ایران د غزني د لرغونو اثارو بیارغونې ته چمتووالی ښودلی
د ایران ایسنا خبري اژانس پرون د لړم په ۱۴مه نېټه راپور ورکړ چې د ایران سفیر بهادر امینیان د پنجشنبې په ورځ غزني ولایت ته تللی و او هلته یې له سیمه ییزو چارواکو سره د لیدنو پر مهال د دې همکارۍ ژمنه وکړه.
په راپور کې نه دي ویل شوي چې ښاغلي امینیان د کومې کچې مشرانو سره لیدلي دي؟
د راپور له مخې د ایران سفیر همدا راز د غزني له موزیم او ځینو لرغونو اثارو څخه لیدنه وکړه.
د طالبانو د حکومت چارواکو تر اوسه په دې اړه څه نه دي ویلي.