Новости за 12.01.2022

Türkmenistanda patyşa Russiýasynyň Merkezi Aziýa sebitine gurnan basybalyjylykly ýörişleriniň çäginde Gökdepe galasynyň synyp, onuň müňlerçe goragçysynyň, şol sanda gala partladylandan soň galanyň içinde galan we guma tarap gaçan asuda adamlaryň wagşylarça gyrlyp öldürilen gününe şu gün, 12-nji ýanwarda 141 ýyl bolýar, emma ýurduň öňki prezidenti Saparmyrat Nyýazow döwründe ýurt boýunça resmi ýagdaýda bellenmeli edilen Hatyra güni indi Aşgabatdaky hökümetiň karary esasynda, gyrgynçylygyň bolan gününde däl-de... Читать дальше...

8-nji ýanwarda Lebap welaýatynyň Türkmenabat şäherinde täze ýyl arçalarynyň ählisi sökülip başlandy. Şu ýyl welaýatyň Baş arçasynyň golaýyna ne 31-nji dekabrda, täze ýyla gadam basylan gije, ne-de ondan öň ýa soň hiç bir adam, şol sanda çaga goýberilmedi. Bu ýagdaýlaryň jikme-jikleri barada Azatlyk Radiosynyň habarçysy sebitden maglumat berdi. Onuň sözlerine görä, 12-nji ýanwara çenli şäheriň ähli ýerindäki täze ýyl arçalary, şol sanda “Türkmeniň ak öýüniň” öňünde gurnalan welaýatyň baş arçasy doly sökülip aýryldy. Читать дальше...

Maryly pensioner Bagtygül ene (ady üýtgedildi), Türkmenistandaky ykdysady kynçylyklaryň, işsizligiň we azyk ýeter-ýetmezçiliginiň arasynda, alýan pensiýasy ýetmän, dilegçilik etmäge mejbur bolýan pensioner eneleriniň diňe biri. Ol Azatlyk Radiosynyň ýerli habarçysyna soňky ýyllarda maşgalasynyň agyr güne düşendigini gürrüň berdi. Marydaky habarçymyz soňky aýlarda uly ýaşly adamlar bilen bir hatarda, dilegçilik edýän eneleriň we çagalaryň köpelendigini aýdyp, şeýle güne düşen pensioner eneleriň birnäçesi bilen söhbetdeş boldy. Читать дальше...

Türkmenistan Derweze sebitinde onlarça ýyl bäri ýanyp duran we ýurduň esasy syýahat nokatlarynyň biri bolan açyk gaz ýatagyny ýapmagy meýilleşdirýär. Bu meýil Türkmenistanyň halkara metbugatynda nebit-gaz senagaty bilen bagly howa goýberýän zäherli gazlarynyň möçberi sebäpli birnäçe gezek tankyt edilmeginiň yz ýanyna gabat geldi. Şeýle-de, türkmen prezidentiniň gaz eksportyny köpeltmek baradaky nobatdaky talaby ÝB-niň esasan ýangyç söwdasyny edýän Aşgabadyň ünsüni ýene bir gezek ykdysadyýeti diwersifikasiýa... Читать дальше...

Türkmenistanda uzak arakesmeden soň ýurduň daşynda galýan raýatlary getirmek üçin nobatdaky uçaryň guramalaşdyrylmagyna garaşylýar. Ygtybarly çeşmeler ýakyn günlerde türkmen raýatlarynyň Gazagystandan getiriljekdigini habar berýär. Azatlygyň Türkmenistandaky habarly çeşmesine görä, indiki uçara 15-nji ýa-da 16-njy ýanwarda garaşylýar. "Türkmenhowaýollary" türkmen raýatlaryny Gazagystandan uçar bilen getirer. Çeşme, bu uçaryň guramalaşdyrylmagynyň Gazagystanda soňky günlerde bolan protest wakalary bilen baglanyşyklydygyny belleýär. Читать дальше...

