Новости за 13.12.2025

هایلایټ: لنډ او مهم خبرونه

په نړۍ کې د فټبال نومیالی ارجنټینايی لوبغاړی لیونل مېسي د ډېسېمبر پر ۱۳مه په یو رسمي سفر د هند کلکتې ته ولاړ. د هغه لیدو ته د خلکو راغونډېدو پرمهال ګډوډۍ رامنځ ته شوې دي. د میسي مینه وال وايي، په ډېره لوړه بیه یې ټېکټونه اخیستي ول خو مېسي یې نه دی لیدلی. د نړیوالو اژانسونو پر مټ د مشال راډیو خبریال ویډیويي راپور جوړ کړی دی.

په ایران کې د روسیې له خوا د جنګي اجیرانو د استخدام د هڅو راپورونه خپاره شوي دي. که څه هم د روسیې سفارت په دې اړوند اطلاعیه جعلي بللې خو دا هېواد مخکې له ګڼو هېوادونو د اوکرایین د جنګ لپاره د اجیرو ملیشو د استخدام مخینه لري. زرګونه پخواني افغان سرتیري ایران کې دېره دي. دوی څومره د روسیې هدف کیدای شي؟ صفي الله ستانکزی په دې اړه جزییات لري.

د متحده عرب اماراتو په دوبۍ کې ترسره شوې دې لوبه کې افغانستان لومړی بېټنګ وکړ او په ټاکل شویو ۵۰ اورونو کې یې د ۷ لوبغاړو په سر ۲۸۳ منډې وکړې.

د طالبانو د کډوالو وزارت له ګاونډیو هیوادونو غوښتي چې د افغان کډوالو سره له زور زیاتي ډډه وکړي او هغوی ته په خپله خوښه افغانستان ته د بېرته ستنېدو مناسب شرایط برابر کړي. په وروستیو کې له ګاونډیو هیوادونو په ځانګړي ډول له پاکستانه د افغان کډوالو د جبري دیپورټ لړۍ تر بل هر وخت تېزه شوې ده.

د فوټبال پیژندل شوی نړیوال ستوری لیونل مسي هند ته په درې ورځني سفر تللی. هغه په کلکتې کې د خپلو مینه والو د لیدو لپاره یوه سټډیوم ته لاړ خو ځینې ګډوډۍ رامنځته شوې. دا چې څه صفي الله ستانکزی یې په دې رپوټ کې په اړه جزییات درکوي

په ناروې کې د نوبېل جایزې کمېټۍ د ایراني پولیسو لخوا د نرګس محمدي نیول غندلي دی او پر حکومت یې غږ کړی دی چې نوموړې دې سره د نورو نیول شویو فعالانو زر تر زره خوشې کړي.د ناروې د نوبېل انعام کمېټۍ په ۲۰۲۳ز کال کې "په ایران کې پر ښځو د ظلم پر ضد د مبارزې" لپاره نرګس محمدي ته د سولې نوبېل جایزه ورکړې وه. د نرګس محمدي بنسټ د ډېسېمبر پر ۱۲مه خبر ورکړ چې نوموړې په هماغه ورځ د ایران په ختیځ ښار مشهد کې هغه مهال ونیول شوه چې د ځینو نورو فعالانو په بدرګه یې د بشري حقونو د یو فعال خسرو عليکردي د مړینې د اوومې ورځې په ماتمي غونډه کې ګډون کولو. Читать дальше...

د پاکستان د سېند صوبې په کراچۍ ښار، د پنجاب په ګڼو ښارونو او د هېواد په ځینو نورو برخو کې د مال لېږدوونکیو ټرانسپورټرانو د اتحادیې احتجاج د ډېسېمبر پر ۱۳مه هم دوام لري. دوی دا احتجاج د ډېسېمبر له اتمې پیل کړی او خپلې لارۍ یې درولې دي. ټرانسپورټران وايي، په پنجاب صوبه کې ورباندې د نوي ټرافیکي قانون په پلمه زیاتې جرمانې لګول کېږي، پولیس د هغوی لارۍ نیسي او د موټروانانو خلاف یې مقدمې درج کوي. بل پلو، د سېند او پنجاب حکومتي چارواکي وايي چې د ټرانسپورټرانو د اتحادیې له مشرانو سره یې خبرې روانې دي او تمه لري چې ډېر زر به د حل یوه لاره وباسي. Читать дальше...

