نایجریا افغانستان لپاره له وجهي صندوق سره مرسته کړې
د طالبانو د حکومت دولتي باختر اژانس پرون د کب میاشتې په ۱۳مه نېټه ناوخته راپور ورکړی چې د نایجریا دولت د محمدو بوهاري په مشرۍ د اسلامي همکاریو سازمان له لوري له افغانستان سره دا مرسته کړې ده.
د اسلامي همکاریو سازمان سرمنشي حسین ابراهیم طه په یو پیغام کې ویلي چې د دغه سازمان غړي هېوادونه هڅه کوي چې د افغانانو لاسنیوی وکړي.
دا په داسې حال کې ده چې پر افغانستان د طالبانو له واکمنېدو وروسته نړیوالو ادارو پرله پسې راپورونه ورکړي چې اوس مهال دغه هېواد له اقتصادي کړکېچ سره مخ دی.
د افغانستان اقتصاد وروسته له هغه له کړکېچ سره مخ شو چې امریکا د افغانستان شتمنۍ کنګل او نړیوالو له دغه هېواد سره خپلې مرستې وځنډولې.