Новости за 26.06.2021

د سوریې لپاره د ملګرو ملتونو ځانګړي استازي هغه غږ بدرګه کړ چې د یوازینۍ سرحدي لارې د پرانیستو غوښتنه کوي.  د ترکیې پر پوله د باب الهوا سرحدي دروازه د هغې سیمې پر لاره پرته ده چې په ادلب کې د اپوزسیون تر واک لاندې سیمو پورې غځیدلې ده.  ګیرپډرسین د جمعې په ورځ امنیت شورا ته وویل، د باب الهوا سرحدي دروازه باید پرانیستې وي، ځکه چې په سوریه کې ملکیان مرستې غواړي او یوازینۍ لاره همدا ده چې له دې مرستې ور رسیږي.  خو روسیې په ښکاره د دې لارې له پرانېستو سره مخالفت کړی دی. دا لاره له یوه کال راهیسې... Читать дальше...

واشنګټن ته له افغان پلاوي سره د یوه ملهَ فلمبردار د کرونا نتیجه مثبته شوې ده. د رویټرز اژانس په وینا دا خبر د امریکا کانګرس ورکړی دی. رویټرز څرګندوي چې کله ولسمشر اشرف غني د کانګرس له مشرانو سره کتل دا فلمبردار نه و خو کله چې ولسمشر غني د امریکا د استازیو جرګې له مشرې نانسي پلوسي سره کتل، دې خبریال فلم اخېسته. همدا سرچینه وایي، دوی په دې باور دي چې له ولسمشر غني سره چې په دې سفر کې څوک ملګري وو، ټول واکسین شوي دي.

د ارزګان ولایت مرکز ترینکوټ او ولسوالیو په خپله غېږه کې د زیاتو باغونو، ځنګلونو، غرونو اوبو او ښه اب او هوا د لرلو ترڅنګ دغه ولایت بېلابېل مارغان هم لري. د ترینکوټ ښار ترڅنګ د سیند پر غاړه ځنګلونه او باغونه د زیات شمېر مارغانو استوګن ځایونه بلل کیږي او دا ځنګلونه د خپلې ښکلا تر څنګ د هغه مرغانو د غږونو ښکلا هم لري چې هر مرغه تر یولک افغانیو پورې بیه لري. ارزګان کې مېلمه مارغان د مېله کوونکو پام هم ځان ته ور اړولی، خو مېله کوونکي وايي دغه ځنګلونه هغه د پخوا پرتله ښه غږ لرونکي مارغان نه لري. ... Читать дальше...

د نورستان والي وايي، په برګیمټال ولسوالۍ کې د افغان امنیتي ځواکونو په برید کې د دوو قوماندانانو په ګډون ځینې وسله وال طالبان وژل شوي دي.  حافظ عبدالقیوم ازادي راډیو ته وویل، دغه برید تېره شپه شوی دی: "د شپې افغان ځواکونو په بدینشاه کې د وسله والو طالبانو پر قرارګاه برید کړی، قرارګاه یې له منځه وړې او په کې يې د دوو قوماندانانو په ګډون یو شمېر وسله وال وژلي او ګڼې وسلې يې هم ترې ترلاسه کړي دي." چارواکي وايي، د طالبانو دغه دوه وژل شوي قوماندانان قدرت الله او داوطلب نومېږي.  وسلوالو طالبانو د دې موضوع په باب رسماً څه نه دي ویلي.

کابل کې چاپېدونکو ورځپاڼو په خپلو نننیو ګڼو کې د سولې نامعلوم برخلیک او په افغانستان کې د روانې جګړې له امله د ملکي کسانو پر وژل کېدو او وروستيو ولسي پاڅونونو ته په اشارې سره شننې او سر مقالې خپرې کړي دي. انیس انيس ورځپاڼې سکوت بايد مات شي تر سرليک لاندې سر مقاله خپره کړې. د سرمقالې ليکوال ليکلي، د بهرنيو ځواکونو د وتلو په اعلان سره طالبانو خپلې حملې د افغانستان په ډېری ولايتونو کې پراخې کړي دي او يو شمېر زياتې ولسوالۍ یې تر خپلې ولکې لاندې راوستې چې دغې چارې خلک ډېر اندېښمن کړي دي. د سرمقالې... Читать дальше...

