Новости за 04.10.2021

Рӯзи душанбе, 4-уми октябр, дар кори шабакаҳои иҷтимоии Facebook ва Instagram, инчунин, паёмрасони WhatsApp мушкил пеш омадааст. Дар ин бора пойгоҳи Down Detector иттилоъ дод.

Нерӯҳои "Толибон" садҳо паноҳҷӯйи афғонро аз ноҳияи Ишкошими Афғонистон, ҳаммараз бо Ишкошими Тоҷикистон, ронда, ба гуруҳи боқимонда як рӯз муҳлат додаанд, ки ин қаламравро тарк кунанд. Волии "Толибон" дар Бадахшони Афғонистон аз ин афрод "беҷошудагони дохилӣ" ном бурдааст.

Гуруҳи «Толибон» иддао дорад, ки пас аз таркиш дар масҷиди «Идгоҳ»-и Кобул як маркази гуруҳи тундрави «Давлати исломӣ» ё ДОИШ-ро дар Афғонистон пурра аз байн бурд.

Мақомот дар шаҳри Бохтар, маркази вилояти Хатлон, аз хешовандони даҳҳо кормандони собиқи давлат хостаанд, ки хонаҳоро тарк кунанд, зеро дигар ҳаққи зиндагӣ дар онҳоро надоранд. Хонаводаи Абдулҳамид Паҳлавонов, профессор ва корманди шоистаи Тоҷикистон, яке аз онҳост. Тафсилотро дар видео бинед.

Дар ҳоле ки раиси Идораи маҳбасҳои Тоҷикистон ҳамла ба Раҳматуллои Раҷаб, узви зиндонии ҳизби дар кишвар мамнӯи наҳзати исломиро рад кард, пайвандонаш ба дурустии он шубҳа доранд.

Қиссаи муҳоҷирони бесарпаноҳи Маскав.

Дар ҳоле ки раиси Идораи маҳбасҳои Тоҷикистон ҳамла ба Раҳматуллои Раҷаб, узви зиндонии ҳизби дар кишвар мамнӯи наҳзати исломиро рад кард, пайвандонаш ба дурустии он шубҳа доранд.

Коронавирус нархи пахтаро боло бурд.

Кашфу ташхиси навъи то кунун номаълуми динозавр дар Бразилия.

Ларс Вилкс, рассом ва муаллифи карикатура ё тасвирҳои танзомези паёмбари ислом, Муҳаммад, рӯзи 3-юми октябр дар садамаи нақлиётӣ дар ҷануби Шветсия ҷон бохт.

Вақте намояндагони ҳукумати «Толибон» дар бораи татбиқи шариати исломӣ дар Афғонистон мегӯянд, ба қонунҳое ишора мекунанд, ки аз ҷониби ҳамин гурӯҳи муҳофизакори суннимазҳаб эҷод шудааст.

Шариф Комилзода, мудири пешини Пажӯҳишгоҳи Вазорати фарҳанг ва раиси собиқи Китобхонаи миллии Тоҷикистонро ба “тасарруфи пули буҷет” муттаҳам карданд.

Ду рӯзноманигори хабаргузории "Taftish.uz"-и Узбекистон – Бобур Ғаниев ва Аброр Козубоев – 15-рӯзӣ ҳабси маъмурӣ шуданд.

Порлумони Ҷопон рӯзи 4-уми октябр Фумио Кишидаро дар мансаби сарвазири нави он кишвар тасдиқ кард.

Дар шаҳри Пушкини Русия як зодаи Тоҷикистонро дастгир кардаанд. Боздошти Фирдавс Сулаймонови 42-сола, ки ба иттилои расонаҳои русӣ, «дар ҷустуҷӯи байнулмилалӣ буд», охири ҳафтаи гузашта сурат гирифтааст.

Маркази пажуҳиши фасод ва ҷиноятҳои созмонёфта (OCCRP) муайян карда, ки Асел Курманбоева, ҳамсари ғайрирасмии президенти пешини Қазоқистон Нурсултон Назарбоев бо як созиши офшорӣ 30 миллион доллар даромад ба даст овардааст.

Мусобиқаи VIII байналмилалии ҷудо барои дарёфти Ҷоми президенти Тоҷикистон рӯзи якшанбеи 3-юми октябр дар Қасри теннис ва маҷмааи варзиши обии шаҳри Душанбе бо рақобатҳои гуштигирон дар вазни то 66 кило шуруъ шуд. Дар ин мусобиқа, ки бори ҳаштум баргузор шудааст, ба ҷуз аз ҷудокорони тоҷик, варзишгарон аз Узбекистон, Қазоқистон, Эрон, Русия ва Беларус ширкат меварзанд. Қувваозмоиҳо аз рӯи 4 вазн (-66, -81, -90 ва +90 кг) миёни мардҳо баргузор мешавад. Дар рӯзи аввали мусобиқа рақобатҳо дар вазни... Читать дальше...

