Новости за 11.10.2021

Бахтиёр Тоҳирови 43-сола, ки дар як макони нимавайрона дар Хуҷанд зиндагӣ мекард, мисли чанд рӯз пеш дигар маъюсу гирён нест. Ҳоло дар як ҳуҷраи гарм зиндагӣ дорад.

Даҳҳо халабони фирории афғонро аз аввали моҳи сентябр дар осоишгоҳе дар канори Душанбе нигаҳ медоранд. Ин осоишгоҳ, ки макони истироҳати мансабдорони яке аз ниҳодҳои қудратии Тоҷикистон аст, дар миёни кӯҳҳои бузург ва соҳили рӯд ҷойгир буда, атрофашро бо деворҳои бетонии нимабоз маҳкам кардаанд.

Додгоҳи ноҳияи Алмалини шаҳри Алматои Қазоқистон рӯзи 11-уми октябр ҳукми 13 фаъоли ҷамъиятиро содир кард, ки ба "ширкат" дар фаъолияти созмони мамнуъ ва "ташкил"-и фаъолияти ба он монанд гунаҳкор дониста шудаанд.

Мақомоти Узбекистон харҷи "Ёдгории истиқлол"-ро, ки дар боғи "Узбекистони Нав" дар ноҳияи Кибраии вилояти Тошканд қомат афрохтааст, ошкор намекунанд.

Президенти Туркманистон Қурбонгулӣ Бердимуҳаммадов ахиран бо сафари расмӣ аз Узбекистон боздид ва бо ҳамтои узбекаш Шавкат Мирзиёев дидору гуфтугӯ кард. Ин бори чандум аст, ки раҳбарони ду кишвар вақтҳои ахир бо ҳам мулоқот карда, аз ҷумла, вазъ дар кишвари ҳамсоя -- Афғонистонро баррасӣ мекунанд.

Сокинони деҳаи Дийкан-Киштаки ноҳияи Қарасуи вилояти Уши Қирғизистон, ки аз вайрон кардани манзилҳояшон норозӣ ҳастанд, ба Бишкек расиданд. Онҳо аз вилояти Уш то шаҳри Бишкек пиёда роҳ паймуданд.

Сафири Афғонистон дар Тоҷикистон иддао кард, ки дар вилояти Панҷшер гӯрҳои дастҷамъии тақрибан 400 нафар ёфт шудааст. Гуруҳи "Толибон", ки назорат бар Афғонистонро ба даст дорад, ҳафтаи гузашта дар бораи кашфи як гӯри дастҷамъӣ дар ин минтақа хабар дода буд.

Дар Қирғизистон тасмим доранд, ки ҳайати девони вазиронро тағйир диҳанд. Дар ин бора расонаҳо бо такя ба манобеи худ иттилоъ медиҳанд.

Ҷабрдидагон аз озору азияти ҷинсӣ дар Фаронса талаб доранд, ки дар Калисои Католикӣ ислоҳоти таърихие сурат бигирад, то дигарбора ба суистифодаи ҷинсии наврасон роҳ дода нашавад.

Ҷабрдидагон аз озору азияти ҷинсӣ дар Фаронса талаб доранд, ки дар Калисои Католикӣ ислоҳоти таърихие сурат бигирад, то дигарбора ба суистифодаи ҷинсии наврасон роҳ дода нашавад.

Баъди нашри гузориши Радиои Озодӣ дар ҳафтаи гузашта дар бораи Бахтиёр Тоҳирови бесарпаноҳ ,даҳҳо нафар ба унвонии радио паём навиштаву хостори кӯмак ба ӯ шуданд.

Умар Кремлёв, президенти Ассотсиатсияи байналмилалии бокси ҳаваскорӣ (AIBA) зимни сафари кории худ ба Тоҷикистон бо масъулини соҳа мулоқот кард. Вале ягонаи довари тоҷик дар Олимпиада мегӯяд, ӯ ва чанд мутаххасисони шинохтаи соҳаи боксро ба мулоқоти президенти AIBA даъват накарданд.

Сафири Афғонистон дар Душанбе исрор меварзад , ки ахиран дар вилояти Панҷшер қабрҳои дастиҷамъии садҳо нафар ошкор шудааст. Ҷузъиёт дар гузориши Барот Юсуфӣ.

Умар Кремлёв, президенти Ассотсиатсияи байналмилалии бокси ҳаваскорӣ (AIBA) зимни сафари кории худ ба Тоҷикистон бо масъулини соҳа мулоқот кард.

Ду рӯз баъди бо сабаби шурӯи таҳқиқи парвандаи фасод аз мақомаш истеъфо додани садри аъзами Австрия Себастиан Куртс, интизор меравад, ки рӯзи 11-уми октябр вазири хориҷа Александр Шелленберг раҳбари нави ин ҳукумат шавад. Шелленберг 52 сол дорад ва ӯ низ узви Ҳизби мардумии муҳофизакори Австрия аст. Шелленберг аз соли 2019 дар мақоми вазири хориҷаи Австрия кор мекунад.  Маросими савгандёдкунии нахуствазири нави Австрия зери назари президент Александр Ван дер Беллен мегузарад. Вазири нави корҳои хориҷӣ Майкл Линҳарт мешавад. Читать дальше...

Пули қандилҳои кӯчагии Кӯлобро кӣ пардохт мекунад? Гузориши Маҳмудҷон Раҳматзода.

