Новости за 19.10.2025

یو شمېر افغانان په ځانګړي ډول هغه ناروغان چې غواړي پاکستان ته د درملنې لپاره ولاړشي، سوداګر او د سوداګریزو موټرو چلونکي د طالبانو او د پاکستان له حکومت غواړي چې د دواړو لوریو ترمنځ د سم لاسي اوربند له هوکړې وروسته دې د لومړۍ ګام په توګه ټولې لارې د هر ډول تګ راتګ لپاره پرانیزي.

امريکا مېشتي "جنيد شريف بنسټ" سږ کال د ادب لومړۍ جايزه، چې د ځلانده کلتوري مشر په نوم يادېږي، ليکوال او شاعر مصطفا سالک ته ورکړې ده. سالک څلور د شاعرۍ او دوه کتابونه پر کره کتنې ليکلي دي. نوموړي پر دې سربېره يو ناول او يو د هنري نثرونو کتاب هم ليکلی دی. سالک د فارسي شاعرۍ د يو کتاب ليکلو ترڅنګ د پښتو ژبې پر کلاسيکو شاعرانو څېړنيز کار هم کړی دی.

که څه هم په پاکستان او افغانستان کې وخت په وخت د پولیو يا ګوزڼ وایرس ضد کيمپېنونه کېږي خو لا هم په هغو هېوادونو کې د پولیو ناروغۍ وایرس موجود دی. څېړونکي د دې لامل د پولیو له څاڅکو څخه انکاري پلرونه، د کيمپېن پر وخت نه کېدل او ځینې نور وجوهات یادوي. دا په داسې حال کې چې په پاکستان کې د اکتوبر پر ۱۳مه پیل شوی د پوليو مخنيوي واکسيني کيمپېن نن (د اکتوبر پر ۱۹مه) پای ته رسېږي.

په قطر کې د طالبانو حکومت او پاکستان حکومت ترمنځ د خبرو اترو په جریان کې د سمدستي اوربند هوکړه د ډیورنډ کرښې د دواړو غاړو اوسېدونکو له تاوده هرکلي سره مخ شوې ده. د دواړو اړخونو یو شمېر اوسېدونکو ازادي راډيو ته وویل چې په جګړو تر ډېره دوی زیانمن دي او دوی هیله لري چې دغه هوکړه په دایمي اوربند بدله او د سیمې د سولې او ثبات لامل شي.

د پاکستان او د طالبانو حکومتي چارواکو ترمینځ په ملاقات کې د اوربند اعلان شوی دی. دا تر هغه وروسته ده چې د دواړو هېوادونو د ځواکونو ترمینځ تېره اونۍ نښتې شوې وې او پاکستان په افغانستان کې دننه حملې کړې وې. د پاکستان ځینو خلکو د اوربند هرکلی کړی دی. د رويټر اژانس له ويډيوګانو جوړ رپورټ.

په قطر کې د طالبانو او پاکستان چارواکو په سمدستي اوربند موافقه کړې او تمه ده راتلونکی پړاو خبرې په استانبول کې وکړي. د قطر د بهرنیو چارو وزارت په دې اړه په خپل بیان کې ویلي چې دواړه خواوو په یوه سمدستي اوربند او داسې یوه میکانیزم موافقه وکړه چې د دغو هېوادونو تر منځ دایمي سوله او ټیکاو رامنځته کړي. صفي الله ستانکزی او نور جزییات

تر دې وړاندې د قطر د بهرنيو چارو وزارت د اکتوبر پر ۱۹مه په خپاره کړي بيان کې ويلي وو چې د ترکيې او قطر په مينځګړيتوب افغانستان او پاکستان په "سملاسي اوربند" هوکړه کړې ده.

په قطر کې د طالبانو او پاکستان چارواکو په سمدستي اوربند موافقه کړې او تمه ده راتلونکی پړاو خبرې په استانبول کې وکړي. د قطر د بهرنیو چارو وزارت په دې اړه په خپل بیان کې ویلي چې دواړه خواوو په یوه سمدستي اوربند او داسې یوه میکانیزم موافقه وکړه چې د دغو هېوادونو تر منځ دایمي سوله او ټیکاو رامنځته کړي. د طالبانو د حکومت ویاند ذبیح الله مجاهد هم په خپله ایکس پاڼه په یوه بیان کې د دې خبرو د منځګړتوب لپاره د قطر او ترکیې د هڅو مننه کړې. ښاغلی مجاهد وايي دواړو خواوو توافق وکړ چې د یوبل پر وړاندې به د دښمنۍ... Читать дальше...

د افغانستان او زمبابوې د کرکټ ملي ټیمونه سبا سه دوشنبه خپله ټیسټ لوبه پيلوي. لوبه به د زمبابوې په هرارې کې پیل شي چې تر جمعې به دوام وکړي. راشدخان دې ټیسټ لوبه کې نشته. کرکټ بورډ ویلي خان به دې یواځینۍ ټیسټ لوبه کې د هغه د ارامتیا او راتلونکو ښو نړیوالو لوبو په خاطر ونه لوبیږي خو په شل اووریزو لوبو کې برخه اخلي. تر ټیسټ لوبې وروسته به دواړه لوبډلې درې شل اووریزې لوبې هم وکړي.

د برازیل یوې مېرمنې په شمالي قطب کې په کښتۍ کې د ۶،۵۰۰ کيلوميټره سفر په دوه میاشتو کې په یوازې سر پوره کړی دی. په دې کار سره هغه لومړۍ لاتیني امریکايي ښځه شوه چې له اټلانټېک سمندر څخه یې تر ارام سمندره دغه پېچلې سفر سر ته ورساوه. ټمارا کلېنک وايي په لاره کې یې ډېره کمه واوره ولیدله چې لامل یې اقلیمي بدلون دی، خو د هغې په وينا، دا کار د واورې په ویلې کېدو سره ممکن شو. د فرانس پرېس خبري اژانس له ويډيو جوړ راپور.