Новости за 25.07.2023

د ملګرو ملتونو د اټومي انرژۍ اداره وايي، کارپوهانو یې د اوکراین د زاپوریژیا د اټومي بټۍ ساحې ته څېرمه د پرسونل ضد ماینونه موندلي دي. دا بټۍ د روسي ځواکونو په ولکه کې ده. د ملګرو ملتونو د اټومي انرژۍ ادارې په یوه بیان کې چې نن خپور شو ویلي چې د کارپوهانو ډلې د اټومي بټۍ د منځنۍ او باندنۍ ساحې د احاطې ترمنځ په صفري زون کې یو شمېر ماینونه لیدلي دي. په بیان کې راغلي چې د دې ماینونونو شتون د ملګرو ملتونو د اټومي انرژۍ ادارې د مصوونیت او د اټومي خوندیتوب له اصولو سره په ټکر کې دی. زاپوريژیا چې... Читать дальше...

د متحدوایالاتو د بهرنیو چارو وزیر د قطر له صدراعظم او د پاکستان د بهرنیو چارو له وزیر سره د افغانستان پر مسایلو خبرې کړي. د قطر صدراعظم او د بهرنیو چارو وزیر شیخ محمدبن عبدالرحمن آل ثاني په یو بیان کې چې د قطر د بهرنیو چارو وزارت پر ټویټر خپور شوی ویلي چې ښاغلي آل ثاني له انټوني بلېنکن سره په پرونیو ټلفوني خبرو کې پر دوه اړخیزو مسایلو سربېره د افغانستان د روان وضعیت او د افغانانو د ملاتړ پر لارو چارو خبرې وکړې. په عین حال کې بلېنکن پر خپل ټویټر لیکلي چې له خپل پاکستاني سیال بلاول بوټو زرداري... Читать дальше...

د وفاق په مرسته په بلوچستان کې د ۱۰۰ ډېمونو پروژې مشر ابراهیم مینګل وايي، دوی هڅه کوي چې د صوبې په هره ضلع کې تر ټولو مناسبه سیمه کې ډېمونه جوړ کړي.

د يوه اټکل له مخې، په افغانستان کې د سینګارتونونو له څانګې سره تړلې شاوخوا ۶۰،۰۰۰ ښځې د طالبانو د حکم د عملي کېدو په صورت کې بې روزګاره کېدای شي. طالبانو د اګست تر څلورمې پورې د سينګارتونونو د تړلو امر کړی چې پرضد يې په کابل کې مظاهره هم شوې ده. د رویټرز اژانس له ویډیو جوړ رپورټ.

د امریکا د بهرنیو چارو وزارت ویلي چې د مالي هېواد پر درېیو چارواکو یې بندیزونه لګولي دي. دغه وزارت په یوه خبرپاڼه کې ویلي چې دغو چارواکو د روسیې د اجیرو جنګیالیو له ډلې واګنر سره اړیکې درلودې او د ۲۰۲۱ کال دسمبر میاشته کې یې په مالي کې د دغو جنګیالیو حضور ته زمینه برابره کړه. په هغو چارواکو کې چې بندیزونه پرې لګېدلي، د مالي د دفاع وزیر سادیو کامارا، د هوایي ځواکونو د یوه قومندان آلوبوی دیارا او د هغه د مرستیال آداما باګایوکو نومونه راغلي دي. مالي د افریقا په جنوب کې پروت هېواد دی چې د امریکایي... Читать дальше...

د کندهار انګور حاصل ته رسېدلي، خو بڼوال او سوداګر یې د ساتنې لپاره د سړو خونو د جوړېدو او بهرني مارکېټ غوښتنه کوي. اوسمهال د کندهار انګور د ځمکې له لارې ډېر پاکستان او لږ هند ته صادرېږي. د کندهار د کرنې ریاست د معلوماتو پر اساس سږ کال به د دغه ولایت د انګورو له باغونو ۲۷۳ زره ټنه حاصلات ترلاسه شي. نور جزییات د لاندې لېنک په کېکاږلو سره اورېدلی شئ:

