Новости за 07.03.2023

هغو غبرګونکو کاناډایي ماشومانو خپله لومړنۍ کلیزه ونمانځله چې له ټاکلې مودې څلور میاشتې یا ۱۲۶ ورځې مخکې زېږېدلي وو او د ژوندي پاتې کېدو تمه یې نه وه. د فرانس پریس خبري اژانس د راپور له مخې د ادیال او اریال په نوم دغه هلک او نجلۍ د هغو امریکایي غبرګولو ماشومانو ریکارډ مات کړ چې له ټاکلې مودې ۱۲۵ ورځې مخکې زېږېدلي وو. اوس د کاناډایي ماشومانو نومونه د نړۍ د ریکارډونو په کتاب ګینس کې ثبت شول. د ګینس په ویبپاڼه کې راغلي چې د دغو ماشومانو یوه هغه د زېږون پر مهال ۳۳۰ ګرامه او بل هغه یې ۴۲۰ ګرامه وزن... Читать дальше...

په نیمروز کې د طالبانو ځایي چارواکي تاییدوي چې د دوی او ایراني پوله ساتو ځواکونو ترمنځ جګړه کې د کنګ ولسوالۍ د مهاجر اباد سیمې یوه کور ته مالي زیان اوښتی دی. نیمروز کې د طالبانو د والي ویاند مولوي ګل محمد قدرت ازادي راډیو ته وویل چې دغه نښته وړمه ورځ هغه مهال شوې چې په خبره یې ایراني ځواکونو د دوی د سیوري یوې څپرۍ ته اور واچوه. قدرت وایي، جګړې شل دقیقې دوام کړی چې چاته په کې د سر زیان نه دی اوښتی، خو زیاتوي چې پل ابریشم په سیمه کې یو کور تخریب شوی دی. د ایران فارس خبري اژانس د یوې باخبره سرچینې... Читать дальше...

د اسلامي‌دولت ډلې یا داعش د پاکستان په جنوب لوېدیځ کې د هغه ځانمرګي برید مسوولیت ومانه چې پرون دوشنبه ۹ پولیس په کې ووژل شول. د رویټرز خبري اژانس په وینا دغه برید د کوټې ختیځ ته په ۱۶۰ کیلو متري سیبي سیمه کې پرون هغه مهال وشو چې په موټر سایکل سپور ځانمرګي بریدګر د پولیسو موټر په نښه کړ. د 'سایټ' استخباراتي ډلې مشرې ریتا کتز چې د سخت دریځو ډلو انلاین فعالیتونه څاري، پر خپله ټویټرپاڼه لیکلي چې داعش د برید پړه منلې ده. رویټرز د روغتیایي چارواکو په حواله ویلي چې برید کې ۷ پولیس ټپيان شوي هم دي. Читать дальше...

په افغانستان کې د ملګرو ملتونو د بشري حقونو ځانګړی راپور ورکوونکی وايي، له افغان ښځو او نجونو سره د طالبانو چلند د بشريت پر ضد له جنایتونو سره انډول ګڼل کېدای شي. د دې موضوع په اړه احمدتکل د ښځو د حقونو له فعالې خدیجې امین سره مرکه کړې او په سر کې یې ترې پوښتلي دي چې آیا په نږدې یا لیرې راتلونکي کې دا تمه کېدای شي چې د افغان ښځو په وضعیت کې به بدلون راشي او طالبان به د نجونو تعلیم او کار ته اجازه ورکړي؟ د دې مرکې د اورېدو لپاره لاندې لېنک کېکاږئ:

په افغانستان کې د ښځو او بشري حقونو لپاره د متحدوایالتونو ځانګړې استازې ریناامیري هیله څرګنده کړې چې د نړۍ مشران به د افغان ښځو او نجونو روان وضعیت ته پاملرنه وکړي. مېرمن امیري پر خپل ټویټر په یو بیان کې چې بېګا خپور شو د ملګرو ملتونو په نوښت د ښځو په اړه یوې ځانګړې غونډې ته چې پرون پیل شوه او د مارچ تر ۱۷مې نېټې پورې به دوام وکړي اشاره کړې او د نړۍ له مشرانو یې غوښتي دي چې په افغانستان کې د ښځو او نجونو پر تعلیم بندیز او نورو هغو فرمانونو ته پاملرنه وکړي چې طالبانو د ښځو په برخه کې ورکړي دي. ... Читать дальше...

د ملګرو ملتونو د خوړو او کرنې اداره وايي، په افغانستان کې د وچکالۍ د اغېزو د کمولو لپاره د اوبو لګولو د ۷۹ پروژو بیارغونه کوي. دې ادارې پرون پر ټویټر په یوه بیان کې ویلي چې دا اقدام د اوبو سرچینو ته د خلکو د لاسرسي د آسانتیا، د اقلیمي ارتجاعیت د پیاوړي کولو او په لنډمهال کې د کلیوالو سیمو خلکو ته د کارموندنې په مقصد کوي. افغانستان په تېرو څلو کلونو کې د پرله پسې وچکالیو له کبله سخت زیانمن شوی، خو ترڅنګ یې د نړیوالو د مرستو له کمېدو او د ډېری اقتصادي پروژو له بندېدو سره افغان بزګران له سختو ستونزو سره لاس ګرېوان دي.

