د پکتیکا د وازېخوا ولسوالۍ امنیه قوماندان ووژل شو
د عبدالرحیم په نوم دغه قوماندان پرون مازدیګر ځایي پوستو ته اکمالات کول چې طالبانو برید پرې وکړ.
د پکتیکا د امنیه قوماندانۍ ویاند شاه محمد ارین ازادي راډیو ته وویل: "د پکتیکا ولایت د وازېخوا امنیه قوماندان عبدالرحیم چې د مرجانې پوستو تهيې اکمالات کول، هلته له رسېدو سره سم له لیرې نه د دښمن لهخوا ورباندې ډزې شوې دي چې په خپله دی په پوسته کې د دښمن په مرمۍ باندې لګېدلی دی چې اول ټپي وو بیا ورپسې شهید شوی دی، نور کوم تلفات زموږ خوا ته نهشته، د دښمن لوري ته د اوښتي تلفاتو په اړه موږ معلومات نهلرو."
د یاد برید مسؤلیت طالبانو په غاړه اخیستی دی.