Новости за 07.08.2025

په جرمني کې میشت یو افغان لیکوال داسې کتابونه لیکلي چې پر مټ یې له جرمني، پښتو لیک، لوست زده کېدلای شي.

د کونړ ولایت د ناړۍ ولسوالۍ اوسېدونکي وایي، څلور ورځني اور د دغه ولسوالۍ ګڼ ځنګلونه سوځولي دي. د ولسوالۍ اوسېدونکو ازادي راډیو ته وویل چې دا اور له تېرو څلورو ورځو راهیسې په ډولۍ خوړ سیمه کې بل و خو د دوی په خبره د وچ ناو، لویې دېرې او مارانو ډب کلیو ته هم رسېدلی دی. دوي وایي که څه هم د اور شدت کنټرول شوی خو په خبره یې لا هم په بشپړ ډول مهار شوی نه دی. د ناړۍ ولسوالۍ یو اوسېدونکي او قومي مشر عبدالرحیم سالارزي د پنجشنبې په ورځ (د زمري په ۱۶مه) ازادي راډیو ته وویل "لږ لږ اندازه کې اور لا شته خو د... Читать дальше...

که څه هم د پاکستان حکومت په دغه هیوادکې میشتو (پي او ار) کارت لرونکو افغان کډوالو ته د استوګنې موده درې اونۍ نوره هم وغځوله خو یو شمېر دوی شکایت کوي چې د پولیسو لخوا یې نیونې او ځورونې دوام لري.

احمد شیبر په دې خبري ټولګه کې د نن ورځې مهمو پیښو ته کتنه کړې

د خیبر پښتونخوا په اسمبلۍ کې د کرک استازې مهر سلطانه وايي، پر ښځو د تشدد د مخنیوي لپاره هڅې کول غواړي. نوموړې په وروستیو کې د ښځو پر ځانګړې څوکۍ منتخبه شوه او د پیپلز ګوند غړې ده. هغه وکیله او د قانوني چارو پوهه ده او غوښتل یې چې په عدلیه کې کار وکړي، خو چې په ۲۰۰۸ز کال کې په ځانګړې څوکۍ صوبايي اسمبلۍ ته ولاړه نو بیا یې سیاست ته مخه کړه. مهر سلطانه وايي، په کرک کې ډېری خلک د څښاک پاکو اوبو، برېښنا او ګیس ته لاسرسی نه لري، نو غواړي چې د دې لپاره هم په اسمبلۍ کې غږ پورته کړي. له نوموړې سره بشپړه مرکه واورئ.

یوه روسیي چارواکي نن( د اګست ۷ مه) وویل چې د ولسمشر ولادیمیر پوتین او ولسمشر ډونالډ ټرمپ د غونډې تیاریانې روانې دي. د دې غونډې پریکړه وروسته تر دې وشوه چې د ولسمشر ټرمپ ځانګړي استازي سټیف ویتکاف د چهارشنبې په ورځ په مسکو کې له ولسمشر پوتین سره د اوکراین د جګړې په اړه خبرې وکړې .

رپورټ وايي چې سیاستوالانو او د بلوڅانو یووالي (یکجهتي) کمېټۍ ویلي دي چې په هغه صوبه کې زرګونه کسان بې درکه دي چې د زیاترو د مړ، ژوندي هېڅ پته نه لګي. هغه کمېټي د ورکو بلوڅانو د موندلو او د بشري حقونو د خوندیتوب لپاره مبارزه کوي.

د جرمني د کورنیو چارو وزیر الکساندر دوبرندت نن وویل چې افغانستان او سوریې ته د نورو کډوالو د ایستلو لپاره د الوتنو د تنظیم چارې روانې دي. الکساندر دوبرندت زیاته کړه چې دا ډیره مهمه ده چې خلک ډاډه شي چې هغه کډوال چې جرمونه کوي هغوی په جرمني کې پاتې نه شي. نوموړي بیا وویل چې جرمني ته د غیر قانوني کډوالو د داخلیدو د مخنیوي لپاره به د سرحدونو د حفاظت چارې پسې سخته کړي. نژدې درې اونۍ مخکې جرمني یو اتیا افغان کډوال چې د دوی په وینا په جرمونو کې یې لاس درلود په یوې چارټر الوتکې کې افغانستان ته واستول. دا... Читать дальше...

