Новости за 29.10.2018

Марат Орифов, ҳунарманди маъруфи тоҷик ва офарандаи нақши Рӯдакиву Сино, дар 83-солагӣ дар Душанбе даргузашт. Дар ин бора духтари ҳунарманд Марианна Орифова рӯзи 29-уми октябр хабар дод. Марат Орифов чанд сол боз мариз ва дар бистари беморӣ буд. Ӯ дафъаи охир дар филми "Муаллим"-и коргардон Носир Саидов нақш иҷро кардааст. Орзу дошт, ки рӯзе дар нақши Хайём дар пардаи синамо ҳам падид ояд. Орифов 27 уми августи соли 1935 дар Душанбе зода шудааст. ВИДЕОҲО АЗ БОЙГОНИИ РАДИОИ ОЗОДӢ:

Як манбаъ дар ҳукумати Тоҷикистон ҳузури раҳбарони ғайрирасмии вилояти мухтори куҳистони Бадахшонро дар шаҳри Душанбе тасдиқ кард.

Додгоҳи иқтисодии шаҳри Душанбе бо дархости Кумитаи андоз беш аз 20 ширкату ҷамъияти марбут ба шаҳрвандони Эронро барҳам дод.

Шӯрои Маҷлиси намояндагон 29-уми октябр тарҳи ислоҳи қонуни Тоҷикистон дар бораи шаҳрсозиро ба баррасии вакилони мардумӣ пешниҳод кард, ки дар он шароити ширкати бахши хусусӣ дар таҳияи  тарҳи шаҳру навоҳӣ фароҳам мешавад. То ҳол танҳо муассисаҳои давлатӣ аз ҳаққи лоиҳакашии шаҳру навоҳӣ бархурдор буданд.   Вакилони Маҷлиси намояндагони Тоҷикистон муътақиданд, ки ширкати бахши хусусӣ дар таҳияи тарҳи шаҳру навоҳии кишвар шароитро барои ҳимояи арзишҳои миллӣ ва манфиатҳои соҳибкорони дохилиро таъмин месозад. Читать дальше...

Шӯрои Маҷлиси намояндагон 29-уми октябр тарҳи ислоҳи қонуни Тоҷикистон дар бораи шаҳрсозиро ба баррасии вакилони мардумӣ пешниҳод кард, ки дар он шароити иштироки бахши хусусӣ дар таҳияи  тарҳи шаҳру навоҳӣ фароҳам мешавад. То ҳол танҳо муассисаҳои давлатӣ аз ҳаққи лоиҳакашии шаҳру навоҳӣ бархӯрдор буданд.   Вакилони Маҷлиси намояндагони Тоҷикистон муътақиданд, ки ширкати бахши хусусӣ дар таҳияи тарҳи шаҳру навоҳии кишвар шароитро барои ҳимояи арзишҳои миллӣ ва манфиатҳои соҳибкорони дохилиро таъмин месозад. Читать дальше...

Дастгоҳи президенти Тоҷикистон бо як нома аз Додгоҳи олӣ хостааст, шикояти модархонди Умедаро бозбинӣ кунад. Ин дархост дар посух ба шикояти Шабистон Кабудова аст, ки бо қарори додгоҳ баъд аз нӯҳ сол ӯро аз фарзанди тарбиякардааш ҷудо мекунанд.

Як ҳавопаймои мусофирбари ширкати Lion Air дар обҳои атрофи ҷазираи Ҷава ва Суматра дар Индонезия, суқут кардааст. Ба гуфтаи мақомҳои Созмони ҳавонавардии мулкии Индонезия, ин ҳавопаймо ҳомили ҳадди ақал 188 сарнишин буд ва аз Ҷакарта ба сӯи шаҳрчаи Пангкал Пинанг парвоз мекард.

Дастаи мунтахаби ҷавонони Тоҷикистон дар бозии чорякниҳоӣ аз тими Кореяи Ҷанубӣ бо ҳисоби 1 – 0 шикаст хӯрд

Ҳавои ғуборолуда ва хокбориш, ки тақрибан тамоми Тоҷикистонро фаро гирифтааст, ҳоли гирифторони бемориҳои роҳҳои нафасро бад кардааст.

