Новости за 25.11.2020

Argentinanyň milli ýygyndysynyň öňki kapitany we baş tälimçisi Diego Maradona aradan çykdy, diýip Argentinanyň Clarin neşiri habar berýär. Meşhur futbolçy 60 ýaşyndady. Noýabr aýynyň başynda Maradona beýnisine gan urup, keselhana ýerleşdirildi. Futbolçy subdural gematoma sebäpli operasiýa edildi we 11-nji noýabrda keselhanadan çykdy. Şu gün irden onuň ýüregi durup, agyr ýagdaýda keselhana äkidilendigi habar berildi. Maradona, futbolçy hökmünde Argentinanyň we Ispaniýanyň futbol klublarynyň, esasanam... Читать дальше...

Türkmenistanda pandemiýa sebäpli girizilen hereket çäklendirilmeleri dowam edýän mahaly, Lebapda ýaşaýjylaryň ýurduň paýtagtyna we beýleki welaýatlaryna gitmegine täze çäklendirmeler girizildi. Olardan talap edilýän resminamalaryň sany hem artdyryldy. Azatlyk Radiosynyň lebaply habarçysynyň tassyklamagyna görä, ýaşy 45-den aşan adamlara ýurduň beýleki sebitlerine sapar etmek üçin zerur bolan resminamalar berilmeýär. Bu ýagdaý 15-nji noýabrdan bäri dowam edýär. Lebabyň saglyk, polisiýa we beýleki edaralary... Читать дальше...

Aşgabadyň köçelerinde geçip barýan adamlaryň gözüniň öňünde itleriň we pişikleriň rehimsiz ýok edilmegi dowam etdirilýär. Azatlygyň habarçylary we haýwanlary goraýjylar şäherde birbada birnäçe hadysanyň şaýady boldular. Bu ýagdaý häkimiýetleriň ite altyn ýadygärlik dikýän döwründe bolup geçýär.

Kawkazdaky iň täsirli sebit güýçleri bolan iki ýurduň, Russiýanyň we Türkiýäniň ýaraşyk şertnamasynyň çäginde türk parahatçylyk goraýjylarynyň mümkin bolan roly babatda o diýen ylalaşmaýandygy aýdylýar.

Walýutaçylaryň garşysyna alnyp barylýan göreş güýçlendi. Iki gün öň Lebapda bir hepde ozal 23 manat bahalanan dollar 25,60 manada çykdy, hususy söwdadaky bahalar 10-15% gymmatlady. Synçylaryň käbiri walýuta söwdasynyň häkimiýetdäki ýagdaý bilen baglydygyny belleýär.

Şu günler Maryda howanyň ýylylygy aşaklaýan mahaly, şäheriň 4-nji mekdebiniň ýyladyş ulgamy kadaly işlemeýär. Mugallymlar we okuwçylar synplarda özleriniň üşeýändiklerini aýdýarlar. Ýöne olaryň klasda ýyly eşik geýmeklerine rugsat berilmeýär. Ene-atalar ýagdaýdan şikaýat edip, müdiriň öz kabinetinde tok peç ulanýandygyny aýdýarlar. Bular barada Azatlyk Radiosynyň habarçysy habar berdi.

24-nji noýabrda Aşgabatdaky Parahat 2/4 etrapçasynda itler zäherlendi. Olaryň biri uzak wagtlap ýerli ýaşaýjylaryň öňünde ejir çekip jan berdi. Azatlygyň habarçylarynyň anyklamagyna görä, gezip ýören sagdyn it birden bagyryp başlapdyr. Geçip barýan adamlar iti halas etmek üçin şowsuz synanyşdylar. Soňra jemagat gulluklarynyň işgärleri iti alyp gidipdir.

Türkmenistanyň prezidenti Gurbanguly Berdimuhamedow ýurduň özünde dowam edýän ýiti ykdysady krizisiň, azyk ýetmezçiliginiň arasynda Owganystana ynsanperwer kömek ýollaýar. Bu barada Türkmenistanyň ýarym-resmi nternet neşirinde habar berilýär. Maglumata görä, ynsanperwer kömegiň düzümine däri-dermanlar, azyk harytlary, tekstil we öý hojalygyna degişli beýleki önümler girýär. Berdimuhamedowyň gol goýan degişli kararyna laýyklykda, bu kömek Türkmenistanyň bitaraplygynyň 25-nji ýyl dönümine bagyşlanyp iberilýär. Читать дальше...

Azerbaýjan güýçleri Daglyk-Garabagdaky ençeme hepdeläp dowam eden çaknyşyklary togtatmak boýunça baglaşylan ylalaşygyň çäklerinde, Ermenistanyň gaýdyp bermeli üç etrabynyň ikinjisine girdiler. Azerbaýjanyň Goranmak ministrliginiň 25-nji noýabrda beren maglumatyna görä, şu aýda Azerbaýjanyň, Ermenistanyň we Russiýanyň gol goýan ylalaşygyna laýyklykda, azeri harbylary Karwaçar (azerbaýjanlylar Kelbajar atlandyrýar) etrabyna giripdir. Karwaçar ilki 15-nji noýabrda gaýdyp berilmelidi, emma Azerbaýjan... Читать дальше...

Halkara jemgyýetçiligi Owganystanyň ösüşini goldamak üçin 2021-nji ýylda 3 milliard dollar, dört ýylyň dowamynda bolsa 12 milliard dollar möçberinde hemaýat bermegi öz üstüne aldy. Şol bir wagtda, “Talyban” topary bilen alnyp barylýan parahatçylyk gepleşikleriniň gowşamagy arasynda, bu pullaryň uruşdan ejir çeken ýurduň adam hukuklaryny ilerletmek ugrunda goýberiljekdigi boýunça şert goýuldy. Maliýe goldawyny bermek barada Finlýandiýanyň guramaçylyk etmeginde Ženewa şäherinde donor ýurtlarynyň... Читать дальше...

Ak Tam saýlanan-prezident Jo Baýdeniň prezident üçin gündelik taýýarlanýan gizlin aňtaw hasabatyny kabul edip başlamagyna rugsat berdi. Prezident üçin gündelik taýýarlanýan bu hasabatda dünýä boýunça milli howpsuzlyga abanýan möhüm wehimler barada maglumatlar ýerleşdirilýär. Baýdene bu hasabaty kabul etmek baradaky rugsat 24-nji noýabrda berildi. Mundan bir gün öň, Donald Trampyň administrasiýasy Baýdeniň toparynyň geçiş tapgyrynyň resmi ýagdaýda başlanyp biljekdigini aýdypdy. Baýden gizlin gündelik hasabatyň hödürlenendigi... Читать дальше...