کابل کې پولیسو تر ۴۰ کيلوګرامو ډېر نشه يي مواد ونيول
پولیسو د کابل په شکردرې ولسوالۍ کې تر څلوېښتو کيلوګرامو ډېر نشه يي مواد ونيول.
د کابل د امنيې قوماندانۍ ویاند فردوس فرامرز ازادي راډيو ته وويل، پولیسو په شکردرې ولسوالۍ کې د استوګنې پر يوه کور عمليات وکړل چې په نتيجه کې يې ۴۰ کيلوګرامه چرس او نژدې دوه کيلوګرامه تارياک ونيول شول.
د دې نشه يي موادو د ساتلو په تور یو تن له يوې تفنګچې سره هم نيول شوی دی.