Хокбориш Душанеро тираву ифлос кард Генерали ки зиндонӣ шуд, фирор кардааст Зиндагии зани аробкаши Душанбе вазнинтар шуд Ҳавопаймои Индонезия бо 180 нафар суқут кард Хушксолӣ ҳазорон нафарро бехонаву дар гузошт

Ҳавошиносони тоҷик гуфтанд, боди хушку олуда ба гарду ғубор, ки аз шимоли Афғонистон ва Узбекистону Туркманистон ба Тоҷикистон ворид шуд, сабаби хокбориш шуд ва чунин вазъ то шоми 29-уми октябр идома мекунад. Баъд, мумкин аст, борон борида, хоку гарди чеҳраи Душанбе ва минтақаҳои дигари Тоҷикистонро бишӯяд.​

Ангела Меркел, садри аъзами Олмон дар муроҷиат ба Иттиҳоди христиану демократи таҳти раҳбариаш гуфт, ки дигар намехоҳад барои раисии ин ҳизби сиёсӣ мубориза барад, вале гуфт, дар мақоми нахуствазирӣ корашро идома хоҳад дод. Ӯ инчунин гуфт, ки баъди анҷоми мӯҳлати раҳбариаш дигар аз кор дар ҳукумат канор меравад ва дигар ҷӯёи мақоме нахоҳад шуд. Рӯзи 29 октябр хабаргузориҳо гуфтанд, чунин тасмимро Меркел баъди он гирифт, ки ҳизбаш дар ду интихоботи ахир бо натиҷаҳои пасттар ба марра расид. Ба иттилои манобеи мухталиф... Читать дальше...

Дар натиҷаи аз кӯҳ сарозер шудани автобусе дар ноҳияи Кӯҳистони Покистон, 17 мусофир ҷони худро аз даст дод. Афсари полис Абдул Ғафур рӯзии 28 октябр гуфт, ки ин автобус аз Гилгити Балуҷистон ба Равалпиндӣ ҳаракат мекард. Ба гуфтаи ӯ, ҷасади ҳамаи қурбониҳо берун кашида шудааст. Фарзияи аввалияи полис ин аст, ки шояд автобус дар минтақаи хатарноки кӯҳӣ бо суръати тез ҳаракат мекард ва бо ҳамин сабаб аз кӯҳ ба поён сарозер шуд. Роҳҳои Покистонро барои пурхатар ва ноамн буданашон зиёд интиқод мекунанд.

Бомбгузори маргталабе, ки рӯзи 29 октябр Комиссиюни мустақили интихоботӣ дар Кобулро ҳадаф қарор дод, дасти кам шаш нафарро маҷрӯҳ бар ҷой гузошт. Полис гуфт, ки ҳамлагар ба назди бинои комиссиюн пои пиёда омада дар назди як мошин худро тарконд. Басир Муҷоҳир, сухангӯи полиси  Кобул ба бахши афғонии Радиои Озодӣ гуфт, ки таркиш дар фосилаи 20 метр дуртар аз мошини кории аъзои комиссиюни интихоботӣ рух дод. Ба иттилои полис, дар ин ҳодиса чор корманди комиссиюн маҷрӯҳ шуданд. Маълум нест, ки ҳангоми таркиш дар ҷои ҳодиса чанд нафар қарор дошт.

Дар шаҳри Маскав рӯзи 29 октябр маросими бузургдошти хотири ҳазорҳо қурбонии даврони “Террори азим”-и таҳти раҳбарии Иосиф Сталин баргузор шуд. Рӯзи душанбе ҳазорҳо нафар дар назди муҷассамаи “Соловетский камен” ҳозир шуданд, то ки дар маъракаи бо номи “Номҳои баргашта” иштирок кунанд. Ширкатдорони маросим – хешу табор, фаъолони ҳуқуқ ва дигарҳо -  исм, синну сол, ҷои кор ва таърихи тахминан 40 ҳазор сокини дар даврони сталинӣ кушташудаи Маскавро ба забон оварданд. Бар тибқи бархе ҳисобҳо, дар солҳои... Читать дальше...

Дастаи мунтахаби ҷавонони Тоҷикистон (U-19), ки дар бозии чорякниҳоии мусобиқаи қаҳрамонии футболи Осиё-2018 миёни ҷавонони зери 19-сола аз тими Кореяи Ҷанубӣ бо ҳисоби 0:1 шикаст хӯрд, аз ҳаққи ширкат дар даври ниманиҳоӣ маҳрум шуд.

Ҷамолиддин Убайдуллоев, сафири Тоҷикистон дар Фаронса, ҳамзамон намояндаи расмии кишвар дар Италия таъйин шуд. Дар ин бора рӯзи 29-уми октябр фармони раиси ҷумҳури Тоҷикистон содир гардид. Ҷамолиддин Убайдуллоев – писари Маҳмадсаид Убайдуллоев – раиси Маҷлиси Миллии Тоҷикистон моҳи январи имсол сафири кишвар дар Фаронса таъйин шуд ва моҳи август эътиборнома супурд. Ӯ то он дам ба ҳайси сардори раёсати кишварҳои Аврупо ва Амрикои Вазорати умури хориҷии Тоҷикистон кор мекард. Дар гузашта сардори... Читать дальше...

