Камал театры тамашачылар соравы буенча «Җәйнең бер көнендә» спектаклен күрсәтә
(Казан, 11 декабрь, «Татар-информ»). Күп кенә тамашачылар соравы буенча, Камал театрының декабрь афишасына Йон Фоссе әсәре буенча Фәрит Бикчәнтәев сәхнәләштергән «Җәйнең бер көнендә» спектакле өстәлде. Бу турыда театрның матбугат хезмәте хәбәр итте.
Спектакль «Алтын битлек» премиясе номинанты булды, Кытай Венгрия, Румыния, Санкт-Петербург һәм Мәскәү фестивальләрендә катнашты. «Җәйнең бер көнендә» — Норвегия драматургы Й.Фоссеның Россиядә куелган беренче пьесасы.