د پاکستان په بلوچستان کې د بمي برید له امله ۵ پوځیان وژل شوي
د پاکستان پوځ په یوه بیان کې تایید کړې چې د یکشنبې په ورځ د بلوچستان په کهان سیمه کې د تصفیوي عملیاتو پر مهال د دوی پر پوځیانو د بم چاودنه شوې.
په بیان کې راغلي چې په وژل شویو کې یو افسر او پنځه سرتېري شامل دي.
په دې بمي برید سربېره لږ تر لږه دولس نور کسان هم په دوو جلا چاودنو کې ټپیان شوي هم دي.
ماښام مهال یوه بریدګر د لاسي بم په واسطه د کوېټې په سټلایټ ټاون کې د پولیسو په یوې پوستې برید کړی چې دری پولیس او پنځه ملکیان یې ټپیان کړي.
تر دې مخکې د کوېټې په سبزل واټ هم د پولیسو پر پوستي بمي برید کې د یوې ښځې او یوې ماشومې په ګډون څلور کسان ټپيان شوي.
د پاکستان د پوځ مطبوعاتي دفتر ای اس پي ار ویلي چې د ترهګرو پر ضد خپل تصفیوي عملیات روان ساتي.
چا لا د دغو بریدونو مسوولیت نه دی منلی، خو مخکې په بلوچستان کې پر پاکستاني پوځیانو د ګڼو دغسې بریدونو مسوولیت بلوڅ بېلتون غوښتونکو وسله والو په غاړه اخیستی.