Новости за 19.12.2025

د نړۍ په بېلابېلو هېوادونو کې مسیحیان د کرېسمېس په نوم د اختر تیاری کوي. په دې لړ کې خلک اړوند پروګرامونه جوړوي او د ډېریو هېوادونو د پلازمېنو او نورو ښارونو په مرکزي برخو کې د کرېسمېس ونې په څراغونو روښانه شوې دي. د نړۍ زیاتره مسیحیان د کرېسمېس په نوم اختر د ډېسېمبر پر ۲۵مه لمانځي. د اې اېف پي له ویډيوګانو جوړ رپورټ.

د امریکا کانګرس لسګونو دیموکراتو غړو د افغانانو پر وړاندې د ولسمشر ټرمپ د وروستیو اقداماتو د پای ته رسولو غوښتنه کړې ده.

د ملګرو ملتونو د بشري میشتېدنې پروګرام (یو ان هبیتات) خبرداری ورکړی چې په افغانستان کې د کثافاتو د مدیریت په تړاو بې غوري د خلکو پر روغتیا ناوړه پایلې درلودلی شي.

د پاکستان ولسمشر اصف علي زرداري له دندې څخه د اسلام‌اباد های کورټ د قاضي طارق محمود جهانګیري لیرې کول تایید کړي دي.د ولسمشر دفتر د ډېسېمبر پر ۱۹مه پر اېکس (پخواني ټوېټر) په بیان کې ویلي چې زرداري دا پرېکړه د وزيراعظم شهباز شريف په مشوره کړې ده. د قاضي طارق محمود جهانګیري ټاکنه تر هغې وروسته رد شوې د اسلام‌اباد های کورټ دوه کسيزې جرګګۍ یې د "قانون ډګري (بریلیک) جعلي" وبلله. د اسلام‌اباد های کورټ د مشر قاضي سردار محمد سرفراز ډوګر په مشرۍ جرګګۍ د يو قانوني غوښتنلیک (درخواست) پر بنسټ پرېکړه وکړه چې... Читать дальше...

د جاپان حکومت د جمعې په ورځ اعلان وکړ چې د افغانستان لپاره یې د بشري مرستو په برخه کې ۱۹.۵ میلیونه امریکايي ډالر نور هم تصویب کړي دي. په کابل کې د جاپان سفارت په ایکسپاڼه (پخواني ټوېټر) کې په یوه پیغام کې ویلي چې دا پیسې به د بشري مرستو او د خلکو د لومړنیو اړتیاوو د پوره کولو لپاره ولګول شي او د ملګرو ملتونو د ادارو، نړیوالو بنسټونو او جاپاني نادولتي سازمانونو له لارې به افغانستان ته ورسول شي. د یاد بیان له مخې، د جاپان له دې تازه مرستې سره د ۲۰۲۱ کال له اګست څخه، یعنې له هغه وخته چې طالبان بیا واک... Читать дальше...

اروپايي ټولنې پرېکړه کړې چې له اورکراین سره د مالي مرستې په توګه ورته "بې له سوده ۹۰ اربه (مېلیارده) یورو (۱۰۶ اربه امریکايي ډالر) پور" ورکړي.د اروپايي ټولنې مشرانو دا پرېکړه د ډېسېمبر پر ۱۹مه تر هغې وروسته کړې چې په راتلونکو کلونو کې د اوکراین د پوځي او اقتصادي اړتیاوو پوره کولو لپاره د روسیې د کنګل شویو شتمنیو کارولو پر وړاندیز موافقه و نه شوه. د اروپايي ټولنې د شورا مشر انتونیو کوستا د ډېسېمبر پر ۱۹مه پر اېکس (پخواني ټوېټر) په یو بیان کې ویلي، دا پور به د ۲۰۲۶ز او ۲۰۲۷ز کلونو لپاره وي او زیاتوي،... Читать дальше...

د یونان چارواکو د جمعې په ورځ ګاودوس ټاپو ته نژدې له یوې کښتۍ څخه ۵۴۵ کډوال وژغورل. دا په وروستیو میاشتو کې د ژغورنې تر ټولو لوی عملیات بلل کېږي. د یونان ساحل ساتونکو ویلي چې د جمعې په سهار شاوخوا ۳ بجې یې د مرستې اضطراري پیغام ترلاسه کړ. تر دې وروسته، د ساحل ساتونکو ۳ کښتۍ، د ګاوډوس له جنوب ختیځ څخه شاوخوا ۱۶ سمندري میله لرې د پېښې ځای ته ورسېدې. د ژغورنې ډلې وموندله چې سلګونه کډوال د کب نیونې په یوه بېړۍ کې په ډېر تنګ ځای کې سپاره دي. د څو ساعتونو له عملیاتو وروسته، د ژغورنې بهیر په خوندي ډول... Читать дальше...

