Новости за 04.05.2024

Рӯзи ҷаҳонии озодии баён шуморе аз рӯзноманигорони зан аз кишварҳои Осиёи Марказӣ, ба ҷуз Қирғизистону Туркманистонро дар Душанбе дар як нишаст гирди ҳам овард.

Паҳлавони маъруфи тоҷик Беҳрӯзи Хоҷазода дар рӯзи дуюми мусобиқаи байналмилалии ҷудо Dushanbe Grand Slam 2024, ки дар Қасри теннис ва маҷмааи варзишҳои обии шаҳри Душанбе ҷараён дорад, медали нуқра ба даст овард.

Дар Тоҷикистон гурӯҳе аз ҷавонони навкору навовар барои иштирок дар маросими ҷоизасупории NASA Space омодагӣ мегиранд ва барои рафтан маблағ ҷустӯҷу доранд.

Дар шаҳри Хуҷанд гурӯҳе аз ҷавонони соҳибистеъдод ба офаридани комикс ва ё тасвирҳое машғуланд, ки дар байни наврасону ҷавонон дар дигар кишварҳо маҳбубияти зиёд дорад. Як видеои офаридаи онҳо чанде пеш дар як озмуни НАСА, Оҷонси кайҳоншиносии Амрико соҳиби ҷоиза ҳам шуд.

Рӯзи 4-уми май дар Душанбе дар синни 73-солагӣ синамошиноси маъруфи тоҷик Саъдулло Раҳимов даргузашт.

Як рӯз баъди сӯҳбати телефонии президентони Тоҷикистон ва Русия дар бораи бӯҳрони идомаёбандаи боздоштҳои оммавии муҳоҷирони тоҷик дар фурудгоҳҳои Русия,  ҳамакнун Вазорати меҳнат ва муҳоҷирати Тоҷикистон ҳам аз шаҳрвандон хост, муваққатан  ба Русия сафар накунанд.

Дар Қирғизистон як қисми кӯдакони дар як ҷашн аз садамаи мошин осебдидаро бо ҳавопаймои махсус аз ноҳияи Сузаки Ҷалолобод ба шаҳри Бишкек интиқол доданд.

Рӯзи 4 май як ҳайати “Ҳамос” барои ширкат дар музокироти оташбас ба Қоҳира рафт.

Як мақоми баландпояи СММ гуфт, шаш моҳ баъди шурӯи ҷанг ва маҳдудиятҳои шадиди Исроил барои интиқоли ғизо ба минтақа, шимоли Ғазза дар ҳолати “гуруснагии комил” қарор дорад.

Бо вуҷуди эътирозҳои оммавӣ, Иракли Кобахидзе, нахуствазири Гурҷистон  зарурати қабули  қонуни “агенти хориҷӣ”-ро ҳамчун, ба гуфтааш, шарти кам кардани ихтилоф дар ҷомеа, онгуна, ки Иттиҳоди Аврупо тақозо мекунад, дуруст шумурд.

Дастаи мунтахаби ҷавонони то 23-солаи Ҷопон, ки дар бозии ниҳоии қаҳрамонии футболи Осиё-2024 дар Қатар тими Узбекистонро бо ҳисоби 1:0 шикаст дод, ғолиби мусобиқа гардид.

Аз миёни садҳо журналисте, ки дар саросари ҷаҳон дар зиндон қарор доранд, ҳашт нафарашон дар маҳсабҳои Тоҷикистон қарор доранд.

Як ҳомии маъруфи ҳуқуқи муҳоҷирон мегӯяд, мақомоти Русия дар паи боздошту азияти “ҳама ғайриславяниҳо” ҳастанд ва ҳоло на танҳо шаҳрвандони Тоҷикистон, балки шаҳрвандони Узбекистон ва Қирғизистон ҳам дар фурудгоҳҳову даромадгоҳҳои заминии Русия мавриди азияти оммавӣ қарор гирифтаанд.

Оё зан метавонад кӯҳкан бошад, зери замин нақб канад ва ё дар корхонаи истеҳсоли маводи кимиёӣ кор кунад? Ҳамин баҳс дар Тоҷикистон солҳо боз ҳаст. Шаш моҳ пеш он дубора доғ шуд, замоне ки мақомоти Тоҷикистон ҷалби занонро ба 194 навъи кор манъ карданд.

Оё занон метавонанд кӯҳкан бошанд, зери замин нақб кананд ва ё дар корхонаи истеҳсоли маводи кимиёӣ кор кунанд? Ҳамин масъала солҳо боз дар Тоҷикистон ҳаст, вале шаш моҳ пеш дигарбора доғ шуд. Замоне ки мақомоти Тоҷикистон ҷалби занонро ба 194 навъи кор манъ карданд.