Новости за 25.01.2022

Türkmenistanda 2022-nji ýyl “Halkyň Arkadagly zamanasy” atlandyrylandan soň, Lebap welaýatynyň häkimiýetleri bu şygaryň propagandasyny ýaýbaňlandyrýar. Şu günler Lebabyň salgyt we polisiýa edaralarynyň resmileri hususy eýeçilikdäki dükanlara we marketlere reýd geçirýärler. Olar telekeçilerden ýerli azyk harytlarynyň daşyna "Halkyň Arkadagly zamanasy" atly şygar ýazylan ýörite nyşanlary ýelmemegi talap edýärler. Bu ýagdaýlar barada habar berýän Azatlyk Radiosynyň Lebapdaky habarçysynyň maglumatlaryna görä... Читать дальше...

Lebap welaýatynyň Darganata etrabynda howanyň temperaturasy gündizlerine -1, gijelerine -7 gradusa çenli ýetýän şu günlerde hojalyklara tebigy gaz kadaly berilmeýär. Sebitde elektrik üpjünçiligi hem yzygiderli kesilýär we ilatyň ýylynmak meselesinde bökdençlikler döreýär. Gaz we tok üpjünçiligindäki problemalar barada Azatlyk Radiosynyň habarçysy sebitden habar berýär.

Türkmenistanyň Milli Geňeşiniň Halk Maslahaty 11-nji fewralda nobatdan daşary mejlisini geçirmek kararyna gelenden soň, ýurduň welaýatlarynyň dolandyryş merkezlerinde, degişlilikde pes depgindedigi aýdylýan, taýýarlyk işleri görlüp başlandy.

Orsýetiň polisiýasy geçen aýda deportasiýa merkezinden boşadylan türkmen raýatyny gaýtadan tussag etdi. 2021-nji ýylyň 17-nji dekabrynda Sankt-Peterburgyň kazyýeti dini sebäplere görä watanynda yzarlanýan we Orsýetden gaçybatalga gözleýän türkmenistanly Ahmet Jumadurdyýewi boşatmak barada karar çykarypdy.

Hökümetiň ýurduň raýat jemgyýetine garşy ýaýbaňlandyryan hüjümini dowam etdirmegi bilen, Orsýet kreml tankytçysy Alekseý Nawalnyny we onuň birnäçe ýaranyny "terroristler we ekstremistler" sanawyna goşdy. Nawalny we onuň bäş ýoldaşy, Lýubow Sobol, Wýaçeslaw Gimadi, Georgi Alburow, Liliýa Çanişewa we Ruslan Şaweddinow 25-nji ýanwarda “Rosfinmonitoring” sanawynda sagçy milletçi toparlar we "Talyban" we "Yslam döwleti" diýlip atlandyrylýan guramalar ýaly, daşary ýurtly terroristler bilen deň derejede goýuldy. Читать дальше...

Sebitiň elektrik ulgamyndaky kynçylyklar sebäpli, Gyrgyzystanyň ähli ýerinde we goňşy Gazagystanyň, Özbegistanyň käbir böleklerinde elektrik togy kesildi. Gyrgyzystanyň Energetika we senagat ministrliginiň metbugat wekili Jiide Zootbekowanyň 25-nji ýanwarda aýdan sözlerine görä, elektrik togunyň kesilmegine Merkezi Aziýanyň üç ýurduny birleşdirýän bitewi energiýa ulgamynda dörän anyklanmdyk problemalar sebäp boldy. Şeýle-de ol Gyrgyzystanyň käbir ýerlerinde energiýa üpjünçiliginiň dikeldilendigini aýtdy. Читать дальше...

Özbegistanyň SaglyK ministrliginiň metbugat gullugy 25-nji ýanwardan başlap halkara howa menzillerinde, demirýol menzillerinde we serhet nokatlarynda koronawirus ýokuşmasyny hökmany ýagdaýda çalt barlamak talaplarynyň ýatyrylandygyny habar berdi. 15-nji ýanwardan başlap, koronawirus ýokuşan adamlaryň sanynyň ep-esli artmagy sebäpli, Özbegistanda Koronawirusyň ýaýramagyna garşy göreşýän ýörite komissiýa respublikanyň içine girmegiň düzgünlerini berkitdi. Ýurda gelenleriň hemmesiniň diňe bir koronowirus... Читать дальше...

Russiýanyň Merkezi banky 24-nji ýanwarda, birinji gün sagat 15:00-dan içerki bazarda daşary ýurt walýutasynyň býujet düzgüni esasynda satyn alynmagyny togtatdy. Bu barada bankyň web sahypasynda habar berildi. "Daşary ýurt walýutasyny satyn almak işini dowam etdirmek karary, maliýe düzgünleri mehanizmini berjaý etmegiň çäginde, maliýe bazarlaryndaky hakyky ýagdaýy göz öňünde tutmak esasynda dikeldiler" diýip, Merkezi bank aýtdy. Biraz öň rubl günüň dowamynda köp aýlyk minimuma çenli pese gaçdy. Читать дальше...

ABŞ-nyň prezidenti Jo Baýden, Ýewropa liderlerine Russiýanyň Ukraina girmeginiň öňüni almak barada edilen çagyryşdan soň, Günbatar güýçleriniň arasynda "doly" agzybirligi yglan etdi. 80 minutlyk wideo gepleşik 24-nji ýanwarda, Russiýanyň ýakyn wagtda Ukraina goşun sürmek ähtimallygy baradaky aladalaryň ýokarlanmagynyň arasynda geçirildi we Pentagon şondan soň, belki-de, NATO ýurtlaryna ýerleşdirmek üçin 8,500 ABŞ goşunynyň taýýar ýagdaýa getirilendigini aýtdy. Waşington transatlantik agzybirligi saklamak tagallasyny edip... Читать дальше...

Mydama duýlup duran howp-hatar, ýagdaýyň yzygiderli çalt üýtgemegi, düşnüksiz gadaganlyklar, esasy we ownuk garyplyk, işsizlik, aýallaryň kemsidilmegi, ilatyň iň bilimli böleginiň ýurtdan gaçmagy hem-de ganly raýat uruş howpy – ol ýerden gaçanlaryň maglumatyna görä, talyplar ýeňiş gazanandan soň, Owganystandaky durmuş şeýle boldy. Ýylyň iň uzyn gijesinde, 21-nji dekabryň öňüsyrasynda, Kabulyň ýaşaýjysy 23 ýaşly Maliha Zafari we onuň joralary gadymy eýran baýramçylygy Şab-e Ýaldany bellemäge gidýärler. Читать дальше...