Новости за 28.02.2022

"Biz gaty sada we ynanjaň halk. Biz telewizorda ýurduň metjitlerinde sadaka geçirilip, adamlaryň juma namazyny okaýandygyny görenimizde, metjitlerde iň bolmanda juma namazyny okamaga rugsat berilýändir öýtdük. Ýöne seredip otursak, telewizorda oýunçylar oýun oýnap, bize telewizorda spektakl görkezen ekenler. Sebäbi ýene onlarça adamy baş metjitden kowdular" diýip, Mary welaýatynyň baş metjidine goýberilmedik adamlaryň biri aýtdy. 25-nji fewralda Türkmenistanyň "Altyn asyr" telekanalynda efire berlen... Читать дальше...

Balkan we Mary welaýatlarynyň häkimiýetleriniň ikisi-de prezidentlige dalaşgär Serdar Berdimuhamedowyň 28-nji fewralda öz sebitlerine sapar etmegine garaşyp, berk taýýarlyk gördi. Emma Azatlyk Radiosynyň Marydaky habarçysy S.Berdimuhamedowyň sebite etmegine garaşylan saparynyň 28-nji fewralda hem amala aşmandygyny habar berýär. Onuň Balkana etmegine garaşylýan saparynyň amala aşjakdygy ýa aşmajakdygy häzirlikçe nämälim bolmagyna galýar. Ýöne habarçylarymyz S.Berdimuhamedowyň Balkana we Mara etmegine... Читать дальше...

Moskwanyň goňşy ýurda esassyz çozmagy sebäpli Günbataryň berk ykdysady sanksiýalarynyň täsirine düşmegi bilen, Ukrainanyň delegasiýasy Russiýanyň wekilleri bilen gepleşige başlady. Prezident edarasy 28-nji fewralda Ukraina goranmak ministri Oleksi Reznikow bilen prezidentiň geňeşçisi Mihaýlo Podolýagyň hem wekilçilik edýändigini aýtdy.

Russiýanyň Ukraina garşy amala aşyrýan harby çozuşlarynyň bäşinji gününde Türkmenistanyň resmi we ýarym resmi köpçülikleýin habar beriş serişdeleri ýaragly konflikt barada dymýar. Bu aralykda, Ukrainada galan türkmen raýatlary goňşy ýurtlara aşmaga synanyşýarlar. Ynsan hukuklaryny goraýjy gurama türkmen häkimiýetlerini Ukrainada galan türkmenistanlylaryň ewakuasiýasyna ýardam bermezlikde aýyplaýar. Türkmen diplomatlary bu aýyplamalary ret edip, bar bolan mümkinçilikleriň çäginde öz raýatlaryny ewakuasiýa... Читать дальше...

Türkmenistanda 12-nji martda geçirilmeli irki prezidentlik saýlawlaryna gabat ýurtda koronawirus aladalary bilen bagly girizilen çäklendirmeleri gowşatmak göz öňünde tutulýar. Bu barada Azatlygyň habarçylary bilen söhbetdeş bolýan ýagdaýlardan habarlary çeşmeler maglumat berýärler, şeýle-de paýtagtda öýme-öý aýlanýan poçta işgärleri mälim edýärler. Ýurtda koronawirusyň ýokdugyny tekrarlaýan türkmen emeldarlarynyň muny saýlawlaryň öňýany ilatyň dowam edýän ykdysady çökgünlik sebäpli nägilelik duýgularyny... Читать дальше...

Türkmenistanyň daşary işler ministri Raşid Meredow 27-nji fewralda ýurduň daşary ýurtlardaky diplomatik korpusy bilen duşuşyk geçirdi. Wideoaragatnaşyk arkaly geçirilen duşuşygyň esasy temasy Türkmenistanyň prezidentiniň 12-nji martda geçiriljek saýlawlarynyň ýokary guramaçylyk derejesinde geçirilmegi boldy. Türkmenistanyň dünýäniň 30 ýurdunda ýerleşen ilçihanalarynda we konsullyklarynda häzir 41 sany saýlaw uçastoklary döredildi diýip, Türkmen DIM-niň web sahypasynda çap edilen habarda aýdylýar. Читать дальше...

Goňşy Russiýanyň esassyz çozuşyna sezewar bolan Ukrainanyň prezidenti Wolodymyr Zelenski Ýewropa Bileleşigini haýal etmän, ýörite prosedura laýyklykda, Ukraina agzalyk bermäge çagyrdy. "Biziň maksadymyz ähli ýewropaly bilen bile, iň möhümi bolsa, deň bolmak. Men munuň adalatlydygyna ynanýaryn. Men biziň muňa mynasypdygymyza ynanýaryn" diýip, ol sosial mediada paýlaşylan wideo ýüzlenmesinde aýtdy. "Ýewropalylar biziň esgerlerimiziň diňe bir biziň ýurdumyz üçin däl, eýsem tutuş Ýewropa, parahatçylyk... Читать дальше...

