Новости за 11.08.2021

Маскав ҳашт шаҳрванди Тоҷикистонро, ки ба ҷиноятҳои гуногун гумонбаранд, ба Душанбе таслим кардааст. Додситонии кулли Русия рӯзи 11-уми август хабар дод, ки истирдоди гумонбарон зери чораҳои сахти амниятӣ сурат гирифт.

Ҷангҷӯёни Толибон фурудгоҳи стратегии шаҳри Кундузро дар шимоли Афғонистон ишғол карданд. Тибқи гузоришҳо, дар ҳоле ки садҳо узви артиш ба шӯришиён таслим шуданд, бархе тавонистаанд ба ноҳияи Алиободи Кундуз ақибнишинӣ кунанд. Президент Ашраф Ғанӣ раҳбари Ситоди артишро иваз намуд.

Аз 1-уми майи имсол, бо шурӯи берун рафтани нирӯҳои байналмилалӣ аз Афғонистон, ҷангҷӯёни Толибон даҳҳо ноҳияву шаҳрро дар ин кишвар зери назорати худ даровардаанд.

Дар ҳоле ки Толибон назорат бар аксар қаламравҳои шимолии Афғонистон, ҳаммарз бо кишварҳои Осиёи Марказиро ба даст овардаанд, Русия 10-уми август машқҳои муштараки низомиро бо Тоҷикистону Узбекистон ба анҷом расонд. Нирӯҳои се кишвар дар размоишгоҳи “Ҳарбмайдон”, 20-километрии сарҳади Афғонистон, роҳҳои муқобила бо душмани шартиро машқ карданд.

Сӯхтор дар канори шоҳроҳи Кӯлоб Ховалинг.

Имрӯз президенти Афғонистон ба шаҳри шимолии Мазори Шариф маркази вилояти Балх сафар карда бо ҷангсолорон Ато Муҳаммади Нур ва Абдурашид Дустум дидору мулоқот дошт.

Пас аз он ки Ироқ парвози ҳавопаймоҳояшро ба Минск, маркази Беларус, муваққатан боздошт, Иттиҳоди Аврупо 10-уми август ба муътадил шудани вазъи вобаста ба муҳоҷирони ғайриқонунӣ дар Литва изҳори умед кард.

Ду омӯзгори мактаби рақами 60-ро дар Истаравшан дар робита ба марги чаҳор шогирдашон дастгир кардаанд. Додситонии Хуҷанд онҳоро дар ҳодисаи ғарқ шудани наврасон ҳангоми шиноварӣ дар дарёи Сир, ки дар оғози моҳи июли имсол иттифоқ уфтода буд, ҷавобгар медонад.

Маъмурияти мактабҳои ҳамагонӣ дар Тоҷикистон бо наздик шудани соли нави таҳсил аз волидон тақозо кардаанд, ки барои фарзандони хеш танҳо аз ширкатҳои ватанӣ сару либос харидорӣ кунанд.

Ду омӯзгори мактаби рақами 60-ро дар шаҳри Истаравшан дар робита ба марги чаҳор шогирдашон боздошт кардаанд. Додситонии Хуҷанд онҳоро дар ҳодисаи ғарқ шудани наврасон ҳангоми шиноварӣ дар дарёи Сир ҷавобгар медонад. Назари наздикон ва вакилони мудофеи омӯзгорон дар ҳоли ҳозир дастрас нест, вале мудири маорифи Суғд чанде пеш гуфт, ки наврасон ҳангоми саёҳат аз гуруҳ ҷудо шуда, худ ба оббозӣ рафтаанд.

Мақомоти Олмон гуфтанд, як шаҳрванди Бритониёро дастгир карданд, ки ҳангоми кораш дар сафорати Бритониё дар Берлин ба ҷосусӣ ба нафъи Русия гумонбар мешавад.

Бо паҳншавии босуръати навъи делтаи коронавирус баъзе аз қаламравҳои қораи Осиё марҳилаи бадтарини пандемияро аз сар мегузаронанд.

Ҷангҷӯёни Толибон рӯзи 11-уми август фурудгоҳи маркази вилояти Кундузро дар шимоли Афғонистон ишғол карданд. Дар ҳамин ҳол, тибқи гузоришҳо, садҳо нирӯи амниятии Афғонистон ба шӯришиён таслим шудаанд.

Навъи "делта"-и коронавирус шаклгирии масунияти дастҷамъиро зидди COVID-19 номумкин мегардонад. Дар ин бора роҳбари гуруҳи созандагони ваксинаи AstraZeneca профессор Эндрю Поллард дар порлумони Бритониё хабар дод.

