د غزني والي: وروستۍ چاودنې ۶ کسان وژلي او ۲۰ نور یې ټپیان کړي
والي زیاتوي، په شپږو وژل شویو کې دوه تنه برید کوونکي، دوه امنیتي سرتېري او دوه تنه ماشومان دي، په ټپیانو کې ۷ تنه پولیس او پاتې نور د ښځو او ماشومانو په ګډون ولسي کسان دي.
والي وحیدالله کلیمزي د چهارشنبې پهدې اړه ازادي راډیو ته یې وویل:
"برید کوونکو غوښتل چې د ولایت پر مقام، امنیه قومانداني او یا هم کومه بله دولتي اداره برید وکړي، خو پولیسو یې مخ ډب کړه."
چاودنه پرون ماسپښین د غزني ښار د څلورمې حوزې په مربوطاتو کې د کابل کندهار پر لویه لاره د «پي.ار. ټي» سیمې ته څېرمه پهداسې حال کې شوې وه چې پولیسو غوښتل له چاودیدونکو توکو ډک یو هاموې ټانګ ودروي، خو د نه درېدو په صورت کې یې ورباندې ډزې وکړې چې وروسته چاودنه رامنځ ته شوه.
چاودنه وسلهوالو طالبانو کړې ده.
د دې ډلې ویاند ذبیحالله مجاهد ازادي رادیو ته په رالېږلي پیغام کې ویلي دي چې د دوی یو کس له چاودیدونکو توکو ډک هاموې ټانګ د امینتي ځواکونو د خاصې قطعې په مرکز کې چاودولی دی او زیاته مرګ ژوبله یې اړولې ده.