په بلوچستان کې روانې اوږدمهالې وچکالۍ ګڼ باغونو او کروندو ته زیان اړولی دی. د بارانونو د نه کېدو له کبله د ځمکلاندې اوبو کچه هم کال تر بله لاندې روانه ده. د بلوچستان د خوړو او کرنې اداره وايي، د دې له وجې کوهیان، کارېزونه او چینې وچې شوې دي. تفصیل په ویډيويي رپورټ کې.

د جرمني فدرال حکومت دې پرېکړه، چې یو شمیر افغان ښځو او نارینه وو ته چې دغه هیواد ته یې د منلو ژمنه تر لاسه کړې  د داخلېدو اجازه نه ورکوي، پراخ غبرګونونه راپارولي دي.

د ترکیې ولسمشر رجب طیب اردوغان د جمعې په ورځ د ترکمنستان په پلازمېنه، عشق‌آباد کې د «سولې او باور نړیوال فورم» په نوم د غونډې په څنډه کې د پاکستان له صدراعظم شهباز شریف سره په لیدنه کې وویل چې ترکیه د افغانستان - پاکستان ـ اوربند د ټينګښت په برخه کې هر ډول مرستې ته چمتو ده. اردوغان څرګنده کړه چې انقره له اسلام‌اباد سره د «ښو اړیکو» د پیاوړتیا لپاره کار کوي، او د ترکیې د اطلاعاتو ریاست په وینا، ترکیه به هڅه وکړي چې د انرژۍ، سوداګرۍ او پانګونې په برخو کې د دواړو هېوادونو ترمنځ همکاري نوره هم پراخه کړي. Читать дальше...

زیلنسکي وایي، تر څو پورې چې داسې تضمینونه ونه‌لرو چې د سیمې د راتلونکي احتمالي اشغال مخه ونیسي، دغه طرحه عادلانه نه ده.

د هسپانیا د بهرنیو چارو وزیر، خوزې مانویل آلبارس، وايي، هیواد به یې د طالبانو حکومت په رسمیت و نه پېژني. نوموړي ټینګار وکړ چې د طالبانو رژیم «نامشروع» دی. د هسپانیا د باندنیو چارو وزیر د جمعې په ورځ (۲۱ قوس) په مادرید کې د افغان فعالانو په غونډه کې څرګنده کړه چې هسپانیا د افغان ښځو د حقونو ملاتړ ته ژمنه ده او د هغوی له مشارکت پرته په افغانستان کې رښتینې او دوامداره سوله ناشونې ګڼي. هغه چې په مادرید کې «زموږ ږغ واورئ» په نوم د افغان ښځو په درېیمه ځانګړې ناسته کې خبرې کولې، وویل چې «هره هغه راتلونکې چې د پرمختګ اراده لري، د ښځو حضور ته اړتیا لري.

د ایران د بلوچستان سني وسله‌والې ډلې «جیش‌العدل» اعلان کړی چې له څو کوچنیو بلوڅو ډلو سره یوځای شوی او د ایران پر مذهبي حکومت د بریدونو لپاره یې نوی ائتلاف جوړ کړی دی. د ازادي راډیو د ایراني څانګې، راډیو فردا د راپور له مخې، په هغه ویډیويي بیان کې چې د قوس پر ۱۹ نېټه په ټولنیزو شبکو کې خپور شو، یوه نامعلوم ویاند وویل چې دغه نوی ائتلاف «د ولسي مقاومت جبهه» نومول شوې او هدف یې «د مبارزې د وړتیا زیاتول» او د «ایران د اسلامي جمهوریت د استبداد» پر وړاندې جګړه ده. جیش‌العدل، چې د ایران او امریکا له لوري... Читать дальше...

د تاجکستان د پانګوالو یوه پلاوي په افغانستان کې د سمنټو د تولید فابریکې جوړولو ته لېوالتیا څرګنده کړې ده. تاجک پلاوي پرون (جمعه) د طالبانو د حکومت د کانونو او پټرولیم له وزیر، هدایت‌الله بدري، سره د لیدنې پر مهال د کانونو او صنعتي برخو په ګډون د احتمالي پانګونې فرصتونه وڅېړل. سره له دې چې په وروستیو کې د تاجکستان او طالبانو ترمنځ اړیکې په نسبي ډول ښه شوي خو په وروستیو کې د تاجکستان په خاوره کې د پنځو چینایانو وژل کېدو تاجک چارواکي له افغانستان څخه خپلې اورې ته د ورپېښېدونکي تروریزم په اړه اندېښمن کړي دي.