Шералӣ Мирзо, вазири дифои Тоҷикистон, ҳангоми натиҷагирӣ аз тамрин дар наздикии марз бо Афғонистон гуфт, ки афзоиши ноамниҳо ва зери назорати Толибон даромадани бахшҳое аз кишвари ҳамсоя нигаронии онҳоро бештар кардааст.

Гирифторони вабои коронавирус дар Узбекистон мегӯянд, табобат аз вабо дар беморхонаҳои хусусӣ барои як рӯз наздики 40 доллар арзиш дорад.

Русия рӯзи 10-уми август дар чаҳорчӯби барномаи "Корвони саломатӣ" ба Тоҷикистон нақлиёти сайёри тиббӣ додааст. Мақомоти Тоҷикистон мегӯянд, созишномаро дар ин бора ҳанӯз соли 2019 имзо карда буданд.

Абдулло Раҳмонзода, раиси Кумитаи кор бо ҷавонон ва варзиши назди ҳукумати Тоҷикистон, дар паёмаш ба муносибати Рӯзи варзишгарон, ки ҳамасола 10-уми август таҷлил мешавад, гуфтааст, "бо ифтихор метавон зикр намуд, ки агар дар 70 соли собиқ Иттиҳоди Шӯравӣ варзишгарони тоҷик ҳамагӣ 133 медал ба даст оварда бошанд, дар 30 соли соҳибистиқлолӣ ин шумора ба зиёда аз 5000 адад расида, ба андозаи 40 маротиба зиёд гардидааст". Ин паём дар сомонаи расмии Кумита (http:javononvavarzish.tj) 10-уми август нашр шудааст. Читать дальше...

Тибқи охирин хабарҳо, шаҳри Файзобод - маркази вилояти Бадахшони Афғонистон ба тасарруфи гурӯҳи Толибон даромадааст.

Дар изҳороти ҳизби мухолифи "Эрк"-и Узбекистон, ки рӯзи 9 август нашр шуд, омадааст, ки интихоботи пешорӯи президентӣ - "намоишкории навбатии гуруҳҳои сиёсӣ бо роҳбарии Шавкат Мирзиёев" аст. Муҳаммад Солеҳ, роҳбари ҳизби "Эрк" дар суҳбат бо расонаҳо гуфт, ки "ин бор ҳам "ҳизбҳои кисагӣ" номзадҳои худро ба мақоми президентӣ пешбарӣ карданд, тавре, ки дар замони Каримов ин корро мекарданд". Солеҳ шубҳа надорад, ки "ин бор ҳам номзадҳои кисагӣ овози худро ба президенти амалкунанда Мирзиёев хоҳанд дод, тавре, ки дар замони Каримов мекарданд". Читать дальше...

Омурбек Бабанов, сарвазири пешини Қирғизистон ин кишварро тарк кард. Дар ин бора Мирлан Жеенчороев, вакили порлумони Қирғизистон хабар дод. Жеенчороев нагуфт, ки Бабанов ба куҷо рафтааст. Расонаҳои маҳаллии Қирғизистон навиштанд, ки вай бо ҳавопаймои Бишкек-Москва рӯзи 5-уми август тарки кишвараш кардааст. Бабановро дар доираи парвандаи маъруф ба кони тилои "Қумтор" рӯзи 31-уми май боздошт карда буданд. Рӯзи 27-уми июл додгоҳ ҳабси пешакии Бабановро иваз ва ӯро барои табобат дар хориҷ озод кард. Читать дальше...

Дар шаҳри Қарағандаи Қазоқистон рӯзи 10 август ҳукми Ержан Габдуллин, судяи додгоҳи иқтисодии вилояти Қарағандаро эълом карданд. Додгоҳ ӯро бо айби порагирӣ 9 сол зиндонӣ кард. Ҳамроҳ бо судя ҳуқуқшиноси ширкати "Оливия" Елена Кантер-Скрипкина ҳам зиндонӣ шуд. Додгоҳ гуфт, судя аз Кантер-Скрипкина "10 ҳазор евро ва се миллион танга пора гирифтааст". Кантер-Скрипкина бо айби "порадиҳӣ" 3 сол зиндонӣ шудааст. Тафтишот гуфт, ҳуқуқшинос Кантер-Скрипкина аз судя Габдуллин хостааст, ки қарори додгоҳро ба фоидаи ширкати "Оливия" ҳал кунад. Читать дальше...

Муфаттишони Додситонии кулли Тоҷикистон таҳқиқ мекунанд, ки Алиризо Худоёров, донишҷӯйи 21-соларо дар минтақаи Рашт кӣ ва чаро кушт.