د فرانسې په ختیځ کې یوې محکمې د پنجشنبې په ورځ یو پخوانی ډاکټر د عمر قید په سزا محکوم کړ. د فریدریک پیشیې په نوم د بېهوشۍ ډاکتر د ۳۰ ناروغانو د مسمومولو په قضیه کې مجرم وپېژندل شو؛ له دې ډلې ۱۲ تنه مړه شوي دي. د ۵۳ کلن فریډریک پېشیې محاکمې ۱۵ اوونۍ دوام وکړ، او محکمې د روانې اوونۍ د دوشنبې له ورځې د سزا پر ټاکلو غور کاوه. د سزا ټاکلو درې ورځې وخت ونیوه، ځکه محکمې ضروري وبلله چې د مسمومولو د ۳۰ جلا جلا قضیو په اړه په انفرادي ډول پرېکړه وکړي. په دغو پېښو کې ۱۲ کسان مړه شوي او ۱۸ نور ژوندي پاتې شوي دي. Читать дальше...

په خيبر پښتونخوا کې د ورځپاڼو اېجنسۍ او خرڅوونکي وايي، د موبایل او انټرنېټ له راتلو سره يې کاروبار ورځ تر بلې پر کمېدو دی. په مردان کې د یو اخبار پلورونکی وايي چې اوس یوازې په دې کار د کور اړتیاوې نه شي پوره کولای بلکې ورسره یې دوکان هم پرانیستی دی. ویډيويي رپورټ.

پاکستاني رسنیو د پولیسو د چارواکو له قوله راپور ورکړی چې د خیبر پښتونخوا ایالت د شمالي وزیرستان ولسوالۍ په بویا سیمه کې پر یوه امنیتي پوځي اډه د وسلوالو په برید کې څلور بریدګر وژل شوي دي. د راپورونو له مخې، بریدګر د اډې انګړ ته له ننوتلو وروسته پر امنیتي ځواکونو ډزې پیل کړې چې له هغې وروسته نښته رامنځته شوه او په ترڅ کې یې ټول څلور بریدګر ووژل شول. د دې پېښې پر مهال څلور امنیتي سرتېري ټپیان هم شوي دي. د پولیسو چارواکو ویلي، د لومړنیو معلوماتو له مخې ښايي بریدګرو له موټربم یا ځانمرګي واسکټ څخه کار اخیستی وي. Читать дальше...

یو شمیر افغان فرهنګیان، فلم جوړونکي او د فلمونو لوبغاړي په کابل د طالبانو حکومت له خوا د اریانا سینما ودانۍ ویجاړول د افغانستان د فرهنګي میراثونو د لمنځه وړلو په مانا ګڼي وايي، د دې هیواد یو زخم نه وي پټی شوی چې بل پرې اېښودل کېږي.

یوه زلزله چې شدت یې د ریښتر په حساب ۶ درجې و، نن د افغانستان شمال ختیځې سیمې ولړزولې. د زلزله پېژندنې ویبپاڼې، والکانو دیسکوري د دې زلزلې مرکز د بغلان ولایت د نهرین ولسوالۍ د شمال ختیځ په ۲۴ کیلومترۍ کې بللی او ویلي چې دا زلزله د افغانستان تر غرمې مخکې په یوولس بجې او څلور دقیقې وشوه. د جرمني د زلزله پېژندنې ادارې د دې زلزلې شدت ۵ اعشاریه ۷ ریښتره بللی او د هغې مرکز یې تر مځکې ۱۰ کیلومتره لاندې اعلان کړی دی. تېره میاشت د افغانستان په شمالي ولایتونو لکه بلخ، سمنګان، کندوز او بغلان کې یوې سختې زلزلې ۲۷ تنه مړه او ۹۵۶ نور ټپیان کړل.