د امریکا د بهرنیو چارو وزیر وایي، له خپل پاکستاني سیال سره یې د افغانستان په ګډون د سیمه ییزو اندېښنو په تړاو خبرې کړي دي. انټوني بلېنکن نن سه شنبه پر خپله ټویټرپاڼه لیکلي چې له بلاول بوټو زرداري سره یې ټیلیفوني خبرو کې د پاکستان د اقتصاد پر بیا غوړېدا او ګډ مشارکت هم بحث کړی. نوموړي نه دي ویلي چې د افغانستان او سیمې په تړاو د واشنګټن او اسلام اباد ګډې اندېښنې څه دي، خو تر دې وړاندې پاکستاني چارواکو تور پورې کړی چې د طالبانو حکومت د پاکستاني طالبانو تحریک او نورو نړیوالو ترهګرو ته پنا ورکړې ده. Читать дальше...

د ښځینه وو د فوټبال د نړیوال جام په دوام نن درې لوبې ترسره کېږي. لومړۍ لوبه په استرالیا کې د کلمبیا او جنوبي کوریا ترمنځ ترسره کېږي. دویمه لوبه د نیوزیلنډ په کوربه توب د همدې هېواد او فیلیپین ترمنځ او درېیمه هغه هم په نیوزیلنډ کې د سویس او ناروې د لوبډلو ترمنځ ترسره کېږي.

د ټویټر مشهور نښان، اسماني رنګې مرغۍ، پهX بدل شو. د ټویټر څښتن ایلان مسک او اجرایوي رییسې لینډا یاکارینو، هر یوه په جلا ټويټونو کې د دوشنبې په ورځ د ټویټر نوې لوګو اعلان کړه. د اسماني رنګې مرغۍ ځای د X خط واخیست. اغلې یاکارینو پر خپله ټویټر پاڼه په سان فرانسیسکو کې د ټويټر شرکت له مرکزي دفتره د نوې لوګو سره پر خپاره کړي عکس لیکلي: "دا ایکس دی. راځئ چې دلته پیل وکړو." د دوشنبې د ورځې په پيل کې د ټویټر د ټولو کاروونکو اکاونټونو کې اسماني رنګې مرغۍ لیدل کېده، خو د ایلان مسک او مېرمن یاکارینو په ځانګړي اکاونټ کې د ټویټر لوګو په X بدله شوه. Читать дальше...

ملګري ملتونه وايي، د افغانستان په یو شمېر ولایتونو کې سختو ناڅاپي سېلابونو لسګونه کسان وژلي، سلګونه کورونه او زیاتې کرنیزې مځکې یې ویجاړې کړې دي. د خوراکي موادو نړیوال پروګرام وايي، د دوی ټیمونه سېلاب ځپلو سیمو کې دي، وضعیت ارزوي څو زیانمنو شویو خلکو ته د خوراکي موادو بېړنۍ مرستې ورسوي. د کډوالۍ نړیوال سازمان هم پر خپل ټویټر ویلي چې د دوی مرستندویه ټیمونه سېلاب ځپلو سیمو کې دي څو اوښتي زیانونه معلوم او خلکو ته بېړنۍ مرستې ورسوي. د طالبانو په حکومت کې پېښو ته د رسېدو په چارو کې د دولت د وزارت... Читать дальше...

دیپلومات: دیپلومات مجلې د افغانستان د طالبانو له حکومت سره د ازبکستان د اړیکو په اړه لیکنه خپره کړې ده. د دې لیکنې په پیل کې د روانې جولای میاشتې په اتلسمه په اسلام اباد کې د پاکستان، ازبکستان او طالب چارواکو هغې غونډې ته اشاره شوې، چې په افغانستان کې د رېل لارې د جوړېدو په اړه موافقه پکې وشوه. دا رېل لاره به د جوړېدو په صورت کې ازبکستان د افغانستان له لارې له پاکستان سره وصل کړي. د دیپلومات مجلې پر اساس، په پام کې ده چې دا پروژه تر ۲۰۲۷ م کال پورې بشپړه شي او تر ۲۰۳۰ پورې به له دې لارې د کال تر ۱۵ میلیون ټنه پورې توکي انتقالېدای شي. Читать дальше...

