هرات کې چاودنې د ګلران ولسوالۍ د ملي امنیت د مدیر په ګډون درې تنه ووژل
د هرات والي عبدالوحید قتالي تېره شپه ازادي راډیو ته وویل چې دا پېښه د یکشنبې په ماښام هغه مهال رامنځته شوه چې د دوی پر موټر د قشاوري په سیمه په سړک کې ایښودل شوی ماین وچاودېد.
ښاغلي قتالي زیاته کړه په وژل شویو کې د ګلران پخوانی ولسوال هم شامل دی. د هغه په وینا په دغه برید کې د امنیتي ځواکونو پنځه غړي ټپیان شوي دي. تر اوسه چا یا کومې ډلې د دې چاودنې مسؤلیت نهدی اخیستی.