د پاکستان د مخابراتي چارو د ادارې (پاکستان ټېلېکمیونیکېشن اتارټي یا پي ټي اې) یو چارواکي هم د نوم نه ښوولو په شرط مشال راډیو ته وویل چې له حکومتي اعلان سره سم، د بلوچستان په چمن، کلا عبدالله، کلا سیف الله، پښین، بوري (لورالايي)، زیارت، هرنايي، کوهلو او نوشکي کې د موبایل انټرنېټي خدمات تړل شوي دي.

د هند د اسام ایالت اعلان کړی چې دوی به له بنګله دیش سره د سرحدي سیمو خلکو ته د وسلو اجازه ورکړي. د فرانس پریس اژانس د راپور له مخې د اسام اعلی وزیر هیمانتا بسوا سرما، چې د هندو ملتپال بي جي پي ګوند غړی دی، د چهارشنبې په ورځ وویل چې هغه ځایي اوسیدونکي چې ګواښ احساسوي اوس کولی شي د ایالت ویب پاڼې له لارې د وسلو جوازونو لپاره غوښتنه وکړي. دې اقدام د ایالت د مسلمان اقلیت ترمنځ اندیښنه راپارولې ده. د اسام شاوخوا ۳۱ ملیون نفوس له ۳۵ سلنې څخه ډیر بنګالي ژبي مسلمانان دي. ډیری یې اندیښنه لري چې دا پریکړه... Читать дальше...

د طالبانو د حکومت د صنعت او سوداګرۍ وزارت د افغانستان د خصوصي سکتور او د تاتارستان جمهوریت ترمنځ د یوسل او درې اتیا میلیونه ډالرو په ارزښت د سوداګرۍ د یوه تړون خبر ورکوي. دې وزارت د پنجشنبې په ورځ په یوه بیان کې وویل چې دا تړون د دواړو خواوو ترمنځ د تیلو او ساختماني سکتورونو په برخه کې لاسلیک شو. د یوې اعلامیې له مخې، د تاتارستان مرستیال لومړي وزیر او د صنعت او سوداګرۍ وزیر اولیګ ولادیمیرویچ کوروبچینکو، چې د تړون لاسلیک کولو لپاره کابل ته تللی، طالبانو ته بلنه ورکړه چې د تاتارستان د نفتي موادو په... Читать дальше...

د خیرپښتونخوا په واڼه ښار کې د سړک د غاړې بمي چاودنې د چارواکو په وینا دوه پولیس وژلي او څوارلس تنه نور یې چې اکثر یې لارویان وو، ټپيان کړې دي. دا چاودنه د چهارشنبې په ورځ وشوه. د سیمه ییزو پولیسو د مشر په وینا، بم هغه مهال وچاودید کله چې د پولیسو موټر په ګزمې روان و. په وروستیو اونیو کې، په پاکستان کې د یاغیانو بریدونه زیات شوي، چې لسګونه پاکستاني امنیتي ځواکونه یې وژلي دي. په عین حال کې، د پاکستان حکومت د باجوړ په سیمه کې د پوځي عملیاتو د پیلولو لپاره چمتووالی نیسي، چیرې چې قومي مشران هڅه کوي د نښتو مخه ونیسي. Читать дальше...

د پېښور اوسېدونکی خضر حیات اته کلن وو چې په یوه پېښه کې یې لاس غوڅ شو. دی وايي، پر دې سربېره یې نه غوښتل چې پر کورنۍ بار (بوج) شي نو ځکه مزدوري کوي. هغه چېنګچي چلوي او د سریو (سیخانو) د ماتولو سخت کار کوي. حیات وايي، که تعلیم یې ترلاسه کړی وای نو ښايي سختې مزدورۍ ته اړ شوی نه وای. نور په لنډ ویډیويي رپورټ کې.