د سعودي عربستان الاهلي فوټبال کلب په ۳۵۹ میلیون ډالره د فرانسوي لوبغاړي کیلیان امباپې د اخیستلو وړاندیز کړی دی. امباپې اوس په 'پاري سن ژېرمن' لوبډلې کې لوبېږي او دغه ټیم ویلي چې امباپې ته یې اجازه ورکړې چې له سعودي کلب سره خبرې وکړي. پاري سن ژرمن کلب په عین حال کې باور لري چې امباپې به د لوبو د روان فصل په پای کې د هسپانیا ریال مادرید ته لاړ شي. تر دې وړاندې پاري سن ژرمن کلب په ۲۰۱۷ م کال نیمار په دوه سوه میلیون پونډه د هسپانیا په بارسلونا کلب پلورلی و چې د فوټبال په تاریخ کې د یوه لوبغاړي لپاره تر ټولو لوړه بیه وه.

ترکیې په ۶ میاشتو کې ۱۵ زره افغان کډوال له خپلې خاورې ایستلي دي. په ترکیه کې د افغان کډوالو د ملاتړ ټولنې پرون دوشنبه وویل چې په دغه هېواد کې ۳ سوه زره افغانان رسماً ثبت شوي چې اکثره د لنډې مودې لپاره دغه هیواد ته تللي دي خو د هغوی په منځ کې ۴۸ زره د اوږدې مودې د اقامت اسناد لري. د دې ټولنې د معلوماتو پر اساس د ترکیې حکومت د روان میلادي کال له پیله د جون تر ۲۲ پورې ۱۵ زره افغانان له خپلې خاورې ایستلي دي. په افغانستان کې د جمهوري نظام له پرزېدو وروسته ترکیې ته د افغانانو تګ زیات شو. ډېری افغانان... Читать дальше...

یوه افغانه ښځینه قاضي په محکمه کې له دوه کلنې دعوې وروسته وتوانېده چې له خپل زوی سره بریتانیا ته لاړه شي. د بریتانیا رسنیو پرون دوشنبه راپور ورکړ چې دا ۵۳ کلنه ښځه کابو دوه کاله پخوا د طالبانو له واک ته رسېدو وروسته پاکستان ته لاړه او له هغه ځایه یې په بریتانیا کې د پناه غوښتنه وکړه، خو وروسته له دې چې د بریتانیا د کورنیو چارو وزارت د هغې غوښتنلیک رد کړ، د هغې مدافع وکیل د استېناف په محکمه کې دعوه اقامه کړه. د راپورونو له مخې، د دې ښځې دعوې کابو دوه کاله دوام وکړ. هغه چې په امنیتي دلایلو یې... Читать дальше...

د ترکیې د همکارۍ او همغږۍ موسسې د معراج په نوم په افغانستان کې د تعلیمي چارو لپاره دوې سټډیوګانې جوړې کړي دي. د ترکي رسنیو د راپور له مخې، معراج تلوېزیون د ترکیې د همکارۍ او همغږۍ ادارې په ملاتړ په افغانستان کې تعلیمي او کلتوري پروګرامونه خپروي. د طالبانو له واک ته رسېدو وروسته په افغانستان کې نجونې له شپږم ټولګي پورته له زده کړو محرومې شوي، له همدې امله بېلابېلو رسنیو هڅه کړې چې د انټرنېټ یا راډیو له لارې له زده کړو پاتې نجونو ته د زده کړو پروګرامونه جوړ کړي. د ترکیې د همکارۍ او همغږۍ موسسې... Читать дальше...

ټویټر کمپنۍ د دې ټولنیزې شبکې نوې لوګو نندارې ته وړاندې کړه. په نوې لوګو کې، چې تور رنګ لري، د ایکس x توری په سپین رنګ ښکاري. د ټویټر عملیاتي ريیسې لینډا یاکارینو د نوې لوګو د ښکارولو په اړه پرون دوشنبه په یوه ټویټ کې ولیکل: "ایکس دلته دی راشئ ورڅخه کار اخیستل پیل کړئ." تر دې وړاندې د ټویټر خاوند ایلن مسک ویلي وو چې د ټویټر لوګو، چې یو مرغه دی، لېرې کوي. مسک تېر کال ټویټر له یوې جنجالي معاملې وروسته په ۴۴ میلیارد ډالره واخیست.