Новости за 13.10.2018

Идораи сабти асноди ҳолати шаҳрвандӣ (ЗАГС) дар ҷануби Тоҷикистон 20 хонаводаеро ошкор кардааст, ки дар он ҳамсарон баъди талоқи расмӣ боз ҳам ба зиндагии муштарак идома медиҳанд.

Мақомот баъди як рӯз сабабҳои сӯхтор дар тарабхонаи туркии "Citir Usta" ("Четир уста") дар маркази Душанберо шарҳ доданд. Масъулони идораи оташнишонии пойтахт рӯзи 13-уми октябр ба Радиои Озодӣ гуфтанд, ки сӯхтор “аз асбоби кабобпазии тарабхона” сар задааст. Ба қавли як мақоми ин идора, пас аз меъёри муқарраршуда баланд шудани оташи кабобпазӣ, системаи ҳавокашӣ тоб наоварда оташ гирифтааст. Ин масъули идораи оташнишонӣ афзуд, дар асл системаи ҳавокашии биное, ки тарабхона ҷойгир шудааст, барои кашидани дуд пешбинӣ нашуда буд. Читать дальше...

Овозхон дар Твиттер паёме навишта, гуфтааст, ки UFC нисбати Ҳабиб ноҳаққӣ мекунад. Вай афзудааст, ки ҷонибдори варзишкори доғистонӣ аст

Чаҳор сокини ҷавони ноҳияи Қубодиёни вилояти Хатлон баъди гузаштан аз ташхиси тиббӣ ва ваъдаи рафтан ба артиш “ғайб задаанд”. Мақомот гуфтанд, ки онҳо таҳти ҷустуҷӯ ҳастанд ва дар сурати боздошт бо ҷурми саркашӣ аз хидмат дар артиш ба ҷавобгарӣ кашида хоҳанд шуд.

Мақомоти вилояти Тахор гуфтанд, ки бар асари таркиш дар ҷараёни як маъракаи пешазинтихоботӣ дар ноҳияи Рустоқ 12 нафар, бо шумули афроди осоишта ва нирӯҳои амниятӣ, кушта шудаанд. Аҳмад Ҷавод Ҳиҷрӣ, сухангӯи волии Тахор, рӯзи 13-уми октябр ба бахши дарии Радиои Озодӣ гуфт, таркиш нимирӯзи шанбе пеш аз суханронии Назифа Юсуфӣ Бег, номзад ба мақоми вакили порлумон, рух додааст. Ӯ афзуд, дар ин инфиҷор ба хонум Назифа осеб нарасидааст. Аммо Халил Асир, сухангӯи пулиси вилояти Тахор, гуфт, бар асари таркиш 32 тани дигар ҷароҳат бардошта... Читать дальше...

Шоҳгул Ризоӣ, намояндаи мардум аз Ғазнӣ дар порлумони Афғонистон, сафири нави ин кишвар дар Тоҷикистон таъйин шудааст. Хонум Ризоӣ рӯзи 13-уми октябр дар суҳбати кӯтоҳи телефонӣ бо Радиои Озодӣ гуфт, "ин хабар рӯзи гузашта нашр шуд" ва ваъда дод ба зудӣ дар ин бора тафсилот медиҳад. Шоҳгул Ризоӣ узви ҷунбиши "Рӯшноӣ" буда, дар Кобул зода шудааст. Фориғуттаҳсили риштаи ҳуқуқ ва илмҳои сиёсии Донишгоҳи Кобул мебошад. Таъйини сафири нави Афғонистон дар ҳолест, ки ин мақом ба камияш ним сол боз холӣ буд. Читать дальше...

Мумкин аст, Бритониё дар робита ба “нопадидшавии” хабарнигор Ҷамол Ҳошуқҷӣ алайҳи мансабдорони Арабистони Саудӣ таҳрим ҷорӣ кунад. Дар ин бора нашрияи Independent бо такя ба манобеи худ хабар дод. Ба қавли манбаъ, Вазорати корҳои хориҷии Бритониё машғули таҳияи феҳрист аст. Журналист ва мунтақиди сиёсатҳои Риёз, ки бо нашрияи “Вашинтон Пост” низ ҳамкорӣ дошт, рӯзи 2-юми октябри имсол “гум шуд”. Вай ҳамон рӯз ба бинои консулгарии Арабистони Саудӣ дар Истанбул ворид гардид ва дигар берун наомад. Читать дальше...

