Новости за 11.12.2019

(Казан, 11 декабрь, «Татар-информ»). 24-25 декабрьдә Тинчурин театры драматург Зөлфәт Хәкимнең «Һәлакәткә бер адым» спектакленең премьерасын күрсәтә. Бу турыда театрның матбугат хезмәте хәбәр итте.

Әлеге штатта майя телендә ярты миллионлап кеше сөйләшә.

(Казан, 11 декабрь, «Татар-информ», «Ватаным Татарстан», Гөлгенә Шиһапова). Алданган өлешчеләр проблемасы республикада беренче тапкыр 2008 елда килеп туган иде. Ул чакта халыкка 75 йортны төзеп тапшыргач, бу хәл тагын кабатланыр дип башларына да килми. Әмма 2015 елда 30 йортка өлешләп акча кертүчеләрнең кабат алдануы билгеле була. Кичә шундыйларның берсе — «Молодежный» торак комплексына кергән Нокса авышлыгындагы 10 нчы йорт файдалануга тапшырылды. Ел ахырына кадәр Казанда тагын 5 йорт үз ишекләрен ачар дип көтелә. Читать дальше...

(Казан, 11 декабрь, «Татар-информ»). Россия Президенты Владимир Путин кыйммәт булмаган һәм авиакомпанияләрне җәлеп итәрлек авиамаршрутлар челтәрен булдырырга йөкләде. Бу хакта РИА Новости хәбәр итә.

(Казан, 11 декабрь, «Татар-информ»). Татарстан Президенты Рөстәм Миңнеханов Беларусь Республикасына сәфәре кысаларында Минск шәһәрендә Җәмигъ мәчетендә булды һәм Коръәннең махсус басмасын бүләк итте. Бу турыда Татарстан Президенты матбугат хезмәте хәбәр итте.

(Казан, 11 декабрь, «Татар-информ»). 13-15 декабрьдә Казанда Спорт сараеның боз мәйданчыгында 17 яшькә кадәрге яшүсмерләр җыелма командалары арасында Халыкара хоккей турниры — дүрт милләт турниры була. Бу турыда Татарстан Спорт министрлыгы матбугат хезмәте хәбәр итте.

(Казан, 11 декабрь, «Татар-информ»). Татарстан Президенты Беларусь Республикасына эш сәфәре кысаларында Беларусьта яшәгән татарлар белән очрашты. Ул татарларга телне, гореф-гадәтләрне саклаган өчен рәхмәтен әйтте. «Матур иҗат коллективлары эшләп килүе сөендерә. Киләчәктә аларны Казанда көтеп калабыз. Алга таба да шулай элемтәдә булыйк», — диде Президент. Бу турыда Бөтендөнья татар конгрессы матбугат хезмәте хәбәр итте.

(Казан, 11 декабрь, «Татар-информ»). Күп кенә тамашачылар соравы буенча, Камал театрының декабрь афишасына Йон Фоссе әсәре буенча Фәрит Бикчәнтәев сәхнәләштергән «Җәйнең бер көнендә» спектакле өстәлде. Бу турыда театрның матбугат хезмәте хәбәр итте.

(Казан, 11 декабрь, «Татар-информ»). Татарстан вице-премьеры Ләйлә Фазлыева Россия хәрби-тарихи җәмгыятенең Татарстан буенча төбәк бүлекчәсе җитәкчесе итеп билгеләнде. Бу турыда оешманың сайтында хәбәр ителә.

(Казан, 11 декабрь, «Татар-информ»). 9-12 декабрь көннәрендә «Дуслык» сәламәтләндерү-белем бирү комплексы базасында татар һәм рус телләрендә белем бирүче мәктәп укучылары өчен туган тел (татар) әдәбияты һәм төрек теле буенча республика олимпиадасының муниципаль һәм йомгаклау этаплары алдыннан укыту-тренировка җыеннары башланды. Бу турыда ТР Мәгариф һәм фән министрлыгы хәбәр итте.

(Казан, 11 декабрь, «Татар-информ»). Россия Дәүләт Думасы һәлак булган хәрби хезмәткәр һәм кайбер хакимият органы хезмәткәре гаиләләре торакны капиталь төзекләндерүгә түли торган кертемне компенсацияләү турында закон проектын беренче укылышта кабул итте.

(Казан, 11 декабрь, «Татар-информ», «Мәгариф», Раушания Хөснетдинова). Бүген, 11 декабрьдә, Татарстан Республикасы Фәннәр академиясенең Г.Ибраһимов исемендәге Тел, әдәбият һәм сәнгать институтында «Ике һәм күптеллелек шартларында дәүләт һәм региональ телләрне куллануның хокукый нигезләре (федераль дәүләтләрдә тел сәясәтен тормышка ашыруның дөньякүләм тәҗрибәсе)» дигән темага Халыкара фәнни-гамәли конференция узды. Чараның төп оештыручысы ТР ФА Г.Ибраһимов исемендәге Тел, әдәбият һәм сәнгать институты булды. Читать дальше...