Генерал Файзулло Гадоев, сардори пешини раёсати мубориза зидди маводи мухаддири Вазорати корҳои дохилии Тоҷикистон ҳанӯз таҳти ҷустуҷӯи байналмилалист. Мақомот аз кишварҳои хориҷӣ дархост кардаанд, ки дар сурати дастгир кардани Гадоев ӯро ба Душанбе таслим кунанд.

Генерал Файзулло Гадоев, сардори пешини раёсати мубориза зидди маводи мухаддири Вазорати корҳои дохилии Тоҷикистон ҳанӯз таҳти ҷустуҷӯи байналмилалист. Мақомот аз кишварҳои хориҷӣ дархост кардаанд, ки дар сурати дастгир кардани Гадоев ӯро ба Душанбе таслим кунанд.

Дар Гурҷистон зарурати баргузории даври дуюми интихоботи президентӣ пеш омадааст. Рӯзи 29 октябр Комиссиюни марказии интихоботҳо гуфт, ки  дар даври аввали интихобот собиқ вазири хориҷаи Гурҷистон ва зодаи Фаронса Саломе Зурабишвилӣ бо 38,6 дар сади овозҳо тавонист як каме аз рақибаш Григол Вашадзе пеш гузарад, ки 37,7 дар сади овозҳоро ба худ ихтисос дод. Ин натиҷаҳо дар паи ҳисоби беш аз 99 дарсади овозҳо дар интихоботи рӯзи 28 октябр ба даст омадааст. Барои пирӯзӣ дар интихобот зарур аст, ки номзад барандаи 50 дар сади раъйҳо шавад. Читать дальше...

Кумитаи давлатии сармоягузорӣ ва идораи амволи давлатии Тоҷикистон як қисми бино ва иншооти “Осоишгоҳи Оби Гарм”-ро дар ноҳияи Роғун ба фурӯш гузоштааст. Музоядаи фурӯши ин иншоот, қарор аст, рӯзи 2-юми ноябри имсол баргузор шавад ва нархи ибтидоии он ним миллион сомонӣ муайян шудааст. Осоишгоҳи “Оби гарм” дар канори рӯди Элок ва дар баландаии 1300 метр бар асоси чашмаҳои гарм, ки аз минералҳои гуногун ғанӣ буда ва хосияти шифобашӣ дорад, бунёд шудааст. Гармии оби ин осоишгоҳ 40-48 дараҷа буда... Читать дальше...

Гирдиҳамоии бахшида ба ҳифзи зиндониёни сиёсӣ дар Маскаву Санкт- Петербург бо боздошти наздики 60 нафар анҷом шуд. Бархе аз боздоштшудаҳоро то субҳ дар идораи пулис нигаҳ дошта, аммо аксариятро баъди тартиб додани санад раҳо карданд. Гирдиҳамоӣ бо шиори "Ба хотири кӯдакони мову шумо" баргузор шуд. Ин иқдомро волидони зиндониёни "парвандаи маъруф ба Азамати нав" ва "парвандаи Шабака" ташкил карданд. Ба иттилои мақомоти Русия, дар ин иқдом тақрибан 500 нафар дар назди бинои ФСБ ё Хадамоти федеролии амният дар Маскав ҷамъ шуданд. Читать дальше...

Бонки Ҷаҳонӣ иддао дорад, ки сатҳи камбизоатӣ дар Тоҷикистон дар пайи беҳбуди вазъи иқтисодии сокинон то 20 дарсад коҳиш ёфтааст.

Бонки Ҷаҳонӣ иддао дорад, ки сатҳи камбизоатӣ дар Тоҷикистон дар пайи беҳбуди вазъи иқтисодии сокинон то 20 дарсад коҳиш ёфтааст. Аммо мақомот омори 27-дарсадии камбизоатонро пеш меоранд.

Филми бадеии "Амре"-и истеҳсоли Қазоқистон ғолиби озмуни ҷашнвораи филми Hollywood Film Festival шуд. Ин ҷашнвора ҳамасола аз 23 то 28 октябр дар Лос-Анҷелиси Амрико баргузор мешавад. Дар ин бора нақшофари асосии филм Санжар Мадӣ хабар дод. "Дӯстон! Филми мо "Амре"("Paris Song") ҷои аввалро соҳиб шуд", - навишт вай дар саҳифаи Фейсбук. Филми мазкур дар бораи мусиқинавоз Амре Кашаебоев аз сӯи ширкати "Қазоқфилм" дар якҷоягӣ бо ширкати Darplay сохта шудааст. Филмро вазорати фарҳанг ва варзиши Қазоқистон сармоягузорӣ кард. Читать дальше...