Новости за 06.05.2024

Мақомоти Исроил ба қисмате аз фаластиниёни муқими шаҳри Рафаҳ гуфтаанд, ки хонаҳояшонро тарк кунанд, ки инро омодагии Исроил ба ҳамла ба ин шаҳр медонанд. Дар ин шаҳри ҳаммарз бо Миср бештар аз як миллион фаластинии беҷошуда паноҳ бурдаанд.

Дар натиҷаи омадани сел дар ноҳияи Варзоб ва шаҳри Истаравшан се нафар ҷон бохта, дар чанд минтақаи дигари Тоҷикистон пулу роҳу хонаҳо вайрон гаштаанд. Мақомот мегӯянд, ба қадри тавон ба ҳама кумак мерасонанд. Баъзе аз сокинони осебдида гуфтанд, ҳанӯз ёрӣ нагирифтанд.

Бедодгарии табиат дар чандин шаҳру минтақаи Тоҷикистон аз дирӯз идома дорад. Бино ба иттилои расмӣ дар пайи борону сел се нафар, аз ҷумла як зани 20 сола дар Суғд фавтидааст. Дар аксу наворҳои зиёде дида мешавад, ки занону кӯдаконро аз зери обу лой берун меоранд.

Дар даври панҷуми мусобиқаи қаҳрамонии футболи Тоҷикистон-2024 миёни дастаҳои лигаи олӣ, ки рӯзҳои 3-5-уми май баргузор шуд, дар панҷ бозӣ мизбонон ва дар як дидор меҳмонон ғолиб омаданд.

Манъу маҳдудиятҳо дар кору зиндагии муҳоҷирон дар Русия идома дорад. Дар вилояти Курск ҳам онҳоро аз ҳаққи таксиронӣ маҳрум кардаанд. Волии вилоят гуфт, 82 дарсади мардум хостаанд, ки муҳоҷирон ронандаи таксӣ набошанд.

Манъу маҳдудиятҳо дар кору зиндагии муҳоҷирони тоҷик дар Русия идома дорад. Дар вилояти Курск ҳам муҳоҷиронро аз ҳаққи таксиронӣ маҳрум карданд. Волии вилоят гуфтааст, 82 дар сади мардум хостаанд, муҳоҷирон ронандаи таксӣ набошанд.

Раҳмоналӣ Раҳимзода, бародари Рамазон Раҳимзода, вазири корҳои дохилии Тоҷикистон, муовини аввали раиси Оҷонси мубориза бо маводи мухаддир таъйин шуд. Фармони раиси ҷумҳурӣ дар ин бора рӯзи 6-уми май баромад.

Ахбори Озодӣ

Мақомоти Исроил рӯзи 6-уми май аз фаластиниён хостаанд, ки бахшҳое аз Рафаҳро холӣ кунанд.

Президенти Қирғизистон Содир Ҷабборов рӯзи 9-уми май дар паради низомӣ дар шаҳри Маскави Русия ширкат хоҳад кард.

Бар асари ҳамлаи ҳавопаймоҳои бесарнишин дар вилояти Белгороди Русия 6 нафар кушта ва 35 каси дигар маҷрӯҳ шудаанд.

Мавқеи Узбакистон соли дувум аст, ки дар радабандии Созмони "Гузоришгарони Бидуни Марз" (Reporters Sans Frontieres), ки сатҳи озодии матбуотро дар ҷаҳон назорат мекунад, поин меравад.

Деҳаи Хуррамзамини ноҳияи Данғара рӯзи 24-уми апрел мизбони нахустин мусобиқаи парапланеризм дар Тоҷикистон буд. Ин сабқат бо ширкати бештар аз 100 чатрбоз аз 12 кишвар баргузор шуд. Варзишгарони тоҷик мегӯянд, дар миёни чатрбозони ботаҷрибаи хориҷӣ онҳо мисли парандаҳои навболанд.

Дар натиҷаи омадани сел дар ноҳияи Варзоб ва шаҳри Истаравшан се нафар ҷон бохтаанд.

Ҷаласаи навбатии гурӯҳҳои кории Тоҷикистон ва Узбекистон дар бораи нишонагузории сарҳад аз 29-уми апрел то 4-уми майи имсол дар шаҳри Душанбе гузашт.

Баъзе аз ноҳияҳои вилояти Бадахшони Афғонистон, аз ҷумла Дароим ва Аргу, рӯзҳои охир шоҳиди эътирозҳо алайҳи ҳукумати "Толибон" буданд.

Паҳлавонони тоҷик дар мусобиқаи байналмилалии ҷудо Dushanbe Grand Slam 2024, ки рӯзҳои 3-5-уми май дар Қасри теннис ва маҷмааи варзишҳои обии шаҳри Душанбе баргузор шуд, ҳафт медал (як нишони тилло, се нуқра ва се биринҷӣ) ба даст оварданд.

Комисияи марказии интихоботӣ ва раъйпурсии Қирғизистон натиҷаҳои интихоботи миёндавраии порлумониро дар ҳавзаҳои Бодканд, Ӯш ва Қара-сӯи он кишвра эълом кард.

Пештар дар шабакаҳои иҷтимоӣ хабарҳое дар бораи ба шаҳрвандони Узбекистон иҷозаи вуруд надодан ба Русия нашр шуданд.