Дар додгоҳи ҳакамии Гаага рӯзи 11 октябр бахши аввали баҳсҳои миёни Украина ва Русия аз рӯи “ҳодисае дар баҳр” шурӯъ мешавад, ки ба ҳабси киштиҳои украинии «Никополь», «Бердянск», «Яны-Капу» ва 24 маллоҳ рабт мегирад.  Баҳсро нахуст ҷониби Русия шурӯъ карда баъдан навбат ба Украина мерасад. Интизор меравад, ки мубоҳисаҳо чор рӯз идома хоҳанд кард. Баҳси додгоҳӣ бо ташаббуси Украина шурӯъ мешаванд. Украина мегӯяд, ки се киштии онҳо ноябри соли 2018 аз Одесса ба Мариупол ҳаракат мекард ва дар ин бора қаблан ҷониби Русияро огоҳ карда буданд. Читать дальше...

Дар сурати дарозмуддат шудани табобати президент, порлумон метавонад, ӯро аз мансаб барканор кунад. Дар чунин ҳолат, ваколатҳои президентро порлумон ва сарвазир иҷро мекунанд.

Русия тартиби нави рафту омади муҳоҷиронро роҳандозӣ хоҳад кард. Сергей Лавров, вазири корҳои хориҷии Русия гуфтааст, ки таҳияи санади нав дар ин замина аз сӯи Вазорати корҳои дохилӣ дар чанд моҳи оянда омода хоҳад шуд. Ба таъкиди Лавров онҳо ҷонибдори шафофият дар ин масъала мебошанд. Моҳи августи соли ҷорӣ Русия эълон карда буд, ки дар ним соли ахир вуруди тақрибан 100 ҳазор шаҳрванди хориҷӣ манъ шудааст. Дар ҳамин ҳол мақомоти рус 150 ҳазор муҳоҷирони тоҷикро, ки ҳаққи сафар ба ин кишварро надоштанд афв кардаанд. Читать дальше...

Як афсари собиқи аршади вазорати дифои Амрико гуфт, ки ИМА аллакай ба Чин дар рақобат бо зеҳни сунъӣ "мағлуб шудааст". Николас Чейллан,  ки моҳи ҷорӣ ба нишони эътироз аз, ба гуфтааш, рушди заъифи фанновариҳои низомии ИМА ба истеъфо рафт, дар сӯҳбат бо нашрияи Financial Times гуфт, “дар 15-20 соли оянда ИМА дар рақобат бо Чин ҳеҷ шонсе надорад”. Ӯ гуфт, “ҳоло ин як созишномаи анҷомёфта аст” ва “аллакай тамом шудааст”. Чейлан гуфт, низоми дифои интернетии ИМА дар бисёр идораҳои давлатӣ “дар сатҳи боғчаи бачагона қарор дорад”. Читать дальше...

Аз рӯйи анъана, раиси ҷумҳурӣ як қатор иншооти иҷтимоиро ба истифода дод, паради низомӣ баргузор кард, дар бораи дастовардҳо гуфт ва ваъдаи маблағгузориҳо дод. Вале бархе аз сокинон мегӯянд, мушкили бекориву камбизоатӣ ва постгоҳҳо ҳал нашуд.

Марзбонони украинӣ рӯзи 9-уми октябр дар соҳили дарёи Тиса, дар марз бо Маҷористон, зодагони Тоҷикистон ва Арманистонро боздошт кардаанд.  Бино ба иттилоъи Хадамоти марзбонии Украина, сарҳадбонон нахуст як паноҳҷӯи тоҷик ва сипас як арманиро дастгир намудаанд. Тавре маълум шудааст, онҳо чанд рӯзи пеш ба Украина омадаанд. Ному насаби ин ду нафар зикр нашудааст. Мақомоти украинӣ гуфтанд, роҳбаладашон баъди дидани марзбонон фирор кардааст. Дар ҳамон рӯз 5 шаҳрванди Покистон низ ба даст афтодааст.... Читать дальше...

Ҳайати мудирони Сандуқи байналмилалии пул бо раиси иҷроияи ин ниҳод Кристалина Георгиева ва як ширкати мустақили бозрасӣ мулоқоти навбатӣ барпо кард, вале гуфт, ки ҳанӯз ҳеҷ тасмиме дар заминаи эҳтимоли аз мақомаш барканор кардани ин иқтисоддони булғорӣ гирифта нашудааст. Мавзӯи мулоқоту гуфтугӯҳо ба гузориши таҳлилии Бонки ҷаҳонӣ “Doing Business 2018” рабт дорад, ки Георгиева он замон дар ин ниҳод кор мекард. Дар изҳороти рӯзи 10-уми октябр СБП гуфт, ки ин навбат дар музокира як пешравие  ҳосил шудааст. Читать дальше...

Нахуствазири Ироқ дар саҳифааш дар Твиттер рӯзи 11-уми октябр хабар дод, ки хадамоти амнияти ин кишвар як муовини раиси кушташудаи гурӯҳи “Давлати исломӣ”-ро боздошт карданд. Мустафо Козимӣ навишт, ки Самӣ Ёсим, як узви баландпояи гурӯҳи “Давлати исломӣ” ва муовини раҳбари собиқи ин гурӯҳ Абубакри Бағдодӣ аз ҷониби ходимони амнияти миллии Ироқ дастгир шудааст. Ӯ аз ин беш ҷузъиёт надод. Худи Бағдодӣ, ки раҳбарии гурӯҳи даҳшатафкани “Давлати исломӣ”-ро ба ӯҳда дошту дар қатлу куштори ҳазорҳо нафар гунаҳгор мешавад... Читать дальше...

Халабони ҳомилаи афғонро, ки дар яке аз осоишгоҳҳо дар Тоҷикистон нигоҳдорӣ мешуд, ба таваллудхона бурдаанд.