په غزني کې د تېرې شپې په برید کې ۲ پولیس وژل شوي او ۱۳ټپیان دي
د غزني د والي ویاند محمد عارف نوري ازادي راډیو ته وویل:
"لومړني مالومات دا دې چې د شپې لس کم لس بجې د غزني ولایت د پولیسو د ریزرف پر قطعې پر لومړي قرول وسله والو د هاموی ټانګ په واسطه ځانمرګی برید وکړ چې په نتیجه کې یې ۲ تنه ساتونکي وژل شوي او ۱۳ نور پولیس ټپیان دي."
خو د غزني د ولایتي شورا رئیس نصیر احمد فقیري وايي چې په دې پېښه کې لږترلږه ۶ پولیس وژل شوي دي.
بل لور ته بیا د وسله والو طالبانو ویاند ذبیح الله مجاهد رسنیو ته په استولي پیغام کې ویلي دي چې په دغه برید کې یې ۴۰ تنه عسکر وژلي او ګڼ شمېر نور ټپیان دي.