او غواړي د کوریا له ټاپو وزمې د اټمي وسلو د لېرې کولو پر سر د دوی ترمنځ د کړکېچ د هواري نتیجه ترلاسه کړي. د کېم جونګ اون دغه څرګندونې د چین او شمالي کوریا دولتي رسنیو نن وروسته له هغې خپرې کړې چې کیم له پیکنګ څخه دوه ورځنۍ کتنه پای ته ورسوله او بېرته په ځانګړي زغروال ریل ګاډي کې پیونګ یانګ ته روان شو. دا په تېرو لسو میاشتو کې چین ته د هغه څلورم سفر دی. پیکنګ په نړۍ کې د پیونګ یانګ د رژیم د څو محدودو متحدینو یو دی. Читать дальше...

د افغانستان ولسمشر له خبریالانو سره ژمنه وکړه چې د دوی په کارونو کې به د مداخلو مخه ونیسي. اشرف غني تېر ماښام په کابل کې د ۳۴ ولایتونو له یو شمېر ازادو خبریالانو سره د کتو پرمهال وویل: "موږ نه غوښتل چې ستاسو په کارونو کې مداخله وکړو، مګر د نورو د مداخلې مخنیوی زما دنده ده چې له تاسو سره غرض ونه‌کړي." ولسمشر له خبریالانو وغوښتل چې د خپلو امنیتي مسایلو په اړه خپل وړاندیزونه د ملي امنیت له سلاکار سره شریک کړي. په‌دې غونډه کې د حکومت ویاندویانو هم برخه اخېستې وه. د افغانستان د خبریالانو د... Читать дальше...

د هند د بهرنیو چارو وزیره له خپل ایراني سیال سره د افغانستان په اړه وغږېده. هندي رسنۍ خبر ورکوي چې د چهارشنبې په ورځ «۱۳۹۷ کال د مرغومې ۱۹» سوشما سواراج او محمد جواد ظریف په نوي ډیلي کې د افغانستان د سولې پر روانو هڅو او د چابهار بندر د فعالیت پر پراخېدو خبرې وکړې. د ۲۰۱۶ میلادي کال د مې په میاشت کې افغانستان، هند او ایران موافقه وکړه چې درې سره هېوادونه دې له چابهار بندره استفاده کوي. د افغانستان د سولې په تړاو په وروستیو کې ایراني چارواکو وویل چې د طالبانو له مشرانو سره یې کتلي دي او په راتلونکي کې به هم له طالبانو سره ورته غونډې وکړي.

ټاکل شوې ده چې زلمی خلیل‌زاد نن د هند دوه ورځنی سفر پیل کړي. د افغانستان د سولې لپاره د متحد ایالتونو دغه ځانګړی استازی به د هند له ملي امنیت سلاکار اجیټ ډووال او د بهرنیو چارو د وزارت له مرستیال ویجې ګووخال سره د افغانستان د سولې پر روانو هڅو خبرې وکړي. خلیل‌زاد تېرکال په سېپټمبر کې د امریکا د متحد ایالتونو د بهرنیو چارو د وزارت له لوري د افغانستان د سولې ځانګړی استازی وټاکل شو. د امریکا د بهرنیو چارو وزارت په یوه بیان کې څرګنده کړې ده چې ښاغلی خلیل‌زاد به د هند سربېره چین، افغانستان او پاکستان... Читать дальше...

ایران د رسنیو هغه راپورونه تأیید کړل چې د امریکا د سمندري ځواکونو یو پخوانی سرتېری یې نیولی دی. نیویارک ټایمز ورځپاڼې د دوشنبې په ورځ خبر ورکړچې ۴۶ کلن مایکل وایټ چې کله ایران ته د جولای په میاشت کې تللی و، نیول شوی دی. د ایران دولتي اژانس ایرانا پرون د بهرنیو چارو د وزارت د ویاند بهرام قاسمي په وینا خبر ورکړ چې مایکل وایټ نیول شوی دی، خو دا یې ونه ویل چې د هغه جرم څه دی او کله نیول شوی دی؟ قاسمي زیاته کړه چې ایران په لومړیو ورځو کې د متحد ایالتونو حکومت خبر کړی و چې دا کس په مشهد کې نیول شوی دی. Читать дальше...

بې پولي خبریالانو په فراه کې د طالبانو له لوري د افغان خبریال جاوېد نوري وژل غندلي دي. جاوېد نوري چې د فراه د نشاط راډیو خبریال و، د شنبې په ورځ یې له ۳۰ تنو مسافرو سره سفر کاوه چې طالبانو د دوی بس ودراوه او دی یې وویشت. د جاوېد نوري جسد د سې شنبې په ورځ پیدا شو او د هغه کورنۍ ته وسپارل شو. دا په نوي میلادي کال کې په افغانستان کې د یوه خبریال د وژلو لومړۍ پېښه ده. طالبانو تېر میلادي کال په افغانستان کې ۱۵ خبریالان وژلي وو. وسله والو طالبانو په دې اړه څه نه دي ویلي.

د غزني ولایت، ګيلان ولسوالۍ له رسنې سیمې څخه د جګړې له امله د ولایت نورو سیمو او یا هم د څنګ‌لوري ولایت زابل شاجوې ولسوالۍ ته پر ګډه شویو ۱۷۴ کورنیو نغدي مرستې وویشل شوې. له جګړې څخه تښتېدلي دغه بې‌ځایه شوي کسان وايي، په دغه ۱۵ زره افغانیو یې هېڅ دم نه دوا کېږي، دولت دې له ټولو کډوالو سره مرسته وکړي او په‌دغه ځای کې دي جګړې ته د پای تکی کېږدي. نعمت، عبدالکریم، ښایسته خان او نیک محمد ازادي راډیو ته وویل: "که دولت وغواړي د دوی له سیمې جګړه ختمولی شي او دوی خپلو کورونو ته ستنولی شي." په غزني... Читать дальше...

د سوریې حکومت غواړي چې د دغه هېواد په شمال ختیځ کې له هغو کُردانو سره روغه وکړي چې امریکا یې ملاتړ کوي.

د هلمند ولایت د ګرشک ولسوالۍ اوسېدونکو د والي څخه په ادارو کې د اصلاحاتو ترڅنګ د بیارغونې غوښتنه وکړه.

په اسلام‌اباد کې د افغانستان د سولې د عالي شورا پلاوی د پاکستان نویو ژمنو ته هیله‌مند دی.

افغان چارواکي وایي، له دې لارې غواړي تر هغو ماشومانو د ګوزڼ ضد واکسين څاڅکي ورسوي چې په ولسوالیو او سويلي ولایتونو کې...

د اسیا فوټبال جام لوبو په ترڅ کې به نن بحرین له ټایلنډ او هند له کوربه هېواد متحد عربي اماراتو سره مخامخ شي. جاپان چې څلور ځله د اسیا جام اتل پاتې شوی دی، پرون یې ترکمنستان ته درې د دوو ګلونو په وړاندې ماتې ورکړه، بله لوبه د قطر او لبنان ترمنځ وشوه چې قطر دوه په صفر وګټله. د اسیا د فوټبال په جام لوبو کې د ۲۴ هېوادونو ملي ټیمونو برخه اخېستې ده. دا لوبې د شنبې په ورځ پیل شوې او د فبروري تر لومړۍ نېټې به دوام وکړي.