Шуморе аз муассисаҳои бузурги расонаӣ 3 октябр санадҳоеро нашр карданд, ки аз сарватҷамъкунии пинҳони раҳбарони ҷаҳон, аз ҷумла Илҳом Алиев – раиси ҷумҳури Озарбойҷон, Малик Абдуллоҳ – подшоҳи Урдун, Андрей Бабиш – нахуствазири Чехия ва наздикони Владимир Путин – президенти Русия нақл мекунад.

Дастаи мунтахаби Португалия, ки рӯзи 3-юми октябр дар бозии ниҳоии қаҳрамонии футзали ҷаҳон-2021 дар Литва тими миллии Аргентинаро бо ҳисоби 2:1 шикаст дод, бори аввал ба унвони қаҳрамони ҷаҳон даст ёфт. Ҳарду голи португалиҳоро Пани Варела ба самар расонид. Голи аргентиниҳоро Анхел Клаудино зад. Португалия бори аввал дар таърихи худ қаҳрамони ҷаҳон шуд.  Аргентина бошад, дар қаҳрамонии ҷаҳон соли 2016, замоне ки дар финал мунтахаби Русияро бо ҳисоби 5:4 мағлуб карда буд, бо медалҳои тилло сарфароз шудааст. Читать дальше...

Манбаъҳои Озодӣ аз Ишкошими Афғонистон хабар доданд, ки "Толибон" як паноҳҷӯро, ки мехост ба ҳудуди Тоҷикистон гузарад, ба қатл расонда, як нафари дигарро бо номи Ҳоҷӣ Бобо бо худ бурдаанд. Намояндаи "Толибон" ё мақомоти дигари вилояти Бадахшони Афғонистон барои шарҳи ин хабар дастрас нашудаанд.

Роҳи асосии Кӯлоб-Душанбе дар ҳудуди ноҳияи Восеъ аз соати ҳафти субҳи 4-уми октябр комилан баста шуд ва ба мусофирон иҷозаи сафар ба пойтахт дода намешавад.

Ширкати "Сентерра" ташаббуси гуфтугӯҳо оид ба кони тилои "Қумтор"-и Қирғизистон рӯи даст гирифтааст. Дар ин бора президенти Қирғизистон Содир Ҷабборов дар саҳифаи "Фейсбук" хабар дод. Президент навишт, "дар ҳайати мо чаҳор кас ширкат дошт". Мақомоти Қирғизистон гуфтанд, ин ҳайат аз муовини раиси девони вазирон, ки ҳамзамони вазири энержӣ ва молия аст, раиси КДАМ, додситони кул ва раиси идораи берунии ширкати "Қумтор Голд Компанӣ" ва мутахассисони дигар аз бахши ҳуқуқи ширкат иборат аст. Содир Ҷабборов хитоб ба шаҳрвандони кишвараш гуфт... Читать дальше...

Котиби давлатии ИМА Энтони Блинкен бахшида ба солгарди қатли рӯзноманигор Ҷамол Хошуқчӣ, ки эҳтимол меравад, се сол пеш бо фармоиши мақомоти Арабистони Саудӣ кушта шудааст, изҳоротеро нашр кард. "ИМА ҳамеша аз усуле ҷонибдорӣ мекунад, ки бар асоси он, инсон дар саросари олам ҳақ дорад, бидуни ҳарос аз муҷозот ё пайомади нохуш ҳуқуқҳои шаҳрвандии худро истифода кунад", - омадааст дар изҳорот. Вашингтон баъди он ки натиҷаҳои таҳқиқи куштори Хошуқчӣ дар консулгарии Арабистони Саудӣ дар шаҳри Истамбули Туркия ба Конгресс пешниҳод шуд... Читать дальше...

Дар якуним соли охир, ки иқтисоди Тоҷикистон зери фишори пандемия аст ва бисёре аз соҳаҳо дучори рукуд шудаанд, 30 ташаббускор дар ноҳияҳои тобеи пойтахт бо гирифтани қарзи боимтиёз ва грантҳои Бонки Ҷаҳонӣ тавонистаанд, кори худро шуруъ кунанд.

Дар якуним соли охир, ки иқтисоди Тоҷикистон зери фишори пандемия аст ва бисёре аз соҳаҳо дучори рукуд шудаанд, 30 ташаббускор дар ноҳияҳои тобеи пойтахт бо гирифтани қарзи боимтиёз ва грантҳои Бонки Ҷаҳонӣ тавонистаанд, кори худро шуруъ кунанд.