Türkmenistanyň prezidenti Gurbanguly Berdimuhamedow 26-njy fewralda Türkiýäniň prezidenti Rejep Taýyp Ärdogan bilen telefonda gürleşdi diýip, türkmen mediasy habar berýär. Söhbetdeşler birek-biregi şanly sene – Türkmenistan bilen Türkiýe Respublikasynyň arasynda diplomatik gatnaşyklaryň ýola goýulmagynyň 30 ýyllygy bilen gutladylar. Taraplar ynsanperwer ulgamyndaky hyzmatdaşlygyň ikitaraplaýyn gatnaşyklaryň aýrylmaz bölegi bolup, iki ýurduň arasyndaky gatnaşyklarda “ähmiýetli orny” eýeleýändigini... Читать дальше...

Soňky ýyllarda Türkmenistanyň awtoritar lideriniň ogly Serdar Berdimuhamedow köpçüligiň öňünde ýygy-ýygydan görnüp başlady, sebäbi kakasy ony öz ornuna mirasdar etmäge çalyşýardy. Serdar Berdimuhamedowyň eýeleýän köp sanly ýokary wezipelerine garamazdan, şahsy durmuşy hem häsiýeti barada kän zat mälim däl. Türkmenistanda şu ýylyň 12-nji martynda, irki prezident saýlawlaryny geçirmek meýilleşdirildi. Awtoritar lider Gurbanguly Berdimuhamedowyň ogly Serdar Berdimuhamedowyň nobatdaky döwlet baştutany boljakdygyny ynam bilen aýtmak mümkin. Читать дальше...

Moskwanyň goňşy ýurda esassyz çozmagy sebäpli Günbataryň berk ykdysady sanksiýalarynyň täsirine düşmegi bilen, Ukrainanyň delegasiýasy Russiýanyň wekilleri bilen gepleşmek üçin Belarus serhedine geldi. Prezident edarasy 28-nji fewralda Ukraina goranmak ministri Oleksi Reznikow bilen prezidentiň geňeşçisi Mihaýlo Podolýagyň hem wekilçilik edýändigini aýtdy. Bu duşuşyk Ukrainanyň paýtagtynda we esasy şäherleriň biri bolan Harkowda daň atmazdan öň eşidilen partlama seslerinden birnäçe sagat soň geçirilýär. Читать дальше...

BMG-niň başlygy Moskwanyň öz goňşusyna esassyz hüjüm etmegi sebäpli, Russiýanyň Ukraina garşy başlan harby çozuşynyň güýçlenmeginiň adam hukuklarynyň bozulmagynyň köpelmegine alyp gelendigini aýtdy. BMG-niň Baş sekretary Antonio Guterriş 28-nji fewralda Ženewada Adam hukuklary geňeşiniň açylyş dabarasynda eden ýazylan çykyşynda Milletler guramasynyň bu ýagdaýa gözegçilik edýän toparlarynyň wakalaryň bolup geçýän ýerinde ýerleşýändigini aýtdy. "Russiýa Federasiýasynyň Ukrainadaky harby operasiýalarynyň... Читать дальше...

Uly ýedilik toparynyň (G7) ýurtlary Moskwa garşy gazaply maliýe sanksiýalaryny yglan edeninden soň, Russiýanyň milli walýutasynyň hümmeti rekord derejede, tasdan dörtden bir pese gaçdy. Ukraina esassyz goşun sürmegi sebäpli, bu sanksiýalar prezident Wladimir Putini jezalandyrmak üçin girizildi. Bloombergiň maglumatlaryna görä, 28-nji fewralda rubl ABŞ dollarynyň garşynda geçen hepde aýagynda 83.7 bolanlygyndan 114-e düşdi. Russiýanyň Merkezi banky rubluň hümmetiniň çalt peselişiniň öňüni almaga synanyp... Читать дальше...

Rus güýçleriniň Kiýewde we beýleki şäherlerde berk gaýtawula duçar bolmagy bilen, Russiýanyň Ukraina garşy başlan esaslandyrylmadyk harby hüjümi 28-nji fewralda bäşinji gününe girdi we, garşysyna girizilen berk ykdysady sanksiýalaryň güýçlenmegi netijesinde, rus lideri Wladimir Putiniň režimi barha ýokarlanýan halkara izolýasiýasyna sezewar boldy. Ukrain häkimiýetleriniň berýän habarlaryna görä, partlamalar Ukrainanyň paýtagtynda we esasy şäherleriň biri bolan Harkowda daň atmazyndan öň eşidilip başlapdyr. Читать дальше...

Türkmenistanyň ençeme, hususan-da, Aşgabatdaky ýokary okuw jaýlarynda (ÝOJ) dekanlar köpçülikleýin işden çykarylyp, olara derek täze bilim işgärleri wezipä bellenilip başlandy. Ýagdaýdan habarly bilim işgärleri bu kadr çalşygynyň sebäplerini, ýurtda amala aşjak häkimiýet çalşygynyň öňüsyrasynda, "iş ýerleriniň, wezipeleriň satylyp başlanmagy" bilen düşündirýärler. Azatlyk Radiosynyň bu barada paýtagtdan habar berýän habarçysynyň maglumatlaryna görä, soňky günlerde ýurduň ÝOJ-larynyň ençemesinde dekanlar işden boşadyldy. Читать дальше...