Новости за 22.09.2022

Вазорати корҳои хориҷии Қирғизистон ба изҳороти Вазорати умури хориҷии Тоҷикистон, ки рӯзи 22-юми сентябр дар бораи таъқиби тоҷикон дар он кишвар нашру паҳн шуд, вокуниш кард.

Сокинони ҷамоати Хистеварз (Қистакӯз)-и ноҳияи Бобоҷон Ғафуров мегӯянд, дар муноқишаи як ҳафта пеш дар сарҳади Тоҷикистону Қирғизистон дастикам 3 нафарро аз даст доданд. Яке аз онҳо ҳаштсола аст. Тақрибан 20 кас захмӣ шудаанд.

Муовини раиси Комиссияи марказии интихоботии Қазоқистон Константин Петров рӯзи панҷшанбе дар як ҷаласа гуфт, пешбарии номзадҳо ба интихоботи пеш аз муҳлати президентӣ дар ин кишвар аз 23 сентябр оғоз мешавад. Ба гуфтаи масъулони комиссия, то 1 июли имсол дар Қазоқистон 11 миллиону 827 ҳазору 277 шахси қобили раъй ба қайд гирифта шудааст. "Ба ҷонибдории ҳар як номзад бояд 118 ҳазору 273 имзои воқеӣ ҷамъоварӣ шавад", - изҳор дошт Петров. Ба гуфтаи ӯ, пешбарии номзадҳо ба мақоми президентии Қазоқистон... Читать дальше...

Мақомоти Узбекистон ва Қирғизистон муҳоҷиронашонро огоҳ кардаанд, ки барои иштирок дар амалиёти низомии Русия муҷозот хоҳанд шуд.

Дар ҳоле ки баъзе аз кишварҳо, аз ҷумла Узбекистону Қазоқистон, истифодаи корти “Мир”-и Русияро манъ кардаанд, мақомоти тоҷик гуфтанд, истифодаи он дар банкомату терминалҳои ду бонки кишвар бе мушкил ба роҳ монда шудааст.

Сухангӯи президенти Қирғизистон шарҳ надодааст, ки ҳавопаймои нав чи қадар арзиш дорад ва он бо пули кӣ харидорӣ хоҳад шуд.

Дастаи мунтахаби футболи Тоҷикистон дар бозии ниманиҳоии мусобиқаи 48-уми байналмилалии "«King’s Cup 2022» (Ҷоми Шоҳ-2022"), ки рӯзи панҷшанбеи 22-юми сентябр дар шаҳри Чиангмайи Тайланд баргузор шуд, тими миллии Тринидад ва Тобагоро бо ҳисоби 2:1 шикаст дод ва ба финал роҳ ёфт.

Раиси Сенати Қазоқистон Маулен Ашимбоев гуфт, кишвараш омодааст, бар асоси шартҳои муайян ба русиягиҳо иҷозати иқомат диҳад.

Мақомоти тоҷик ба муҳоҷирон дар Русия ҳушдор додаанд, ки аз ширкат дар ҷангҳои хориҷӣ худдорӣ кунанд. Ин даъват пас аз он садо дод, ки мақомоти Русия ба муҳоҷирон ваъда доданд, ки дар ивази хидмат дар артиши Русия метавонанд ба таври осон шаҳрвандии он кишварро соҳиб шаванд.

Қисман сафарбарии нерӯҳои эҳтиётӣ ба артиши Русия, миёни муҳоҷирон, бахусус онҳое, ки шиносномаи русӣ доранд, сару садои зиёд ба бор оварда, якбора сабаби боло рафтани арзиши билети сафар аз Русия ба Тоҷикистон шудааст. Фармони басичсозиро Владимир Путин 21-уми сентябр имзо кард.

Қисман сафарбарии нерӯҳои эҳтиётӣ ба артиши Русия, миёни муҳоҷирон, бахусус онҳое, ки шиносномаи русӣ доранд, сару садои зиёд ба бор оварда, сабаби боло рафтани нархи билет аз Русия ба Тоҷикистон шудааст. Тарси муҳоҷирон ин аст, ки эҳтимол бидуни хоҳиш ба ҷанг бурда шаванд.

Ба иттилои намояндагии ширкатҳои ҳавопаймоӣ дар Тоҷикистон, аз 21-уми сентябр арзиши билети парвоз аз Русия боло рафт. Онҳо рӯзи 22-юми сентябр дар суҳбати бидуни микрофон гуфтанд, агар як рӯз пеш нархи билет аз шаҳрҳои Русия ба Душанбе аз 1,5 ҳазор сомонӣ сар мешуд, ҳоло то ду баробар афзудааст.