د عامې روغتیا وزارت وايي چې په افغانستان کې د کووېډ-۱۹ د ناروغانو شمېر او د دې ناروغۍ له کبله مړینې په زیاتېدو دي. د عامې روغتیا وزارت ویاند دستګیر نظري تېر ماښام ازادي راډیو ته وویل چې په دې ارقامو کې له یوې اوونۍ راهیسې ډېر زیاتوالی راغلی: "له بده مرغه له یوې اوونۍ راهیسې زموږ ارقام په ملي کچه د زیاتېدو په حال کې دي. د تلفاتو شمېر هره ورځ د اتیا او سلو کسانو ترمنځ دی." خو ښاغلي نظري په عین حال کې یادونه وکړه چې د کورونا د ناروغانو لپاره د اکسیجن د کمښت ستونزه حل شوې ده. د عامې روغتیا وزارت... Читать дальше...

لسګونه کسانو چې په افغانستان کې یې له امریکايي ځواکونو سره د ژباړونکو په توګه کار کړی پرون د اعتراض لپاره د امریکا سفارت ته نژدې لاریون وکړ. پرون پنجشنبې د امریکايي سرچینو په حواله راپور ورکړل شو چې د ولسمشر جو بایډن اداره ښايي زرګونه کسان چې له امریکايي ځواکونو سره یې کار کړی په اګسټ میاشت کې بهر ته واستوي او رویټرز خبري اژانس د امریکا د استازو جرګې د جمهوریپال غړي مایک مککاول له قوله راپور ورکړ چې نوموړی وايي، دا افغانان ښايي متحده عربي اماراتو، بحرین، قطر او کوېټ ته ولېږدول شي. د پروني لاریون... Читать дальше...

د جرمني پولیس وايي چې د دې هېواد په جنوب کې ګڼ د چړو په وسیله په یوه برید کې درې کسان مړه او شپږ نور ټپیان شوي دي. د جرمني رسنیو د راپورونو له مخې پېښه په ووییرزبورګ Wuerzburg ښار کې شوې او بریدکوونکی د پولیسو پراخو عملیاتو په ترڅ کې په داسې حال کې چې د پولیسو په ډزو زخمي شوی و، نیول شوی دی. پولیسو وروسته یوازې دومره وویل چې دا برید د یو فرد له خوا شوی او خطر نور نو له منځه تللی دی، خو د علت په اړه یې جزییات نه دي ورکړي. د سیمه ییزو رسنیو د راپورونو له مخې پېښه پرون ماښام هغه مهال وشوه چې برید... Читать дальше...

د اروپا د فضايي تحقیقاتو اداره ایسا ESA هیله لري چې د لومړي ځل لپاره له بدني پلوه یو معلول انسان استخدام او فضا ته یې واستوي. د ایسا مشر جوزف اشباښر Josef Aschbacher پرون د جون په ۲۵مه نېټه رویټرز خبري آژانس ته وویل، سلګونه معلولو کسانو چې د راتلونکي ستورمزلي به وي، لادمخه دې دندې ته غوښتنلیکونه سپارلي دي. ښاغلي اشباښر وویل چې د اروپا د فضايي تحقیقاتو له ادارې ډېر خوښ دی، ځکه د ده په وینا دې کار یې وښوده چې فضا او کاینات د هرچا لپاره دي. د ایسا مشر همدا راز وویل چې دې ادارې نژدې ۲۲ زره غوښتنلیکونه... Читать дальше...

