Новости за 06.09.2023

د طالبانو د کډوالو او راستنېدونکو چارو وزارت له ایران او پاکستانه د څه باندې ۲۰۰۰ افغانانو د ستنېدو خبر ورکړ. دغه وزارت پرون سې شنبه په خپل اکس شبکه کې خبر ورکړی چې د دوشنبې په ورځ ۲زره ۲۸۹ افغانان له ایرانه او ۲۳ افغانان چې په پاکستان کې بندیان وو، تر خوشې کېدو وروسته د تورخم له لارې افغانستان ته ستانه شول. دغه وزارت نه دي ویلي، چې له ایرانه دغه ډېر شمېر افغانان په خپله خوښه راستانه شوي، که په زوره اخراج کړای شوي دي. زیات افغانان د بې‌وزلۍ او په بهر کې د کار روزګار په نیت له افغانستانه وځي.

سعودي عربستان پرون سې شنبه اعلان وکړ چې په داوطلبانه ډول به په ورځ کې د یو میلیون بېرله تېلو کمولو لړۍ ته تر ډسمبر میاشتې پورې دوام ورکړي. سعودي عربستان دغه کار په مارکېټونو کې د عرضې د کمېدو او د تېلو د بیو لوړېدو لپاره کوي. د دغه هېواد د انرژۍ وزارت په یوه اعلامیه کې ویلي، د تېلو د تولید کمېدل به چې په جولای میاشت کې پیل پیل شوي، د روان ۲۰۲۳م کال د ډسمبر میاشتې تر پایه دوام وکړي. ریاض د تېلو د تولید کمولو دغه ډول اعلان د لومړي ځل لپاره په جون میاشت کې د اوپیک سازمان تر یوې غونډې وروسته کړی و. Читать дальше...

د جرمني د کورنیو استخباراتو اداره وايي روسیې، په جرمني کې د ناسمو اطلاعاتو خپرول زیات کړي دي. د دې ادارې د جاسوسۍ چارو متخصص بودو بکر پرون سې شنبه وویل چې په اطلاعاتي برخه کې د مسکو فعالیتونه د تېر کال له فبروري راهیسې ډېر بدل شوي او په ښکاره تهاجمي شوي دي. بودو بکر په هغه کنفرانس کې چې په برلین کې د جرمني د کورنیو استخباراتو له خوا جوړ شوی و، دغه راز زیاته کړه، د مسکو ناسمه محتوا او د اطلاعاتو لحن د روسیې له پوځي کمپاین سره همغږي شوي دي. روسیې د ۲۰۲۱م کال د فبروري میاشتې پر ۲۴مه پر اوکراین غیرموجه یرغل پیل کړ، چې لا هم دوام لري.

مصر پرون سې شنبه په تېرو پنځو میاشتو کې د لومړي ځل لپاره سوډان ته خپلې تجارتي الوتنې بیا پیل کړې. پنځه میاشتې مخکې دغه الوتنې په جګړه ځپلي سوډان کې د جګړې د پیل له کبله ځنډول شوې وې. د مصر هوايي شرکت ایجپټ اییر دغه الوتکه پرون سې شنبه له پلازمېنې قاهرې والوته او د سوډان ختیځ ښار پورت سوډان ته ورسېده. په دې الوتکه کې ۱۲۰ تنه کسان سپاره وو. له هغې خوا په الوتکه کې ۱۱۵ کسان د مصر پلازمېنې قاهرې ته روان شول چې ماسپښین مهال ورسېدل.

اوکرایني چارواکي ادعا کوي چې شاوخوا درې میاشتې مخکې د روسي ځواکونو پرضد د پیل شویو تهاجمي عملیاتو له پیل سره اوکرایني ځواکونه توانېدلي په زاپوریژیا سیمه کې شا و خوا ۷ کیلومتره مخکې شي. چارواکي وايي، اوکرایني ځواکونو تېره اوونۍ د روسیې پر بېلابېلو استحکاماتو ولکه ټینګه کړې، چې روبوتین کلی بېرته ونیسي او دا په دې سیمه کې د اوکراین لومړۍ مهمه تاکتیکي بریا ګڼل کېږي. اسوشېټېډپرېس خبري اژانس د اوکراین د لوی درستیز د ویاند پاولو کوالچوک په وینا راپور ورکړی چې ویلي یې دي، د اوکراین ځواکونو په دې سیمه... Читать дальше...

په افغانستان کې د کارګرانو یوه ټولنه وايي، په دغه هېواد کې یو میلیون او دوه لکه ماشومان په درانه کارونو بوخت دي. په افغانستان کې د کارګرانو یوه ټولنه وايي، ګڼې کورنۍ مجبوره شوي چې په خپلو ماشومانو درانه کارونه وکړي او د دغو کارګرو ماشومانو شمېر زیات شوی دی. امکا یا د افغانستان د کارګرانو او کارمندانو ملي ټولنې مشر معروف قادري له ازادۍ راډیو سره په خبرو کې افغانستان، د ماشومانو لپاره ناوړه ځای وباله. هغه وویل: "افغانستان د ماشومانو لپاره یو خورا خطرناک او د تیاره راتلونکی لرونکی هېواد دی. تاسې... Читать дальше...

د ازادي راډیويي مجلې په خپرونه کې اورئ چې په ننګرهار کې جاپان د ماشومانو لپاره کتابتون جوړ کړی دی. په دې خپرونه کې د ماشومانو د کیسو له یوې لیکواله سره خبرې شوي دي. دغه راز په خپرونه کې د ماشومانو کیسې هم شته. په سپین بولدک کې به د ادبي هڅو په اړه واورئ او له دې به خبر شئ چې په نورستان کې د کتابونو څه ستونزه ده. دغه خپرونه، چې احمد شیبر چمتو کړې، د لاندې په کېکاږلو سره یې اورېدلی شئ:

نیویارک پوسټ: نیویارک پوسټ ورځپاڼې په خپله وروستۍ ګڼه کې د پاکستان د سرپرست صدراعظم انوارالحق کاکړ د هغو څرګندونو په اړه یو مطلب خپور کړی چې وايي، پاکستانۍ وسله‌والې ډلې له هغو وسلو او تجهیزاتو څخه کار اخلي چې په افغانستان کې د امریکا او ناټو له ځواکونو پاتې دي. ورځپاڼه د کاکړ د څرګندونو هغې برخې ته اشاره کوي چې وايي دا وسلې او تجهیزات د ۲۰۲۱ کال په اګست میاشت کې له افغانستانه د امریکا د پوځي ځواکونو د بې نظمه وتلو پرمهال د پاکستاني وسله والو لاس ته لوېدلې دي. د مطلب په دوام کې د کاکړ د څرګندونو... Читать дальше...