ټاکل شوې ده چې نن د اوکراین یو پلاوی د امریکا په میامي کې له امریکایانو سره پر دې خبرې وکړي چې څرنګه په اوکراین کې د روسیې یرغل پای ته رسیدلی شي. د اوکراین د جګړې او پر دغه هیواد د روسیې د تیري د پای ته رسیدو لپاره د امریکا د متحد ایالتونو ولسمشر ډونالډ ټرمپ یوه طرحه چمتو کړې ده چې له دې طرحې سره د اوکراین ولسمشر ولادیمیر زیلینسکي ډیر موافق نه دی، ځکه چې د روغې جوړې په دې طرحه کې باید اوکراین د خپلې خاورې له ځینو سیمو تیر شي. بل لور ته رویټرز اژانس میامي ته د روسیې د یوه پلاوي د تګ خبر ورکوي چې د... Читать дальше...

د ملګرو ملتو پراختیایي پروګرام( یو این ډي پي) وایي، په ګڼ شمیر کډوال له ګاونډيو هیوادونو افغانستان ته ستنیدلي دي چې پر ټولو خدماتي برخو یې فشارونه زیات کړې دي. د ملګرو ملتو پراختیایي پروګرام د پنجشنبې په ورځ د ډسمبر په اتلسمه د کډوالو د نړیوالې ورځې په مناسبت په یوه بیان کې وویل چې یوازې په دوه زره پنځه ویشتم کال کې له ایران او پاکستانه افغانستان ته تر دوه میلیونه او درې لکو ډیر افغانان ستانه شوې دي. په دې بیان کې وړاندې راغلې دي، چې د دې کډوالو لویه برخه د روغتیایي خدماتو، انرژۍ او کار موندنې په... Читать дальше...

هند ژمنه وکړه چې له افغانستان سره به د سرطان ضد درملو، واکسینونو او یوشمیر روغتیایي وسایلو مرسته وکړي. د هند روغتیا وزیر جیګت پراکاش پر خپله اېکسپاڼه لیکلي چې د درملو یو لوی بار له یوسل او اته ویشت سټي سکن ماشینونو سره افغانستان ته د لیږلو په حال کې دی. ښاغلي پراکاش پرون په نوي ډیلي کې د طالبانو د عامې روغتیا له وزیر مولوي نورجلال جلالي سره چې د یوه پلاوي په مشرۍ د لیندۍ په پنځه ویشتمه د هند په بلنه دغه هیواد ته تللی دی، وکتل او له افغانستان سره یې د روغتیا په برخه کې د هند د اوږدمهاله مرستو پر ژمنتیا ټینګار وکړ.

په ناروې کې د افغانستان سفارت چې سږکال پسرلی یې واک د طالبانو استازي ته وسپارل شو، د ناورې، ډنمارک او ایسلنډ میشتو افغانانو لپاره د پاسپورټونو توزیع پیل کړه. د ناروې د بهرنیو چارو وزارت د وري په میاشت کې موافقه وکړه چې د طالبانو دیپلومات نجیب اله شاهین د سفارت د لومړي سکرتر په توګه وپیژني. د ۲۰۲۱ کال د اګست له میاشتې وروسته چې جمهوري نظام نسکوره شو، په اسلو کې د افغانستان په سفارت کې د پاسپورټونو د ویش لړۍ ودریده. په اروپا کې د ناروې په شمول، په جرمني، هالنډ، اسپانیا، بلغاریا او یوشمیر نورو دیپلوماتیکو... Читать дальше...

د طالبانو د ترانسپورټ او هوایي چلند وزارت د هوا پیژندنې ریاست په یوه بیان کې ویلي دي چې په هرات، فراه، نیمروز، هلمند، غور، بادغیس، فاریاب، سرپل او بامیان کې به ورښتونه وشي. په ځینو کې له لسو تر شل سانتي مترو پورې د واورې او په ځینو کې له لسو تر پنځه ویشت ملي مترو پورې د باران اټکل شوی دی. د وړاندوینو له مخې د شنبې او یکشنبې په ورځو تقریبا د افغانستان په ټولو ولایتونو کې د ورښتونو امکانات شته چې په مرکزي، شمالي او غربي سیمو کې تر ډیره د واورو او په جنوب لویدیځ او ختیځ ولایتونو کې د بارانونو د وریدو امکانات شته.

د امریکا ولسمشر تایید کړه چې غواړي څومره ژر ممکن وي، ستورمزلي سپوږمۍ ته واستوي او مریخ ته یې احتمالي ماموریتونه د اوس لپاره شاته کړي دي.

د جرمني د کورنیو چارو وزارت وايي، په پام کې لري چې تر دوو اونیو په لنډه موده کې له پاکستانه تر ۵۰۰ ډېر افغان کډوال دغه هېواد ته ولېږدوي.