Новости за 21.09.2022

Сокинони деҳаи Чорқишлоқ ин шабу рӯз осори харобиҳои муноқишаи 14-17-уми сентябрро пок мекунанд, то дубора ба зиндагии маъмулии худ баргарданд.

Муовини вазири корҳои хориҷии Тоҷикистон гуфт, Душанбе ҷамоати Ворухи Исфараро ҳамчун "анклав" дар иҳотаи заминҳои Қирғизистон эътироф намекунад.

14-17-уми сентябр тақрибан дар тамоми марзи Тоҷикистону Қирғизистон даргирии ҷиддии низомӣ ба вуқуъ пайваст. Ҷонибҳои даргир аз оғози низоъ ҳамдигарро масъули асосии он донистанд ва  дар мавриди таҷовуз ва ҳуҷум ба қаламрави худ шикоятҳои монанд карданд.

Абдуллоҳ Ғурбатӣ, рӯзноманигори боздоштшудаи тоҷик, дар мурофиаи нахустини додгоҳӣ даъвои се маъмури милисаро рад кардааст. Кормандони Шуъбаи умури дохилии ноҳияи Шоҳмансур рӯзи 21-уми сентябр шоҳидӣ додаанд, ки Ғурбатӣ ба онҳо ҳамла карду таҳқир намуд.

Мақомоти ҳифзи ҳуқуқи вилояти Ҷиззахи Узбекистон зидди афроде, ки як ҷавони гумонбар ба "ҳамҷинсгарои"-ро худсарона муҷозот кардаанд, парвандаи ҷиноӣ боз кардааст.

Сокинони деҳаи Чорқишлоқ ин шабу рӯз осори харобиҳои муноқишаи 14-17-уми сентябрро пок мекунанд, то дубора ба зиндагии маъмулии худ баргарданд. Дар ин деҳаи ноҳияи Исфара, ки дар марзи Тоҷикистон бо Қирғизистон ҷойгир аст, даҳҳо манзили зист хароб шудааст.

Мақомоти Маскав гуфтанд, ки дар маркази "Сахарово" барои ҷалби муҳоҷирон ба хидмати ҳарбӣ дар ивази шиносномаи Русия бахшеро таъсис хоҳанд дод. Иддае онро роҳи осони дарёфти шаҳрвандӣ медонанд. Дигарон хатар доранд. Шумо чӣ?

Намояндагони ҳукумат ва сокинони минтақаҳои наздимарзии Тоҷикистон мегӯянд, дар даргирии рӯзи 16-уми сентябр нерӯҳои Қирғизистон аз бесарнишинҳо истифода кардаанд. Душанбе ва Бишкек ду моҳ пеш гуфта буданд, ки дар бораи истифода накардани онҳо дар даргириҳои марзӣ созишнома имзо кардаанд.

Шореҳони рус мегӯянд, ҷалби муҳоҷирон ба хидмат дар артиши Русия "ихтиёрӣ ва бар асоси созишнома" мешавад. Мунтақидон мегӯянд, ҷалби муҳоҷирон бо ҳадафи истифодаи онҳо дар сафи пеши ҷанг сурат мегирад. "Ин ҷанг аст, майдони футбол нест," --гуфт ҳомии ҳуқуқи муҳоҷирон Каримҷон Ёров.

Бонки "Halyk"-и Қазоқистон қабули кортҳои низоми пардохтии русии "Мир"-ро қатъ кардааст.

Ҳай Давидов, ҳунарпешаи исроилӣ ва муассиси театри мазҳакавии “Ханда-ханда”-и яҳудиҳои бухороӣ, бо студияи "Узбекфилм" ёддошти тафоҳум дар бораи наворгирии филми муштараке бо номи “Тӯй муборак” имзо кард.

Мурофиаи додгоҳии рӯзноманигор Абдуллоҳ Ғурбатӣ рӯзи 21-уми сентябр дар Боздоштгоҳи муваққатии шаҳри Душанбе шуруъ шуд.

Мақомоти Тоҷикистон Абдурозиқ Абдуқаҳҳоров ва Аскар Юнусовро, ки Додгоҳи Қирғизистон ба солҳои дароз зиндонӣ карду се моҳ пеш ба Душанбе супурд, аз боздоштгоҳи Хуҷанд ба зиндони ноҳияи Ёвон бурдаанд.

Дар мусобиқаи IX байналмилалӣ оид ба ҷудо барои Ҷоми президенти Тоҷикистон, ки рӯзҳои 19-20-уми сентябр дар Қасри варзиши шаҳри Хуҷанд баргузор шуд, дар шаш вазн паҳлавонони тоҷик ва дар як вазн варзишгари Қазоқистон ғолиб шуданд.

Ба дунболи баёнияи раиси ҷумҳурии Қирғизистон, ки аз минбари Созмони Милал Тоҷикистонро ба "таҷовуз" ба қаламрави кишвараш муттаҳам кард, Вазорати корҳои хориҷии Тоҷикистон гуфт, Қирғизистон бо идомаи "амалҳои иғвобарангезона", авзоъро дар сарҳад шиддат мебахшад.

Нурулло Алиев, размикори тоҷик дар муҳорибаҳои размии омехта (ММА), дар қувваозмоӣ барои бастани шартнома бо UFC (Ultimate Fighting Championship), ба рақиби амрикоиаш Ҷош Уик бо нокаути фаннӣ дар сонияҳои охирини раунди аввал ғолиб шуд.

Мақомоти Тоҷикистон тасдиқ карданд, ки чаҳор низомии асируфтодаи Қирғизистонро ба кишварашон бозгардондаанд.

Се фаъоли боздоштшудаи қарақалпоқистониро дар шаҳри Алмаатои Қазоқистон ба ҳабси пешакӣ гирифтанд. Дар ин бора намояндаи ҷамъияти қарақалпоқистониҳо дар Алмато Оқилбек Муродбой хабар дод. Ҳукмро Додгоҳи байниноҳиявии Алмаато содир карда, ба ин тартиб Қошқарбой Торемуратов, Жангелдӣ Жақсимбетов ва Раиси Худойберганова 40 рӯз дар ҳабси пешакӣ хоҳанд монд. Расонаҳо пештар хабар доданд, ки Раиса Худойбергенова, яке аз фаъолони Қарақалпоқистон дар вилояти Алмаатои Қазоқистон боздошт шудааст. Қаблан... Читать дальше...

"Ҳукумати Маскав дар фурсатҳои наздик дар назди маркази муҳоҷирати "Сахарово" сохтореро барои ҷалби муҳоҷирони меҳнатӣ ба артиши Русия таъсис медиҳад," -- гуфт шаҳрдори Маскав Сергей Собянин.

Иёлоти Муттаҳидаи Амрико тасмим дорад, дар ивази кумак дар мубориза зидди терроризм дар Афғонистон ба Тоҷикистону Узбекистон қариб 50 чархболу ҳавопаймои низомӣ тақдим кунад. Дар ин бора нашрияи Politico бо такя ба манобеи худ хабар медиҳад.

Ба фарқ аз даргириҳои гузашта дар марзи Тоҷикистону Қирғизистон, ин дафъа ду ҷамоати дигари наздимарзӣ – Чилгазӣ ва Шӯроб – зиёни моливу ҷонӣ дидаанд.