Фармони сафарбарии низомӣ сабабгори фирори русҳо аз ватанашон шудааст.

Сокинони ҷамоати Хистеварз (Қистакӯз)-и ноҳияи Бобоҷон Ғафуров мегӯянд, дар муноқишаи як ҳафта пеш дар сарҳади Тоҷикистону Қирғизистон дастикам 3 нафарро аз даст доданд. Яке аз онҳо ҳаштсола аст. Тақрибан 20 кас захмӣ шудаанд

Вазорати корҳои хориҷии Тоҷикистон дигарбора Қирғизистонро ба нақзи ҳарими ҳавоии кишвар муттаҳам карда, аз Бишкек хостааст, ба чунин амалҳо поён диҳад.

Рӯзи 21-уми сентябр Владимир Путин, раиси ҷумҳури Русия, фармонро дар бораи басичсозии низомӣ имзо кард.

Варзишгарони тоҷик дар мусобиқоти бози қаҳрамонии Осиёи Марказӣ оид ба варзиши сабук, ки рӯзҳои 23-25-уми сентябр дар шаҳри Самарқанди Узбекистон баргузор мешавад, ширкат меварзанд.

Сенати Қазоқистон бо қабули қонуне "Рӯзи президенти нахустин"-ро, ки ба хотири эътирофи дастовардҳо"-и Нурсултон Назарбоев ташкил шуда буд, аз рӯйхати идҳои давлатии ин кишвар берун кард.

Додгоҳи олии Тоҷикистон афсари пешини Нерӯҳои марзбонӣ Холбаш Холбашовро, ки пас аз ҳодисаҳои хунини Хоруғу Рӯшон дастгир шуда буд, ба зиндони якумрӣ маҳкум кардааст. Мақомот ҳукмро шарҳ намедиҳанд. Худаш дар мурофиаҳо гуфтааст, гуноҳе надорад.

Дар иқдомҳои зидди басичсозии низомӣ дар шаҳрҳои Маскав ва Санкт-Петербурги Русия садҳо касро боздошт карданд. Миёни иштирокдорони иқдом бештар занҳо буданд. Онҳо шиорҳои "Ҳаёт ба фарзандони мо!" ва "Нест бод ҷанг!" сар доданд.

Ҳукумати Тоҷикистон дархости рӯшанфикрон ва фаъолони ҷомеаи шаҳрвандиро барои эълони “Рӯзи мотами миллӣ” ба ёди қурбониёни муноқиша дар марзи Тоҷикистону Қирғизистон нодида гирифт. Эмомалӣ Раҳмон, президенти кишвар, низ ба пайвандони қурбониён таъзия баён накард.

Дастаи мунтахаби футболи Тоҷикистон дар нимфинали мусобиқаи байналмилалии "King’s Cup 2022" ("Ҷоми Шоҳ-2022") имрӯз, 22-юми сентябр, дар шаҳри Чиангмайи Тайланд бо тими миллии Тринидад ва Тобаго бозӣ мекунад.

Владимир Путин, раиси ҷумҳури Русия, рӯзи 21-уми сентябр аз басичсозии нисбии низомӣ дар кишвараш хабар дод. Баъд аз ин хабар дар фосилаи кӯтоҳе билети парвози ҳавопаймо аз Маскав ба кишварҳое фурӯхта шуданд, ки шаҳрвандони Русия метавонанд, бидуни виза сафар кунанд.

Иттилоъ дар бораи тир кушодан сӯи мошини шаҳрвандони Қирғизистон дар деҳаи Мақсати ноҳияи Лайлак ва оташкушоӣ сӯи деҳаи Достуки ноҳияи Лайлак воқеият надорад. Дар ин бора дар Хадамоти марзбонии Кумитаи давлатии амнияти миллии Қирғизистон хабар доданд. "Хадамоти марзбонӣ аз шаҳрвандон даъват мекунад, ки ҷомеаро бо иттилои носанҷида ва овозаҳои шабакаҳои иҷтимоӣ нигарон накунанд ва маълумотро аз мақомоти масъул бигиранд", - омадаст дар хабари Хадамоти марзбонии Қирғизистон. 14-17-уми сентябр тақрибан... Читать дальше...

Хабарҳо аз корбурди бесарнишинҳо аз тарафи Қирғизистон дар ҳолест, ки Душанбе ва Бишкек ду моҳ пеш гуфта буданд, дар бораи истифода накардани онҳо дар даргириҳои марзӣ созишнома имзо кардаанд.