“Talyban” söweşijileri Owganystanyň Jöwüzjan welaýatynyň Garkyn etrabynyň bir obasynda, türkmen-owgan serhedine golaý sebitde türkmen esgeriniň guşagyny tapandygyny aýdýar we türkmen harbylaryny Owganystanyň serhedini bikanun kesip geçmekde aýyplaýar. Bu barada turkmen.news neşiri habar berýär.

NATO-nyň Brýusseldäki baş edarasynda Ukrainanyň gündogarynda dörän krizisi çözmäge bagyşlanan howpsuzlyk gepleşikleri başlandy, ýöne bu meselede uly bir ilerlemäniň bolmagyna bil baglanmaýar. NATO-nyň 30 agzasynyň we Russiýanyň wekilleri 12-nji ýanwarda, ukrain serhedinde dörän dartgynlygy köşeşdirmek maksady bilen, NATO-Russiýa Geňeşiniň mejlisini geçirýärler. Bu duşuşyk ýokary derejeli diplomatiýa hepdesinde, ABŞ bilen Russiýanyň 10-njy ýanwarda Ženewada bolan netijesiz gepleşikleriniň yz ýanyndan geçirilýär. Читать дальше...

Wladiwostok şäher häkimligi, sökülip aýrylmagynyň maksada laýyk däldigini aýdyp, ýazyjy Aleksandr Solženitsiniň Korabelnaýa kenaryndaky ýadygärligini ýykmakdan ýüz öwürdi. “Interfaks” bu habary şäher häkimliginiň wekiline salgylanyp çap etdi. Wladiwostok şäher dumasynyň deputaty Maksim Şinkarenko, jemgyýetçilik pikirini nazara alman dikilendigini aýdyp, 2021-nji ýylda häkimlikden bu ýadygärligi aýyrmagy talap etdi. Şäher häkimliginiň wekilleri ýadygärligi sökmegiň maksda laýyk däldigini, sebäbi sosial ulgamlardan görnüşine görä... Читать дальше...

2016-njy ýyldan şu güne çenli “Operator ROP” kompaniýasyna gaýtadan işlemek tölegi görnüşinde tölenen puluň mukdary 691,9 milliard teňňe (häzirki walýuta hümmetinde takmynan 1,6 milliard dollar) boldy. 12-nji ýanwarda ile ýetirilen maglumaty Gazagystanyň ekologiýa, geologiýa we tebigy baýlyklar ministri Serikkali Brekşew yglan etdi. Ol alnan maliýe serişdeleriniň häzirki kanunçylyga berk laýyklykda sarp edilýändigini hem sözüne goşdy. Gazagystanyň prezidenti Kasym-Žomart Tokaýew bir gün öň Gazagystanyň... Читать дальше...

Özbegistanda Gazagystanda bolup geçen wakalary beýan etmäge synanyşan bloggerlerleriň we žurnalistleriň käbiri özleriniň howpsuzlyk guramalaryna çagyrylandygyny aýtdy. Olardan "bu tema barada az ýazmagy", "wideo ýaýratmazlygy" we "ýygnanyşyklara çagyrmazlygy" haýyş etdiler. Azatlyk radiosynyň Özbek gullugy bilen anonimlik şertinde gürleşen blogçylaryň biri bolsa, Döwlet howpsuzlyk gullugynyň (DHG) goňşy ýurtda bolup geçýän wakalary beýan etmegi gadagan edendigini gürrüň berdi. “Telewizorda işleýän... Читать дальше...

ABŞ-nyň Döwlet departamenti ikinji gün Gazagystanyň prezidenti Kasym-Žomart Tokaýewiň ruslaryň ýolbaşçylygyndaky Kollektiw howpsuzlyk şertnamasy guramasynyň (KHŞG), köpçülikleýin bidüzgünçilikler sowlansoň, öz missiýasyny tamamlandygy barada aýdan sözlerini gutlady. Bu habary düýn Döwlet departamentiniň metbugat sekretary Ned Praýs berdi. Prezident Tokaýew ýurtdaky ýagdaýyň durnuklaşmagy bilen, KHŞG güýçleriniň Gazagystandan çykarylmagynyň iki günden başlajakdygyny aýtdy. "Bu etap tamamlanýança... Читать дальше...