Чин ба сохтмони бинои нави порлумон ва ҳукумати Тоҷикистон дар маркази шаҳри Душанбе шуруъ кард. Мақомоти расмии Тоҷикистон гуфтанд, ки барои анҷоми корҳои сохтмонӣ дар ду бинои муҳими кишвар Пекин 1,5 миллиард юан ҷудо кардааст.

Мерилин Йосефсон, раҳбари нави намояндагии Иттиҳодияи Аврупо дар Тоҷикистон, се ҳафта пеш ба Душанбе омад. Ӯ дар ин мақом Ҳидоят Бишчевичро иваз кард.

Мерилин Йосефсон, раҳбари нави намояндагии Иттиҳодияи Аврупо дар Тоҷикистон, се ҳафта пеш ба Душанбе омад. Ӯ дар ин мақом Ҳидоят Бишчевичро иваз кард.

Сафорати Амрико дар Тоҷикистон тасмим гирифтааст, ки дар доираи як барнома ҳазорҳо китоби бадеиро ба хонандагони мактабҳои кишвар тақдим кунад.

Мақомоти корҳои дохилии Тоҷикистон як сокини ноҳияи Деваштичи вилояти Суғдро бо гумони ба худкушӣ расондани ҳамсараш боздошт кардаанд. Мақомот рӯзи 13-уми октябр гуфтанд, ки ин марди 30-сола пайваста нисбат ба ҳамсараш “ҳаракатҳои бераҳмона намуда ва шарафи ӯро паст мезадааст”. Онҳо бовар доранд, ки чунин бархӯрди номуносиби гумонбар сабаб шудааст, то ҳамсараш худкушӣ кунад. Аз гумонбар ва оилааш ном бурда намешавад. Дар робита ба ин ҳодиса парвандаи ҷиноӣ бо моддаи 109, қисми 2-и Кодекси ҷиноии Тоҷикистон оғоз шуда... Читать дальше...

Дар Узбекистон минтақаҳои махсуси "Tourist friendly" ё хушоянд ба сайёҳон таъсис мешавад, ки дар онҳо фаъолияти муаассисаҳои дилхушӣ ва ғизохӯрӣ шабона маҳдуд намегардад. Ба раиси Шӯрои вазирони Қароқалпоқистон ва роҳбарони вилоятҳо иҷозат дода мешавад, дар шаҳри Нуқус, маркази вилоятҳо ва дигар маконҳои барои сайёҳон ҷолиб минтақаҳои махсусро мушаххас кунанд. Дар чунин минтақаҳо фаъолияти муассисаҳои дилхушию фароғатӣ ва нуқтаҳои ғизохӯрӣ ба таври шабонарӯзӣ иҷозат дода мешавад. Дар ҳамин ҳол... Читать дальше...

Искандари Хатлонӣ, шоир ва хабарнигори шинохтаи тоҷик, агар зинда мебуд, рӯзи 12-уми октябр 64-сола мешуд. Ӯ ҳаждаҳ сол қабл, дар ҳоле ки барои Радиои Озодӣ кор мекард, дар манзили иҷорааш дар Маскав ба қатл расид.

Искандари Хатлонӣ, шоир ва хабарнигори шинохтаи тоҷик, агар зинда мебуд, рӯзи 12-уми октябр 64-сола мешуд. Ӯ ҳаждаҳ сол қабл, моҳи сентябри соли 2000-ум, дар манзилаш дар Маскав ба қатл расонда шуд. То кунун омилони қатли шоири тозагӯ ва хабарнигоре хушқалам, ки барои бахши тоҷикии Радиои Озодӣ ва пеш аз он барои бахши форсии Би-би-сӣ гузориш медод, пайдо ва муҷозот нашудааст.

​Дастаи мунтахаби футболи Тоҷикистон дар бозии ниҳоии ​мусобиқаи байналмилалӣ барои Ҷоми тиллоии Бангабанду аз тими миллии Фаластин шикаст хӯрд ва бо ҷоми хотиравӣ, медалҳои нуқра ва ҷоизаи молӣ ба маблағи 25 ҳазор доллар мукофотонида шуд.