(Казан, 11 декабрь, "Татар-информ"). Бүген Татарстан Республикасы Президенты Рөстәм Миңнеханов Беларусь Республикасы башкаласы Минск шәһәренә эш сәфәренә килде. «Минск» аэропортында аны Беларусь Республикасы Премьер-министры урынбасары Игорь Ляшенко һәм Россиянең Беларусь Республикасындагы Гадәттән тыш һәм Тулы вәкаләтле Илчесе Дмитрий Мезенцев каршы алды. Бу турыда Татарстан Президенты матбугат хезмәте хәбәр итте.

(Казан, 11 декабрь, «Татар-информ»). Татарстан Президенты Рөстәм Миңнеханов Братиславада Словакия Республикасы Милли советы рәисе Андрей Данко белән очрашудан соң Словакиянең сәнәгать потенциалына һәм үсеш перспективалары турында фикерләрен әйтте. Бу турыда Татарстан Президенты матбугат хезмәте хәбәр итте.

(Казан, 11 декабрь, «Татар-информ», Зилә Мөбәрәкшина). Төркиянең «Голос» (O ses Türkiye) тапшыруында татар егете Тәүман Урал «Tamirci Çırağı» җыры белән чыгыш ясаган. Җырчы чыгышы белән Төркиянең Бөгредәлек авылыннан. Бу хакта «Татар-информ» хәбәрчесенә журналист, язучы Айзирәк Гәрәева-Акчура хәбәр итте.

(Казан, 11 декабрь, «Татар-информ»). Россия Президенты Владимир Путин профильле министрлыкларга патриотик тәрбия буенча яңа программа әзерләү эшен озакка сузмаска кушты. Бу турыда РИА Новости хәбәр итә.

(Казан, 11 декабрь, «Татар-информ»). Җанатарларның баннеры өчен Казанның «Рубин» клубына 25 мең сум штраф салганнар. Бу хакта Россия футбол берлегенең Контроль-дисциплина комитеты башлыгы Артур Григорьянц сүзләренә сылтама белән «Спорт-Экспресс» хәбәр итә.

(Казан, 11 декабрь, «Татар-информ»). Бүген Татарстан Республикасы Президенты Рөстәм Миңнеханов Словакия Республикасына эшлекле сәфәр кысаларында Бөек Ватан сугышы вакытында Братислава шәһәрен азат иткәндә һәлак булган совет сугышчылары мемориалына чәчәкләр салды. Бу турыда Татарстан Президентының матбугат хезмәте хәбәр итте.

(Казан, 11 декабрь, «Татар-информ», Зилә Мөбәрәкшина). Казан федераль университетының Конфуций исемендәге институт студентлары Кытай белән Россия арасындагы дипломатик мөнәсәбәтләрнең 70 еллыгы уңаеннан «Татар телендә белем бирүче 27 гимназия» укучыларын Кытай мәдәнияте белән таныштырган. Бу хакта «Татар-информ» хәбәрчесенә гимназия директоры урынбасары Гөлфия Гыйләҗева сөйләде.

(Казан, 11 декабрь, «Татар-информ»). 10 декабрьдә «Торатау» Конгресс-холлында Башкортстан башлыгы Радий Хәбиров Дәүләт җыенына Юллама белән мөрәҗәгать иткән. Биредә ул беренче тапкыр «Минем әти алдый» социаль видеоролигын күрсәткән һәм залда җыелган кешеләр елаган. Бу хакта «Башинформ» агентлыгы хәбәр итә.

(Казан, 11 декабрь, «Татар-информ»). Казанда туган язучы Гүзәл Яхина «Дети мои» романы өчен «Большая книга» премиясе лауреатлары арасына керде. Бу хакта премиянең матбугат хезмәте хәбәр итә.

(Казан, 11 декабрь, «Татар-информ»). Татарстанда яшәүчеләрне Россия Федерациясе Конституциясе турында белемнәрне тикшерү өчен IV Бөтенроссия тестында катнашырга чакыралар, ул иртәгә, 12 декабрьдә узачак.

Эфир 11 декабря 2019 года.

Бүген, район һәм шәһәр башлыгы Алмаз Әхмәтшин катнашында эшмәкәрләр белән очрашу үтте.

(Казан, 11 декабрь, «Татар-информ»). Татарстан Диния нәзарәте әзерләгән «Калям Шариф. Перевод смыслов» китабының меңнән артык данәсе сатылды. Бу гомуми тиражның яртысын тәшкил итә. Басма «Россия — Ислам дөньясы» стратегик күзаллау төркеме рәисе Рөстәм Миңнехановның илкүләм премиясенә лаек булды. Бу турыда ТР Диния нәзарәте матбугат хезмәте хәбәр итте.