د روغتیا نړیوال سازمان وايي، د کندهار ولایت د میرویس روغتون له بېړنۍ څانګې سره د تازه مرستې خبر ورکړی. دې سازمان پر ټویټر په یو بیان کې چې پرون خپور شو ویلي، د میرویس د ۶۰۰ بستریز روغتون د عاجلو ناروغانو له څانګې سره یې چې ۱۵ بسترونه لري، د روغتیايي تجهیزاتو او درملو مرسته کړې ده. د طالبانو له واکمنېدو وروسته چې له افغانستان سره د نړیوالو په مرستو کې کموالی راغی، د هېواد ډېری روغتونونه د درملو او روغتیايي تجهیزاتو له کمښت سره مخامخ دي.

د اټومي انرژۍ د نړیوالې ادارې مشر وايي، ایران ته د سفر پرمهال ده ته د ایران له خوا ورکړل شوي امتیازونه تر ډېره له راتلونکو مذاکراتو سره تړلي دي. رافایل ګروسي چې تازه د تهران له سفره راستون شوی دی پرون په یوه خبري غونډه کې تایید کړه چې دی له خپلو پخوانیو څرګندونو په شا شوی دی. د ملګرو ملتونو د اټومي انرژۍ نړیوالې ادارې او ایران موافقه کړې چې د ایران په درېیو اټومي بټیو کې د غني شویو یورانیمو د موندل کېدو په اړه د تحقیقاتو په ګډون به د بېلابېلو مسایلو په اړه په خبرو کې پرمخ ځي. ګروسي د شنبې په... Читать дальше...

روسي سرچینې وايي، نړیوال فضايي سټېشن د دې لپاره چې په فضا کې له پاتې شویو توکو سره ټکر نه شي پرون دې ته اړ شو چې یوبل مدار ته واوړي. د روسیې د فضايي څېړنو ادارې روس کوسموس پرون وویل چې په فضا کې د دېره نړیوال فضايي سټېشن یا ISS انجن، بل مدار ته د دې مرکز په اووښتو کې مرسته وکړه. د معلوماتو له مخې د نړیوال فضايي سټېشن دا ۳۳۴ م ځل دی چې په فضا کې له الوتکو توکه سره د ټکر د مخنیوي لپاره خپل ځای بدلوي. په فضا کې پاتې الوتونکې پرزې لکه غیرفعال سټلایټونه، د فضايي مسافرو لپاره جدي ستونزه ګڼل کېږي.

د افغانستان په اړه نړیوالو ورځپاڼو ته کتنه واشنګټن پوسټ: د بخښنې نړیوال سازمان وايي، طالبان باید په افغانستان کې د بشري حقونو سرغړونې ودروي. دا د واشنګټن پوسټ ورځپاڼې د لیکنې سرلیک دی. ورځپاڼه کې راغلي، د بشري حقونو یوې مخکښې ډلې د دوشنبې په ورځ د ملګرو ملتونو د بشري حقونو له شورا وغوښتل چې په افغانستان کې د واکمنو طالبانو له لوري د ښځو خلاف د سختو محدودیتونو او د بیان د ازادۍ د مخنیوي په شمول د روانو سرغړونو پر وړاندې اقدام وکړي. واشنګټن پوسټ لیکي، طالبانو په پیل کې د نرم دریځ ژمنې کړې... Читать дальше...

د ترکیې د اپوزیسیون ګوندونو پرون کمال قلیچدار اوغلو د ولسمشر رجب طیب اردوغان پر وړاندې د اصلي انتخاباتي کاندید په توګه غوره کړ. د ترکیې د اپوزیسیون مشر کمال قلیچدار اوغلو د ولسمشرۍ په انتخاباتو کې د ولسمشر رجب طیب اردوغان پر وړاندې د اصلي سیال په توګه د مبارزې ډګر ته راووت. د اپوزیسیون شپږو ګوندونو پرون ۷۴ کلن قلیچدار اوغلو د مې په ۱۴مه نېټه په پلان شویو انتخاباتو کې د خپل کاندید په توګه غوره کړ. نوموړی د خلکو د جمهوریپال ګوند مشر دی چې ترکیې دوهم لوی ګوند شمېرل کېږي. قلیچدار اوغلو په دې... Читать дальше...

په افغانستان کې د ملګرو ملتونو د بشري حقونو ځانګړی راپور ورکوونکی وايي، له افغان ښځو او نجونو سره د طالبانو چلند د بشريت پر ضد له جنایتونو سره انډول ګڼل کېدای شي. په یوه تازه راپور کې چې د افغانستان د بشري حقونو لپاره د ملګرو ملتونو ځانګړي راپور ورکوونکي ریچارډ بېنیټ پرون د مارچ په شپږمه نېټه په ژنیو کې د ملګرو ملتونو د بشري حقونو د شورا غونډې ته وړاندې کړ، ویل شوي چې له افغان ښځو او نجونو سره د طالبانو چلند د بشريت پر ضد له جنایت سره انډول ګڼل کېدای شي. ریچارډ بېنیټ په خپل راپور کې چې د تېر... Читать дальше...