د امریکا ولسمشر جوبایډن له خپل افغان سیال اشرف غني سره په کتنه کې له افغانستان سره د دوامدار مشارکت ژمنه وکړه او ویې ویل، امریکا به د خپلو سرتېرو له اېستلو سره-سره له افغانستان سره همکارۍ ته دوام ورکوي. ښاغلی بایډن پرون د افغان ولسمشر او د ملي مصالحې د عالي شورا د رییس عبدالله عبدالله په ګډون د افغان حکومت د جګپوړو مشرانو کوربه و. بایډن د خبرو له پیل مخکې له افغانستان سره د مرستو د دوام ډاډ ورکړ:"د افغانستان او د امریکا د متحدو ایالاتونو ترمنځ مشارکت پای ته نه رسېږي. بلکې دوام به وکړي. زموږ سرتېري... Читать дальше...

ډيپلوماتان وايي چې که د ایران پر اټمي فعالیتونو د څار یا تفتیش د موافقې مهلت تمدید نه شي نو په ویانا کې د ایران د اټمي موافقې د احیا په مقصد له شپږو اونیو راهیسې پیل شوي مذاکرات ښايي کړکېچن شي. د امریکا د بهرنیو چارو وزیر انتوني بلېنکن پرون له خپل فرانسوي سیال ژان ایویس لو دریان سره په ګډه خبري غونډه کې په دې اړه وویل: "موږ له ایران سره د ۲۰۱۵ کال د اټمي موافقې پرسر لا هم جدي اختلافونه لرو. زموږ مرکچیان په را روانو ورځو کې د غیر مستقیمو خبرو په اووم پړاو کې  د ګډون لپاره راستنېږي. موږ ګورو چې که... Читать дальше...

په دې وروستیو کې په ټول افغانستان کې زرګونه کسان د ولسي پاڅونوالو په نوم د وسله والو طالبانو پرضد وسله پورته کړې. افغان دولت وايي له دې پاڅونوالو ملاتړ کوي او چمتو چې هر ډول تجهیزات ورته برابر کړي. خو ځینې شنونکي په دې باور دي چې ښايي دا ډول حرکتونه افغانستان ته خطرناک تمام شي. ​په دې ويډیويي راپور کې دې موضع ته کتنه شوې.

ولسمشر اشرف غني د امریکا له ولسمشر جو بایډن سره په سپینه ماڼۍ کې تر کتنې وروسته وویل چې له افغانستانه د امریکايي پوځیانو د وتلو له پرېکړې څخه پوره راضي دی، ځکه د ده په وینا دا پرېکړه په دې روحیه شوې ده چې افغانستان به یوازې نه پرېښودل کېږي او د کابل او واشنګټن په اړیکو کې به نوی فصل پیلېږي.

یو ایس ټوډې یو ایس ټوډې ورځپاڼې په سپینه ماڼۍ کې د افغانستان له ولسمشر سره د امریکا د ولسمشر جو بایډن د کتنې په اړه لیکنه خپره کړې ده.  د ورځپاڼې له لیکنې سره سم، له دې کتنې سره هم مهاله په افغانستان کې جګړو زور اخیستی او د سولې خبرې په ټپه درېدلي دي.  له بلې خوا امریکايي پوځیان له افغانستانه په وتلو دي.  ورځپاڼې د افغانستان د پخواني ولسمشر حامد کرزي دا خبره را اخیستې چې ویلي یې دي د امریکا په مشرۍ جګړه په ناورین ختمېږي.  ده تېره اوونۍ اسوشیتېډ پرېس خبري اژانس ته ویلي، نړیواله ټولنه شل... Читать дальше...

افغان ولسمشر اشرف غني او د دې هېواد د ملي مصالحې د عالي شورا رمشر عبدالله عبدالله د جون پر ۲۵مه په سپینه ماڼۍ کې له ولسمشر جو بایډن سره وکتل. بایډن په دې کتنه کې وویل چې امریکایي ځواکونه له افغانستانه وځي خو له دې هیواد سره به د واشنګټن ملاتړ روان وي. نور حال په دې ویډیويي راپور کې.

ولسمشر اشرف غني او د ملي مصالحې د عالي شورا ریيس عبدالله عبدالله په سپینه ماڼۍ کې له ولسمشر جوبایډن سره وکتل. بایډن په دې کتنه کې وویل چې امریکایي ځواکونه له افغانستانه وځي خو له دې هیواد څخه د واشنګټن ملاتړ به پای ته ونه رسېږي.