افغانستان کې د طالبانو له واکمنۍ پوره شپږ میاشتې ووتې
په افغانستان کې د طالبانو له واکمنۍ پوره شپږ میاشتې ووتې.طالبان د ۲۰۲۱ کال د اګست په ۱۵ کابل ته ننوتل او واک یې خپل کړ.
که څه هم د طالبانو له واکمنۍ شپږ میاشتې ووتې، خو هېڅ یوه هېواد د دوی حکومت په رسمیت نه دی پېژندلی.
د طالبانو په بیا واکمنېدو سره د افغانستان لویه برخه بهرنۍ مرستې وځنډول شوې او وار له مخه کمزوری اقتصاد یې لا پسې وځاپه.
د ملګرو ملتونو د راپورونو له مخې د افغانستان له نیمايي زیات نفوس له لوږې سره مخ دی او که مرستې ونه شي یو انساني ناورین به رامنځته شي.
د طالبانو حکومت وایي، هڅه کوي د نړۍ له بېلابېلو هېوادونو سره اړیکې جوړې کړي.
لویدیځو هېوادونو ویلي تر هغو چې طالبان د ښځو د کار او تعلیم، ټولګډونه حکومت، پخوانیو لاسته راوړنو ساتل او ګڼ نور شرایط پوره نه کړي دوی یې په رسمیت نه پېژني خو له افغانانو سره به بشري مرستو ته دوام ورکوي.