حسن روحاني: جوبایډن دې پر ایران لګیدلي بندیزونه لېرې کړي
د ولسمشر ټرمپ اداره په ۲۰۱۸ میلادي کال کې د ایران له اټمي تړونه ووتله او پر تهران یې نوي بندیزونه ولګول.
حسن روحاني نن د کابینې په غونډه کې چې پر ټلوېزیون خپره شوه وویل: "که واشنګټن له نړیوالو قدرتونو سره د ایران د ۲۰۱۵ میلادي کال اټمي تړون ته بېرته راشي، موږ به هم د دې تړون ژمنو ته درناوی وکړو."
د ایران ولسمشر په نننۍ وینا کې د ډونالډ ټرمپ د ادارې د پای ته رسېدو هرکلی وکړ او هغه یې یو ظالم ولسمشر وباله.