کولورادو ایالت کې ۶ تنه وژل شوي؛ امریکايي پولیس پېښه څیړي
د امریکا پولیسو په کولورادو ایالت کې د ډزو په اړه چې ۶ تنه په کې ووژل شول، څېړنې پیل کړي دي.
دا پېښه د دوشنبې په ورځ د دنویر ښار په مرکز کې په ډزو د دوو ښځو په وژنه پیل شوه.
له دې وروسته برید کوونکی یوې بلې سیمې ته ولاړ او هلته یې یو کس وواژه.
برید کوونکي په همدې ډول څو سیمو کې پر خلکو ډزې وکړې چې وروسته خپله هم د پولیسو په ډزو ووژل شو.
پولیسو ویلي برید کوونکی لینډون مک لیوډ نومیږي او ۴۷ کاله عمر یې درلود.