امنیه قومندانۍ زیاته کړې چې په چاودنه کې یوشمېر کسان ژوبل شوي هم دي چې روغتیايي مرکزونو ته یې لېږدولي دي. البته د ټپیانو کره شمېر او د هغوی روغتیايي وضعیت لا روښانه نه دی.

امریکايي ولسمشر ډانلډ ټرمپ ویلي، په مسکو کې یې د منځني ختیځ چارو لپاره د ځانګړي استازي سټیف وېټکوف او روسي ولسمشر ولادیمیر پوتین ترمینځ په ناسته کې "خورا پرمختګ" شوی دی او دا چې ښايي ژر له پوتین سره وویني.نوموړي د اګست پر شپږمه وویل، "ښه موقع برابره شوې چې ډېر ژر یوه غونډه وشي." تر دې لږ ساعت مخکې د ټرمپ ویاندې ویلي ول چې نوموړی پر اوکراین د روسیې د یرغل په تړاو له پوتین سره لیدو ته تیار دی. د نوموړي ویاندې کیرولین لیوېټ په بیان کې ویلي ول چې روسانو له "ولسمشر ټرمپ سره د لیدو لېوالتیا ښوولې" او زیاته... Читать дальше...

د خوست اوسېدونکو د اګست پر شپږمه د ښاروالۍ له کارکوونکو سره یوځای د ښار پاکۍ اشر وکړ. تر دې یوه ورځ مخکې تر طوفاني باران وروسته سېلاب راغی چې د طالبانو د حکومتي چارواکو په وینا، پکې دوه تنه ووژل شول او لسګونه کورونه یې ویجاړ او زیانمن کړل. د ښار پاکۍ په اشر کې د ځینو ښوونځیو زده کوونکو هم ګډون وکړ. ویډیويي رپورټ.

د ملګرو ملتونو د کډوالو عالي کمېشنري (یو این ایچ سي ار) د پاکستان حکومت له خوا د (پي او ار) کارت لرونکو افغان کډوالو د ایستلو لپاره د یوې میاشتې مهلت غزولو هرکلی کړی دی، خو له اسلام‌باد یې غوښتي د هغو کسانو له جبري ایستلو ډډه وکړي، چې لا هم ملاتړ ته اړ دي. (یو این ایچ سي ار) د چهارشنبې په ورځ (د اګست په شپږمه) په یوه اعلامیه کې ویلي دې ته پام چې د دغه کارت درلودونکي افغانان له کلونو راهیسې په پاکستان کې د کډوالو په توګه ژوند کوي، جبري ایستل یې له نړیوال اصولو سرغړونه بلل کېږي. اعلامیه زیاتوي پاکستان... Читать дальше...

د سپینې ماڼۍ یوه چارواکي د چهارشنبې په ورځ وویل، د امریکا ولسمشر ډونالډ ټرمپ ممکن په راتلونکې اونۍ کې د روسیې له ولسمشر ولادیمیر پوتین سره وویني، ځکه امریکا د اوکراین د جګړې د پای ته رسولو لپاره پر مسکو د فشار راوړلو لپاره د نورو بندیزونو لګولو لپاره چمتووالی نیسي. دا ډول مخامخ لیدنه به د ۲۰۲۱ کال په جون میاشت کې په جینوا کې د جو بایډن له پوتین سره تر لیدلو وروسته د امریکا او روسیې د ولسمشرانو ترمنځ لومړۍ وي. پوتین او د اوکراین ولسمشر ولادیمیر زیلینسکي د ۲۰۱۹ کال د دسمبر راهیسې نه دي سره لیدلي او د یو بل پر ضد خپل فکر پټ نه ساتي. Читать дальше...